ಮೊಬೈಲ್​ ಬಳಸುವವರು ನೋಡಲೇಬೇಕು ದೆಹಲಿ ಪೊಲೀಸರ ಈ ವಿಡಿಯೋ

ನವದೆಹಲಿ: ರಸ್ತೆಯಲ್ಲಿ ನಡೆದುಕೊಂಡು ಹೋಗುವಾಗ ಅಥವಾ ವಾಹನಗಳನ್ನು ಚಲಾಯಿಸುತ್ತಿದ್ದರೆ ಮೊಬೈಲ್ ಫೋನ್‌ಗಳನ್ನು ಬಳಸುವುದನ್ನು ತಪ್ಪಿಸಬೇಕು ಎಂದು ಪೊಲೀಸರು ಪದೇ ಪದೇ ಎಚ್ಚರಿಕೆ ಕೊಡುತ್ತಿದ್ದರೂ ಎಷ್ಟೋ ಮಂದಿ ಇದನ್ನು ಕಿವಿಗೆ ಹಾಕಿಕೊಳ್ಳುವುದೇ ಇಲ್ಲ. ಇದು ಅಪಾಯಕಾರಿ ಎಂಬುದು ಗೊತ್ತಿರುವ ವಿಷಯವೇ. ಒಂದು ಸೆಕೆಂಡ್ ಮೊಬೈಲ್​ನಲ್ಲಿ ಮೈಮರೆತರೂ ಅದು ಅಪಘಾತಗಳಿಗೆ ಕಾರಣವಾಗಬಹುದು. ಇಷ್ಟೆಲ್ಲಾ ಎಚ್ಚರಿಕೆಗಳ ನಂತರವೂ, ಅನೇಕ ಜನರು ಈ ಅಭ್ಯಾಸವನ್ನು ಬಿಟ್ಟಿಲ್ಲ.

ಮೊಬೈಲ್​ನಲ್ಲಿ ಮೈಮರೆತರೆ ಏನೆಲ್ಲಾ ಎಡವಟ್ಟುಗಳಾಗಬಹುದು ಎಂಬ ಬಗ್ಗೆ ದೆಹಲಿ ಪೊಲೀಸರು ಶೇರ್​ ಮಾಡಿಕೊಂಡಿರುವ ಈ ವಿಡಿಯೋದಿಂದ ಅರ್ಥ ಮಾಡಿಕೊಳ್ಳಬಹುದಾಗಿದೆ. ಜನರು ನಡೆಯುವಾಗ ಅಥವಾ ಚಾಲನೆ ಮಾಡುವಾಗ ಫೋನ್‌ಗಳನ್ನು ಬಳಸಿದರೆ ಹೇಗೆಲ್ಲಾ ಅಪಾಯಗಳು ಎದುರಾಗುತ್ತವೆ ಎಂಬ ಬಗ್ಗೆ ಈ ವಿಡಿಯೋ ತೋರಿಸುತ್ತದೆ.

“ಅನೇಕ ಜನರು ನಡೆಯುತ್ತಾ, ಚಾಲನೆ ಮಾಡುತ್ತಾ ಮೆಸೇಜ್​ ಕಳಿಸುತ್ತಿರುತ್ತಾರೆ, ಅಥವಾ ಬಂದ ಮೆಸೇಜ್​ ಓದುತ್ತಿರುತ್ತಾರೆ. ಇಂಥ ಸಂದರ್ಭದಲ್ಲಿ ಅವಘಡಗಳು ಆಗುತ್ತವೆ. ಎಷ್ಟು ಹೇಳಿದರೂ ಇಂಥದ್ದು ನಡೆದೇ ಇದೆ” ಎಂದಿರುವ ಅವರು ಅವಘಡಗಳ ಸಂದೇಶ ಸಾರುವ ವಿಡಿಯೋ ಶೇರ್​ ಮಾಡಿಕೊಂಡಿದ್ದಾರೆ. 40-ಸೆಕೆಂಡ್‌ಗಳ ವೀಡಿಯೊ ಭಾರಿ ವೈರಲ್​ ಆಗಿದೆ.

https://twitter.com/NeerajG30055082/status/1589529136812691456?ref_src=twsrc%5Etfw%7Ctwcamp%5Etweetembed%7Ctw