ಪ್ರಾಣಿಗಳಿಗೆ ಪ್ರೀತಿ ತೋರಿದರೆ ಅವು ಎಂದಿಗೂ ಮನುಷ್ಯನಿಗೆ ಹಾನಿ ಮಾಡುವುದಿಲ್ಲ. ಅವು ಸಾಕು ಪ್ರಾಣಿಗಳೇ ಆಗಿರಬಹುದು ಅಥವಾ ವನ್ಯಜೀವಿಗಳೇ ಆಗಿರಬಹುದು. ಅಂಥ ಒಂದು ಸಂದೇಶ ಸಾರುವ ವಿಡಿಯೋ ವೈರಲ್ ಆಗಿದ್ದು, ನೋಡುಗರನ್ನು ಅರೆಕ್ಷಣ ಬೆಚ್ಚಿ ಬೀಳಿಸುವುದೂ ಇದೆ.
ಈ ವೈರಲ್ ವಿಡಿಯೋದಲ್ಲಿ ವ್ಯಕ್ತಿಯೊಬ್ಬ ಸಿಂಹಗಳ ಜತೆ ಫುಟ್ಬಾಲ್ ಆಡುವುದನ್ನು ನೋಡಬಹುದಾಗಿದೆ. ಸಿಂಹ ಮತ್ತು ಎರಡು ಸಿಂಹಿಣಿಗಳೊಂದಿಗೆ ನಿರ್ಭಯವಾಗಿ ಫುಟ್ಬಾಲ್ ಆಡುತ್ತಿರುವ ವಿಡಿಯೋ ಇದಾಗಿದ್ದು, ನೋಡಿದರೆ ಒಮ್ಮೆ ಮೈ ಝುಂ ಎನ್ನುತ್ತದೆ.
ವ್ಯಕ್ತಿಯೊಬ್ಬ ನೀಲಿ ಸೂಟ್ ಮತ್ತು ಕಪ್ಪು ಸ್ನೀಕರ್ಸ್ ಧರಿಸಿ ಮೂರು ದೊಡ್ಡ ಸಿಂಹಗಳೊಂದಿಗೆ ಫುಟ್ಬಾಲ್ ಆಡುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಕಾಡು ಪ್ರಾಣಿಗಳು ತಮ್ಮ ಪಂಜಗಳಿಂದ ಚೆಂಡನ್ನು ಒದೆಯುವುದನ್ನು ಕಾಣಬಹುದು. ಸಿಂಹ ಮತ್ತು ಸಿಂಹಿಣಿಗಳು ಚೆಂಡನ್ನು ಒದೆಯುತ್ತಿದ್ದಂತೆ ಆನಂದಿಸುತ್ತಾ ಅದರ ಕಡೆಗೆ ವ್ಯಕ್ತಿ ಓಡುತ್ತಿದ್ದಾರೆ.
ಇದು ತೀರಾ ಹಳೆಯ ವಿಡಿಯೋ ಆಗಿದ್ದು, ಪುನಃ ವೈರಲ್ ಆಗಿದೆ. ಇದನ್ನು ಮೊದಲ ಬಾರಿಗೆ 2014 ರಲ್ಲಿ ಅಪ್‌ಲೋಡ್ ಮಾಡಲಾಗಿದೆ. Metro.co.uk ಪ್ರಕಾರ, ದಕ್ಷಿಣ ಆಫ್ರಿಕಾದ ಕೆವಿನ್ ರಿಚರ್ಡ್‌ಸನ್ ಎಂಬ ವ್ಯಕ್ತಿ ಲಯನ್ ವಿಸ್ಪರರ್ ಎಂದು ಹೆಸರಿಸಿದ್ದು ಸಿಂಹಗಳೊಂದಿಗೆ ವಿಶೇಷ ಸಂಬಂಧವನ್ನು ಹೊಂದಿರುವುದಾಗಿ ಹೇಳಿಕೊಂಡಿದ್ದಾನೆ.
Loading ...