ನಿಮಗೂ ಪದೇ ಪದೇ ಶೌಚಕ್ಕೆ ಹೋಗುವ ಅಭ್ಯಾಸವಿದೆಯಾ….? ಇದು ಮಾರಣಾಂತಿಕ ಕಾಯಿಲೆಯ ಲಕ್ಷಣವೂ ಇರಬಹುದು ಎಚ್ಚರ…!

ಕರುಳಿನ ಚಲನೆಗಳಲ್ಲಿನ ಬದಲಾವಣೆ

ಕರುಳು ನಮ್ಮ ಜೀರ್ಣಾಂಗ ವ್ಯವಸ್ಥೆಯ ಅವಿಭಾಜ್ಯ ಅಂಗ. ಇದು ಟೊಳ್ಳಾದ ಸ್ನಾಯುವಿನ ಕೊಳವೆಯಾಗಿದ್ದು, ಹೊಟ್ಟೆಯಿಂದ ಗುದದ್ವಾರಕ್ಕೆ ಹೋಗುವ ಜೀರ್ಣಾಂಗವ್ಯೂಹದ ಕೆಳಭಾಗದಲ್ಲಿದೆ. ಕರುಳಿನ ಮೂಲ ಕಾರ್ಯವೆಂದರೆ ಆಹಾರವನ್ನು ಜೀರ್ಣಿಸಿಕೊಳ್ಳುವುದು, ಪೋಷಕಾಂಶಗಳನ್ನು ರಕ್ತಪ್ರವಾಹಕ್ಕೆ ಹೀರಿಕೊಳ್ಳುವುದು. ನಂತರ ದೇಹವು ಬಳಸಲಾಗದ ತ್ಯಾಜ್ಯವನ್ನು ಸಂಸ್ಕರಿಸಿ ತೆಗೆದುಹಾಕುವುದು. ದೊಡ್ಡ ಕರುಳಿನಲ್ಲಿರುವ ಜೀವಕೋಶಗಳು ಅನಿಯಂತ್ರಿತವಾಗಿ ಬೆಳೆಯಲು ಪ್ರಾರಂಭಿಸಿದಾಗ ಕರುಳಿನ ಕ್ಯಾನ್ಸರ್ ಸಂಭವಿಸುತ್ತದೆ. ಕ್ಯಾನ್ಸರ್ ಎಲ್ಲಿ ಪ್ರಾರಂಭವಾಗುತ್ತದೆ ಎಂಬುದರ ಆಧಾರದ ಮೇಲೆ ಇದನ್ನು ಕೊಲೊನ್ ಕ್ಯಾನ್ಸರ್ ಎಂದೂ ಕರೆಯುತ್ತಾರೆ. ಆರಂಭಿಕ ಹಂತಗಳಲ್ಲಿ ಕರುಳಿನ ಕ್ಯಾನ್ಸರ್ ಲಕ್ಷಣಗಳು ಹೆಚ್ಚು ಗೋಚರಿಸದಿದ್ದರೂ, ಅದನ್ನು ಪತ್ತೆ ಹಚ್ಚಲು ನಿಮಗೆ ಸಹಾಯ ಮಾಡುವ ಕೆಲವು ಲಕ್ಷಣಗಳು ನಿಮ್ಮಲ್ಲಿ ಇರಬಹುದು.

ಕರುಳಿನ ಚಲನೆ ಎಷ್ಟು ಬಾರಿ?

ಕರುಳಿನ ಕ್ಯಾನ್ಸರ್ ಹೊಂದಿರುವ ಎಲ್ಲಾ ಜನರು ಆಗಾಗ ಹೆಚ್ಚು ಕರುಳಿನ ಚಲನೆಯನ್ನು ಅನುಭವಿಸುತ್ತಾರೆ. ಕರುಳಿನ ಚಲನೆಗೆ ನಿರ್ದಿಷ್ಟ ಸಂಖ್ಯೆಯಿಲ್ಲ, ಆದರೆ ದಿನಕ್ಕೆ ಮೂರು ಬಾರಿಯಿಂದ ವಾರಕ್ಕೆ ಮೂರು ಬಾರಿ ಹೋಗಬಹುದು. ಕರುಳಿನ ಕ್ಯಾನ್ಸರ್ ಹೊಂದಿರುವ ಅನೇಕ ರೋಗಿಗಳು ಹೆಚ್ಹೆಚ್ಚು ಬಾರಿ ಶೌಚಕ್ಕೆ ಹೋಗುತ್ತಾರೆ. ಆದರೆ ಹೆಚ್ಚು ಶೌಚಕ್ಕೆ ಹೋಗುವವರಿಗೆಲ್ಲ ಕರುಳಿನ ಕ್ಯಾನ್ಸರ್‌ ಇದೆ ಎಂದರ್ಥವಲ್ಲ. ಸಾಮಾನ್ಯಕ್ಕಿಂತ ಹೆಚ್ಚು ಫೈಬರ್ ಅಥವಾ ಧಾನ್ಯಗಳನ್ನು ಸೇವನೆ ಮಾಡುವುದರಿಂದಲೂ ಇದು ಸಂಭವಿಸಬಹುದು.

ಮಲದಲ್ಲಿನ ಬದಲಾವಣೆಗಳನ್ನು ಗಮನಿಸಿ

ಕರುಳಿನ ಅಭ್ಯಾಸದಲ್ಲಿನ ಬದಲಾವಣೆಗಳನ್ನು ಗಮನಿಸುವುದು ಮುಖ್ಯ. ಮಲದಲ್ಲಿ ಆಗುತ್ತಿರುವ ಬದಲಾವಣೆಗಳ ಬಗ್ಗೆಯೂ ಗಮನ ಕೊಡಿ. ಮಲದಲ್ಲಿ ರಕ್ತಸ್ರಾವವಾಗುತ್ತಿದ್ದರೆ ಅದು ಕೂಡ ಅಪಾಯಕಾರಿ ಸಂಕೇತವಾಗಿದೆ.

ಚಿಹ್ನೆಗಳನ್ನು ನಿರ್ಲಕ್ಷಿಸಬೇಡಿ

ನಿರಂತರವಾದ ಕೆಳ ಹೊಟ್ಟೆಯ ನೋವು, ಉಬ್ಬರಿಸುವಿಕೆ ಅಥವಾ ಅಸ್ವಸ್ಥತೆ ಕರುಳಿನ ಕ್ಯಾನ್ಸರ್‌ನ ಇತರ ಚಿಹ್ನೆಗಳಾಗಿರಬಹುದು. ಇವುಗಳು ಯಾವಾಗಲೂ ತಿನ್ನುವುದರಿಂದ ಉಂಟಾಗುತ್ತವೆ. ಹಸಿವು ಕಡಿಮೆಯಾಗುವುದು, ಗಮನಾರ್ಹವಾದ ತೂಕ ನಷ್ಟವಾಗಿದ್ದಲ್ಲಿ ಅದನ್ನು ನಿರ್ಲಕ್ಷಿಸಬೇಡಿ.

ಇತರ ರೋಗ ಲಕ್ಷಣಗಳು

ಇತರ ಆರೋಗ್ಯ ಸಮಸ್ಯೆಗಳು ಕೂಡ ಕರುಳಿನ ಕ್ಯಾನ್ಸರ್‌ನಂತಹ ಲಕ್ಷಣಗಳನ್ನು ಹೊಂದಿರಬಹುದು. ನೋವು ಮತ್ತು ಮಲದಲ್ಲಿ ರಕ್ತ ಬರುವುದು ಪೈಲ್ಸ್‌ ಲಕ್ಷಣವಾಗಿರಬಹುದು. ಕಿಬ್ಬೊಟ್ಟೆಯ ನೋವು ನಿಮ್ಮ ಆಹಾರ ಬದಲಾವಣೆಯ ಪರಿಣಾಮವೂ ಆಗಿರುತ್ತದೆ. ಅತಿ ಕಡಿಮೆ ಬಾರಿ ಶೌಚಕ್ಕೆ ಹೋಗುವುದು, ಗಟ್ಟಿಯಾದ ಮಲ ಇವು ಗಂಭೀರವಾದ ಲಕ್ಷಣಗಳಾಗಿರುವುದಿಲ್ಲ.

ಸಕಾಲಿಕ ಪತ್ತೆ ಪ್ರಮುಖ

ದೀರ್ಘಕಾಲದ ಕಾಯಿಲೆಗಳನ್ನು ಸಮಯೋಚಿತವಾಗಿ ಪತ್ತೆಹಚ್ಚುವುದರಿಂದ ಅದು ಮಾರಣಾಂತಿಕವಾಗದಂತೆ ತಡೆಯಬಹುದು. ಕರುಳಿನ ಕ್ಯಾನ್ಸರ್‌ಗೆ ಸಂಬಂಧಿಸಿದ ಯಾವುದೇ ರೋಗಲಕ್ಷಣಗಳನ್ನು ನೀವು ಗಮನಿಸಿದರೆ ತಕ್ಷಣ ವೈದ್ಯರನ್ನು ಭೇಟಿ ಮಾಡಬೇಕು. ವೈದ್ಯರು ಡಿಜಿಟಲ್ ಗುದನಾಳದ ಪರೀಕ್ಷೆಯನ್ನು (DRE) ನಡೆಸುತ್ತಾರೆ ಮತ್ತು ನಿಮ್ಮ ಹೊಟ್ಟೆಯನ್ನು ಪರೀಕ್ಷಿಸುತ್ತಾರೆ. ನಿಮಗೆ ಕಬ್ಬಿಣದ ಕೊರತೆಯ ರಕ್ತಹೀನತೆ ಇದೆಯೇ ಎಂದು ನೋಡಲು ವೈದ್ಯರು ರಕ್ತವನ್ನು ಸಹ ಪರಿಶೀಲಿಸಬಹುದು. ಕರುಳಿನ ಕ್ಯಾನ್ಸರ್ ಹೊಂದಿರುವ ಹೆಚ್ಚಿನ ಜನರು ರಕ್ತಹೀನತೆಯ ಲಕ್ಷಣಗಳನ್ನು ಹೊಂದಿಲ್ಲವಾದರೂ, ಕ್ಯಾನ್ಸರ್‌ನಿಂದ ರಕ್ತಸ್ರಾವದ ಪರಿಣಾಮವಾಗಿ ಅವರು ಕಬ್ಬಿಣದ ಕೊರತೆಯನ್ನು ಹೊಂದಿರಬಹುದು. ಕರುಳಿನ ಕ್ಯಾನ್ಸರ್ ಅನ್ನು ಪತ್ತೆಹಚ್ಚಲು ಸಿಗ್ಮೋಯ್ಡೋಸ್ಕೋಪಿ ಅಥವಾ ಕೊಲೊನೋಸ್ಕೋಪಿ ಅಥವಾ CT ಕೊಲೊನೋಗ್ರಫಿ ಎಂಬ ಸರಳ ಪರೀಕ್ಷೆಯನ್ನು ಮಾಡಲಾಗುತ್ತದೆ. ಇದಲ್ಲದೆ CT ಸ್ಕ್ಯಾನ್ ಮತ್ತು MRI ಸಹ ರೋಗವನ್ನು ಪತ್ತೆಹಚ್ಚಲು ಸಹಾಯ ಮಾಡುತ್ತದೆ.

ಯಾರಿಗೆ ಹೆಚ್ಚು ಅಪಾಯ?

ನಿಮಗೆ ವಯಸ್ಸಾದಂತೆ ಯಾವುದೇ ಕ್ಯಾನ್ಸರ್ ಬರುವ ಸಾಧ್ಯತೆಗಳು ಹೆಚ್ಚಾಗುತ್ತದೆ. ಕರುಳಿನ ಕ್ಯಾನ್ಸರ್‌ಗೆ ಸಂಬಂಧಿಸಿದಂತೆ ವಯಸ್ಸು, ಕುಟುಂಬದ ಇತಿಹಾಸ, ಬೊಜ್ಜು, ಅನಾರೋಗ್ಯಕರ ಆಹಾರ ಪದ್ಧತಿ, ಕಡಿಮೆ ದೈಹಿಕ ಚಟುವಟಿಕೆ, ಧೂಮಪಾನ ಮತ್ತು ಆಲ್ಕೋಹಾಲ್ ಸೇವನೆ ಸೇರಿದಂತೆ ಅಂಶಗಳು ರೋಗದ ಬೆಳವಣಿಗೆಯ ಅಪಾಯವನ್ನು ಹೆಚ್ಚಿಸಬಹುದು. ನೀವು ಮಧುಮೇಹ, ಪಿತ್ತಗಲ್ಲು ಮತ್ತು ಅಕ್ರೋಮೆಗಾಲಿ ಮುಂತಾದ ಆರೋಗ್ಯ ಪರಿಸ್ಥಿತಿಗಳನ್ನು ಹೊಂದಿದ್ದರೆ ಅನಾರೋಗ್ಯಕ್ಕೆ ಗುರಿಯಾಗಬಹುದು. ರೋಗ ನಿರ್ಣಯ ಮತ್ತು ಚಿಕಿತ್ಸೆಯಲ್ಲಿ ವಿಳಂಬವನ್ನು ತಪ್ಪಿಸಲು ನಿಯಮಿತವಾಗಿ ವೈದ್ಯರ ಬಳಿ ಪರೀಕ್ಷಿಸಿಕೊಳ್ಳಿ.