ಈ ವಿಷ್ಯದಲ್ಲಿ ಪುರುಷರಿಗಿಂತ ಆರು ಪಟ್ಟು ಮುಂದಿರ್ತಾರೆ ಮಹಿಳೆಯರು

ಚಾಣಕ್ಯ ಕೇವಲ ಅರ್ಥಶಾಸ್ತ್ರಜ್ಞ ಮಾತ್ರವಲ್ಲ. ನಮ್ಮ ಜೀವನಕ್ಕೆ ಅಗತ್ಯವಿರುವ ಅನೇಕ ವಿಷ್ಯಗಳನ್ನು ಚಾಣಕ್ಯ ತನ್ನ ನೀತಿಯಲ್ಲಿ ಹೇಳಿದ್ದಾನೆ. ಚಾಣಕ್ಯ ಮಕ್ಕಳಿಂದ ಹಿಡಿದು ದಾಂಪತ್ಯ ಸುಖಕ್ಕೆ ಏನು ಬೇಕು ಎನ್ನುವವರೆಗೆ ಅನೇಕ ಸಂಗತಿಯನ್ನು ಹೇಳಿದ್ದಾರೆ. ಚಾಣಕ್ಯ ನೀತಿಯಲ್ಲಿ ಪುರುಷ ಮತ್ತು ಮಹಿಳೆಯರ ಬಗ್ಗೆ ಅನೇಕ ವಿಷ್ಯಗಳನ್ನು ಹೇಳಲಾಗಿದೆ. ಚಾಣಕ್ಯ ಪ್ರಕಾರ, ಪುರುಷರಿಗೆ ಹೋಲಿಕೆ ಮಾಡಿದ್ರೆ ಮಹಿಳೆಯರು ಕೆಲ ವಿಷ್ಯದಲ್ಲಿ ಮುಂದಿದ್ದಾರಂತೆ. ಚಾಣಕ್ಯ ಒಂದು ಶ್ಲೋಕದಲ್ಲಿ ಈ ಬಗ್ಗೆ ಹೇಳಿದ್ದಾರೆ.

ಚಾಣಕ್ಯ ಪ್ರಕಾರ, ಮಹಿಳೆಯರು ಪುರುಷರಿಗಿಂತ 6 ಪಟ್ಟು ಹೆಚ್ಚು ಧೈರ್ಯಶಾಲಿಗಳಾಗಿರುತ್ತಾರಂತೆ. ಸಮಸ್ಯೆ ಎದುರಾದಾಗ ಒತ್ತಡಕ್ಕೆ ಒಳಗಾಗದೆ ಅವರು ಆ ಸ್ಥಿತಿಯನ್ನು ಧೈರ್ಯದಿಂದ ಎದುರಿಸುತ್ತಾರಂತೆ.

ಇಷ್ಟೇ ಅಲ್ಲ, ಚಾಣಕ್ಯ ಪ್ರಕಾರ, ಪುರುಷರಿಗಿಂತ ಮಹಿಳೆಯರು ಬುದ್ಧಿವಂತರು. ಬುದ್ಧಿವಂತಿಕೆ ಹಾಗೂ ವಿವೇಕದಿಂದ ಮಹಿಳೆ ತನ್ನೆಲ್ಲ ಕೆಲಸ ಮಾಡುತ್ತಾಳೆಂದು ಚಾಣಕ್ಯ ಹೇಳ್ತಾರೆ.

ಇನ್ನು, ಭಾವನೆ ವಿಷ್ಯಕ್ಕೆ ಬಂದ್ರೆ ಕೂಡ ಪುರುಷರು, ಮಹಿಳೆಯರಿಗಿಂತ ಹಿಂದಿದ್ದಾರೆ ಎನ್ನುತ್ತಾರೆ ಚಾಣಕ್ಯ. ಭಾವುಕತೆ ಮಹಿಳೆಯರ ದೌರ್ಬಲ್ಯವಲ್ಲ. ಆಂತರಿಕ ಶಕ್ತಿ ಎಂಬುದು ಚಾಣಕ್ಯನ ಅಭಿಪ್ರಾಯ. ಮಹಿಳೆಯರು ಪರಿಸರಕ್ಕೆ ತಕ್ಕಂತೆ ಹೊಂದಿಕೊಳ್ತಾರೆ ಎನ್ನುತ್ತಾನೆ ಚಾಣಕ್ಯ.

ಸಾಮಾನ್ಯವಾಗಿ ಮಹಿಳೆಯರಿಗಿಂತ ಪುರುಷರು ಹೆಚ್ಚು ಆಹಾರ ಸೇವನೆ ಮಾಡ್ತಾರೆಂದು ನಾವು ಭಾವಿಸಿದ್ದೇವೆ. ಆದ್ರೆ ಇದು ತಪ್ಪು. ಪುರುಷರಿಗಿಂತ ಮಹಿಳೆಯರಿಗೆ ಹೆಚ್ಚು ಶಕ್ತಿ ಬೇಕು. ಇದೇ ಕಾರಣಕ್ಕೆ ಅವರು ಹೆಚ್ಚು ಆಹಾರ ಸೇವನೆ ಮಾಡ್ತಾರೆ ಎನ್ನುತ್ತಾರೆ ಚಾಣಕ್ಯ.