‘ವಂದೇ ಭಾರತ್’ ‌ಗೆ ಅಪಘಾತ: ರೈಲಿಗೆ ಯಾವುದೇ ಫಂಕ್ಷನಲ್ ಡ್ಯಾಮೇಜ್‌ ಇಲ್ಲವೆಂದ ಸಚಿವರು

ಹೊಸದಾಗಿ ಪ್ರಾರಂಭಿಸಲಾದ ಗಾಂಧಿನಗರ- ಮುಂಬೈ ನಡುವಿನ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲು ಎಮ್ಮೆಗಳ ಹಿಂಡಿಗೆ ಡಿಕ್ಕಿ ಹೊಡೆದಿದ್ದು, ರೈಲಿನ ಬಗ್ಗೆ ದೊಡ್ಡ ಚರ್ಚೆಯಾಗುತ್ತಿದೆ.

ಆದರೆ ರೈಲಿಗೆ ಫಂಕ್ಷನಲ್ ಭಾಗಗಳಿಗೆ ಹಾನಿಯಾಗಲಿಲ್ಲ ಎಂದು ರೈಲ್ವೆ ಸಚಿವರು ಸ್ಪಷ್ಟಪಡಿಸಿದ್ದಾರೆ. ಬೆಳಗ್ಗೆ 11.15ರ ಸುಮಾರಿಗೆ ಮುಂಬೈ ಸೆಂಟ್ರಲ್‌ನಿಂದ ಗುಜರಾತ್‌ನ ಗಾಂಧಿನಗರಕ್ಕೆ ತೆರಳುತ್ತಿದ್ದ ರೈಲಿನಲ್ಲಿ ವತ್ವಾ ನಿಲ್ದಾಣ ಮತ್ತು ಮಣಿನಗರ ನಡುವೆ ಅಪಘಾತ ಸಂಭವಿಸಿದೆ. ರೈಲಿನ ಹಾನಿಗೊಳಗಾದ ಮುಂಭಾಗವನ್ನು ಈಗ ಬದಲಾಯಿಸಲಾಗಿದೆ.

ಘಟನೆಯ ಕುರಿತು ಹೇಳಿಕೆ ನೀಡಿರುವ ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್, ದೇಶದ ಎಲ್ಲಾ ರೈಲು ಹಳಿಗಳು ಇನ್ನೂ ನೆಲದ ಮೇಲ್ಮೈಯಲ್ಲಿವೆ. ಜಾನುವಾರುಗಳ ಸಮಸ್ಯೆ ಮುಂದುವರೆದಿದೆ. ಆದರೆ, ಅಂತಹ ಸಮಸ್ಯೆಗಳನ್ನು ನಿಭಾಯಿಸಲು ರೈಲುಗಳನ್ನು ವಿನ್ಯಾಸಗೊಳಿಸಲಾಗುತ್ತಿದೆ. ವಂದೇ ಭಾರತ್ ಘಟನೆ ನಂತರವೂ ಏನೂ ಆಗಿಲ್ಲ. ವಂದೇ ಭಾರತ್ ರೈಲಿನ ಮುಂಭಾಗವನ್ನು ದುರಸ್ತಿ ಮಾಡಲಾಗಿದೆ ಎಂದಿದ್ದಾರೆ.

ಅಪಘಾತದಿಂದ ಇಂಜಿನ್‌ನ ಮುಂಭಾಗದ ಭಾಗಕ್ಕೆ ಹಾನಿಯಾಗಿದೆ. ಆದರೆ, ಯಾವುದೇ ಫಂಕ್ಷನಲ್ ಭಾಗಕ್ಕೆ ಹಾನಿಯಾಗಿಲ್ಲ. ಎಮ್ಮೆ ಮೃತದೇಹಗಳನ್ನು ತೆಗೆದ ನಂತರ ರೈಲು ಚಲಿಸಿತು (8 ನಿಮಿಷಗಳಲ್ಲಿ). ಗಾಂಧಿನಗರಕ್ಕೆ ಸಮಯಕ್ಕೆ ಸರಿಯಾಗಿ ತಲುಪಿತು ಎಂದು ಪಶ್ಚಿಮ ರೈಲ್ವೆಯ ಹಿರಿಯ ಪಿಆರ್‌ಒ ಜೆಕೆ ಜಯಂತ್ ಹೇಳಿದ್ದಾರೆ.

ಈ ಘಟನೆಯಿಂದ ಪ್ರಯಾಣಿಕರಿಗೆ ಅನಾನುಕೂಲವಾಗಿದೆ, ಭವಿಷ್ಯದಲ್ಲಿ ಇಂತಹ ಘಟನೆಗಳನ್ನು ತಡೆಯಲು ಪಶ್ಚಿಮ ರೈಲ್ವೆ ಎಲ್ಲಾ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದೆ ಎಂದು ರೈಲ್ವೆ ಪ್ರಕಟಣೆ ತಿಳಿಸಿದೆ.