ಮೇರಿಲ್ಯಾಂಡ್: ಲಾಟರಿ ಹಲವರ ಪಾಲಿಗೆ ದುರದೃಷ್ಟ ತಂದರೆ, ಕೆಲವರ ಪಾಲಿಗೆ ಅದೃಷ್ಟ ತರುತ್ತದೆ. ಮೇರಿಲ್ಯಾಂಡ್‌ನ ಅಮೆರಿಕದ ಕುಟುಂಬವೊಂದು ಎಲ್ಲರೂ ಹೊಟ್ಟೆಕಿಚ್ಚು ಪಡುವಷ್ಟರ ಮಟ್ಟಿಗೆ ಅದೃಷ್ಟವಂತರಾಗಿದ್ದಾರೆ! ಒಂದೇ ಕುಟುಂಬದ ಮೂವರು ಸದಸ್ಯರು ಮೇರಿಲ್ಯಾಂಡ್ ಲಾಟರಿಯಲ್ಲಿ ಅದೃಷ್ಟದ ಡ್ರಾಗಳನ್ನು ಗೆದ್ದಿದ್ದಾರೆ.
ಅಪ್ಪ ಮತ್ತು ಇಬ್ಬರು ಮಕ್ಕಳು ಖರೀದಿಸಿದ್ದ ಮೂರು ಪ್ರತ್ಯೇಕ ಲಾಟರಿಗೆ ಒಂದೇ ಬಾರಿ ತಲಾ 41 ಲಕ್ಷ ರೂಪಾಯಿ ನಗದು ಬಹುಮಾನ ಸಿಕ್ಕಿದೆ. ಒಂದು ಡಾಲರ್ (82 ರೂಪಾಯಿ) ಕೊಟ್ಟು ಇವರು ಲಾಟರಿ ಟಿಕೆಟ್ ಖರೀದಿಸಿದ್ದರು, ಮೊದಲಿಗೆ ಅಪ್ಪ ಲಾಟರಿ ಖರೀದಿಸಿದ್ದರೆ ನಂತರ ಅವರ 28 ವರ್ಷದ ಮಗಳು ಮತ್ತು 31 ವರ್ಷದ ಮಗ ಲಾಟರಿ ಖರೀದಿಸಿದ್ದರು. ಒಂದೇ ಅಂಗಡಿಯಿಂದ ಖರೀದಿಸಿದ್ದಕ್ಕೆ ಲಾಟರಿ ಹೊಡೆದರೂ ಒಬ್ಬರಿಗಾದರೂ ಹೊಡೆಯಲಿ ಎಂದು ಇತ್ತೇ ವಿನಾ, ಕನಸಿನಲ್ಲಿಯೂ ಅವರು ಇದನ್ನು ಎಣಿಸಿರಲಿಲ್ಲ.
ಮೂವರೂ ಬಹುಮಾನ ಗೆದ್ದದ್ದರಿಂದ ಖುದ್ದು ಅವರೇ ಇದನ್ನು ನಂಬುತ್ತಿಲ್ಲ. ತಾವು ಕನಸು ಕಾಣುತ್ತಿದ್ದೇವೆ ಎಂದೇ ಅವರು ಭಾವಿಸುತ್ತಿದ್ದಾರಂತೆ. ಅದೃಷ್ಟ ಎಂದರೆ ಇದೇ ಅಲ್ವೆ?
Loading ...