ಹಸುವಿಗೆ ಕಾಲಿನಿಂದ ಒದ್ದವನಿಗೆ ಮರುಕ್ಷಣವೇ ತಕ್ಕ ಶಾಸ್ತಿ; ವಿಡಿಯೋ ವೈರಲ್

ಇದೊಂದು ಘಟನೆ ಇನ್‌ಸ್ಟಂಟ್ ಕರ್ಮದ ತಾಜಾ ಉದಾಹರಣೆಯಾಗಿ ಸಾಮಾಜಿಕ‌ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ.

ವ್ಯಕ್ತಿಯೊಬ್ಬ ಹಸುವನ್ನು ಒದೆಯುತ್ತಿರುವ ವಿಡಿಯೋ ವೈರಲ್ ಆಗಿದೆ. ಆ ಚಿಕ್ಕ ಕ್ಲಿಪ್‌ನಲ್ಲಿ ವ್ಯಕ್ತಿಯೊಬ್ಬ ಹಸುವಿನ ಕಾಲಿಗೆ ಕಟ್ಟಿದ ಹಗ್ಗವನ್ನು ಎಳೆಯುವುದನ್ನು ಕಾಣಬಹುದು, ಅದು ಮುಂದೆ ಹೋಗಲು ನಿರಾಕರಿಸುತ್ತದೆ. ಆತ ಅಸಮಾಧಾನಗೊಂಡು ಹಸುವಿನ ಬಾಲ ಹಿಡಿದು ಒದೆಯುತ್ತಾನೆ. ಆರಂಭದಲ್ಲಿ, ಹಸು ಬಿಡಿಸಿಕೊಳ್ಳಲು ಪ್ರಯತ್ನಿಸುತ್ತದೆ. ಆಕ್ರಮಣವನ್ನು ನಿಲ್ಲಿಸಲು ತಿರುಗಿ ನಿಲ್ಲುತ್ತದೆ. ಕೆರಳಿದ ಹಸು ಪ್ರತೀಕಾರ ತೀರಿಸಿಕೊಳ್ಳಲು ಆರಂಭಿಸುತ್ತದೆ.

ತನ್ನ ಹಿಡಿತವನ್ನು ಸಡಿಲಗೊಳಿಸಲು ಹೂಂಕರಿಸುತ್ತ ಆಕ್ರೋಶಭರಿತವಾಗಿ ತನಗೆ ಒದ್ದವನತ್ತ ದಾಳಿ ಮಾಡಿ, ನೆಲಕ್ಕೆ ಕೊಡವಿ ಕಾಲಿನಲ್ಲಿ ತುಳಿದು ಹಾಕಿಬಿಡುತ್ತದೆ‌. ಆತ ಅಸಹಾಯಕನಾಗಿ ಕಿರುಚುತ್ತಾನೆ. ಮೈಕ್ರೋ ಬ್ಲಾಗಿಂಗ್ ಸೈಟ್‌ನಲ್ಲಿ ವೀಡಿಯೊ ಸಾವಿರಾರು ವೀಕ್ಷಣೆ ಕಂಡಿದೆ.

ಶಿಕ್ಷೆಯನ್ನು ಸ್ವೀಕರಿಸಲು ಆ ವ್ಯಕ್ತಿಯು ಅರ್ಹನೆಂದು ಮತ್ತು ‘ಅವನಿಗೆ ಸರಿಯಾಗಿ ಸೇವೆ ಸಲ್ಲಿಕೆಯಾಗಿದೆ’ ಎಂದು ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ. “ಹಸುವಿನ ಪ್ರತೀಕಾರವು ಅತ್ಯಂತ ತೃಪ್ತಿಕರವಾಗಿದೆ” ಎಂದು ಒಬ್ಬರು ಪ್ರತಿಕ್ರಿಯಿಸಿದರೆ ಮತ್ತೊಬ್ಬರು ಇನ್ ಸ್ಟಂಟ್ ಕರ್ಮ ಎಂದು ಬಣ್ಣಿಸಿದ್ದಾರೆ.