ಇಂದು ರೀಲ್ಸ್ ಮಾಡುವವರ ಸಂಖ್ಯೆ ಹೆಚ್ಚಿರುವ ಕಾರಣ, ತಾವು ಪ್ರಸಿದ್ಧಿಗೆ ಬರಲು ಜನರು ವಿಧವಿಧ ವೇಷ ತೊಟ್ಟು ನರ್ತಿಸುವುದು ಮಾಮೂಲಾಗಿದೆ. ಅಂಥದ್ದರಲ್ಲಿ ಒಂದು ವಿಡಿಯೋ ವೈರಲ್ ಆಗಿದೆ. ನಮ್ಮ ಪೂರ್ವಜರ ಆತ್ಮಕ್ಕೆ ಶಾಂತಿ ಕೋರುವ ಸಲುವಾಗಿ ಭೂತದ ಡ್ರೆಸ್ನಲ್ಲಿ ಬಂದು ಕೆಲವು ದೇಶಗಳಲ್ಲಿ ಆಚರಿಸುವ ಹ್ಯಾಲೋವೀನ್ ಡ್ರೆಸ್ನಲ್ಲಿ ರೀಲ್ಸ್ ಮಾಡುವವರು ಹೆಚ್ಚುತ್ತಿದ್ದಂತೆಯೇ, ಅದಕ್ಕೆ ಹಾರರ್ ಟಚ್ ಕೊಟ್ಟು ಹಲವರು ರೀಲ್ಸ್ ಶುರು ಮಾಡಿಕೊಂಡಿದ್ದಾರೆ.
ಭಯಾನಕ ಕಥಾ ಹಂದರ ಹೊಂದಿರುವ “ಕಂಜ್ಯೂರಿಂಗ್” ವೆಬ್ಸಿರೀಸ್ನಲ್ಲಿ ಅತ್ಯಂತ ಭಯಾನಕ ಎನಿಸುವ ಪಾತ್ರ ನನ್. ಈಗ ಜನರು ಇದರ ವೇಷಭೂಷಣ ತೊಟ್ಟು ರೀಲ್ಸ್ ಮಾಡುತ್ತಿದ್ದಾರೆ. ‘imjustbesti’ ಪುಟದಲ್ಲಿ ವೈರಲ್ ಆಗಿರುವ ನನ್ ವೇಷಧಾರಿಯ ನೃತ್ಯ ಭಯಾನಕ ಎನ್ನುವುದಕ್ಕಿಂತ ಹೆಚ್ಚಾಗಿ ತಮಾಷೆ ಮೂಡಿಸುವಂತಿದೆ. ಆದರೆ ಮಕ್ಕಳು ಮಾತ್ರ ಈ ವಿಡಿಯೋ ನೋಡಿ ಭಯ ಪಟ್ಟುಕೊಳ್ಳುವುದು ಖಂಡಿತ.
ಕಪ್ಪು ಸೂಟ್, ದುಪಟ್ಟಾ ಧರಿಸಿ ಪಂಜಾಬಿ ಟ್ವಿಸ್ಟ್‌ನೊಂದಿಗೆ ದಿ ನನ್‌ನ ವೇಷಭೂಷಣವನ್ನು ಧರಿಸಿರುವ ವ್ಯಕ್ತಿಯೊಬ್ಬ ಡಾನ್ಸ್ ಮಾಡುವುದನ್ನು ವಿಡಿಯೋದಲ್ಲಿ ನೋಡಬಹುದು.
ತಮಾಷೆಯಾಗಿ, ಆರಂಭದಲ್ಲಿ ಒಂದು ಕೈಯಲ್ಲಿ ರೋಲಿಂಗ್ ಪಿನ್ ಅನ್ನು ಹಿಡಿದಿರುವ ಈ ವ್ಯಕ್ತಿ ಹಿತ್ತಲಿನಲ್ಲಿ ಈಜುಕೊಳದ ಬಳಿ ನೃತ್ಯ ಮಾಡುತ್ತಿದ್ದಾನೆ. ಪಂಜಾಬ್‌ನ ಸಾಂಪ್ರದಾಯಿಕ ನೃತ್ಯ ಈತ ಮಾಡಿದ್ದು, ನೆಟ್ಟಿಗರು ಈ ಡಾನ್ಸ್ಗೆ ಫಿದಾ ಆಗಿದ್ದಾರೆ. ‘ಪಂಜಾಬಿ ನನ್’ ಎಂದು ತಮಾಷೆ ಮಾಡುತ್ತಿದ್ದಾರೆ.
Loading ...