ರೀಲ್ಸ್ ಮಾಡುವುದರಲ್ಲೇ ಕಾಲ ಕಳೆಯುತ್ತಿದ್ದ ಮಹಿಳೆಗೆ ಚಿತ್ರನಟಿಯಾಗುವಾಸೆ: ಸಹಿಸದ ಗಂಡನಿಂದ ಘೋರ ಕೃತ್ಯ

ಸೋಷಿಯಲ್ ಮೀಡಿಯಾಗಳಲ್ಲಿ ರೀಲ್ ಮಾಡಲು ಹೆಚ್ಚು ಸಮಯ ಕಳೆದಿದ್ದಕ್ಕಾಗಿ ತಮಿಳುನಾಡಿನ ತಿರುಪ್ಪೂರ್‌ ನಲ್ಲಿ ವ್ಯಕ್ತಿಯೊಬ್ಬ ಪತ್ನಿಯನ್ನೇ ಕೊಲೆ ಮಾಡಿದ್ದಾನೆ.

ದಿಂಡುಗಲ್‌ ನ 38 ವರ್ಷದ ಅಮೃತಲಿಂಗಂ ಪತ್ನಿ ಚಿತ್ರಾಳನ್ನು ಕೊಲೆ ಮಾಡಿದ್ದಾನೆ. ತೆನ್ನಂ ಪಾಳಯಂ ತರಕಾರಿ ಮಾರುಕಟ್ಟೆಯಲ್ಲಿ ದಿನಗೂಲಿಯಾಗಿ ಕೆಲಸ ಮಾಡುತ್ತಿದ್ದ ಅಮೃತಲಿಂಗಂ ಮದುವೆ ನಂತರ ತಿರುಪುರದ ಸೆಲ್ಲಂ ನಗರದಲ್ಲಿ ವಾಸಿಸುತ್ತಿದ್ದರು.

ಅವರ ಪತ್ನಿ ಚಿತ್ರಾ ಗಾರ್ಮೆಂಟ್ ಫ್ಯಾಕ್ಟರಿಯಲ್ಲಿ ಕೆಲಸ ಮಾಡುತ್ತಿದ್ದು, ಟಿಕ್‌ ಟಾಕ್ ಮತ್ತು ಇನ್‌ ಸ್ಟಾಗ್ರಾಮ್‌ ನಲ್ಲಿ ರೀಲ್‌ ಗಳನ್ನು ಪೋಸ್ಟ್ ಮಾಡುವ ಅಭ್ಯಾಸ ಹೊಂದಿದ್ದರು. ಈ ಬಗ್ಗೆ ಅಮೃತಲಿಂಗಂ ಚಿತ್ರಾ ಅವರೊಂದಿಗೆ ಹಲವಾರು ಬಾರಿ ಜಗಳವಾಡಿದ್ದರು.

ಹೆಚ್ಚಿನ ಫಾಲೋಯರ್ಸ್ ಮತ್ತು ಸಂಪರ್ಕಗಳನ್ನು ಪಡೆದ ನಂತರ, ಚಿತ್ರಾ ನಟನೆಯಲ್ಲಿ ವೃತ್ತಿಜೀವನವನ್ನು ಮುಂದುವರಿಸಲು ನಿರ್ಧರಿಸಿ ಎರಡು ತಿಂಗಳ ಹಿಂದೆ ಚೆನ್ನೈಗೆ ತೆರಳಿದ್ದಳು. ಆಕೆಯ Instagram ಖಾತೆಯಲ್ಲಿ 33.3K ಅನುಯಾಯಿಗಳನ್ನು ಹೊಂದಿದ್ದಳು.

ಕಳೆದ ವಾರ, ಮಗಳ ಮದುವೆಯಲ್ಲಿ ಭಾಗವಹಿಸಲು ಅವರು ಹಿಂತಿರುಗಿದ್ದ ಆಕೆ ಕಾರ್ಯಕ್ರಮದ ನಂತರ ಚೆನ್ನೈಗೆ ಹೊರಡಲು ತಯಾರಾಗುತ್ತಿದ್ದಳು, ಆದರೆ ಅಮೃತಲಿಂಗಂಗೆ ಅವಳು ಹೋಗುವುದು ಇಷ್ಟವಿರಲಿಲ್ಲ. ಕಾರಣ ಭಾನುವಾರ ರಾತ್ರಿ ಜಗಳ ನಡೆದಿತ್ತು.

ಜಗಳ ವಿಕೋಪಕ್ಕೆ ತಿರುಗಿ ಅಮೃತಲಿಂಗಂ ಚಿತ್ರಾಳ ಶಾಲನ್ನು ಬಳಸಿ ಉಸಿರುಗಟ್ಟಿಸಿ ಕೊಂದಿದ್ದಾನೆ. ಆಕೆ ಮೂರ್ಛೆ ಹೋದಾಗ ಅಮೃತಲಿಂಗಂ ಗಾಬರಿಗೊಂಡು ಮನೆಯಿಂದ ಹೊರ ಹೋಗಿ ಚಿತ್ರಾಗೆ ಹೊಡೆದಿರುವುದಾಗಿ ಮಗಳಿಗೆ ತಿಳಿಸಿದ್ದಾನೆ. ಮಗಳು ಪರೀಕ್ಷಿಸಲು ಹೋದಾಗ ಚಿತ್ರಾ ಶವವಾಗಿ ಪತ್ತೆಯಾಗಿದ್ದಾರೆ. ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೆರುಮಾನಲ್ಲೂರಿನಲ್ಲಿ ಅಮೃತಲಿಂಗಂನನ್ನು ಬಂಧಿಸಲಾಗಿದೆ.