ಹೂಡಿಕೆಗೆ ಉತ್ತಮ ಆಯ್ಕೆ ಹೇಗಿರಬೇಕು ? ಇಲ್ಲಿದೆ ಟಿಪ್ಸ್

ಹೂಡಿಕೆ, ಉಳಿತಾಯವು ಭವಿಷ್ಯದ ಯೋಜನೆ ಅಥವಾ ಯಾವುದೇ ತುರ್ತು ಅಗತ್ಯತೆಗಳಿಗೆ ಹಣಕಾಸು ನಿರ್ವಹಣೆಯಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ.

ಉತ್ತಮ ಆದಾಯವನ್ನು ಪಡೆಯಲು ಯಾವಾಗಲೂ ಉತ್ತಮ ಆಯ್ಕೆ ಹುಡುಕಬೇಕಾಗುತ್ತದೆ. ಹೀಗಿರುವಾಗ ಪ್ರತಿಯೊಬ್ಬರೂ ತಮ್ಮ ಹಣಕಾಸಿನ ಮೇಲೆ ನಿಯಂತ್ರಣವನ್ನು ಹೊಂದಲು ಕೆಲವು ನಿಯಮಗಳನ್ನು ಅನುಸರಿಸಲು ತಜ್ಞರು ಸಲಹೆ ನೀಡುತ್ತಾರೆ.

72 ರ ನಿಯಮ:

ಹಣವನ್ನು ದ್ವಿಗುಣಗೊಳಿಸಲು ನೀವು ವರ್ಷಗಳ ಸಂಖ್ಯೆಯನ್ನು ತಿಳಿದುಕೊಳ್ಳಲು ಬಯಸಿದಾಗ ಈ ನಿಯಮವು ಕಾರ್ಯರೂಪಕ್ಕೆ ಬರುತ್ತದೆ.

ನಿಯಮವು ಸರಳವಾಗಿದೆ. ವಾರ್ಷಿಕ ಬಡ್ಡಿ ದರದಿಂದ 72 ಅನ್ನು ಭಾಗಿಸಿ ಮತ್ತು ನಿಮ್ಮ ಹಣವು ಆ ದರದಲ್ಲಿ ದ್ವಿಗುಣಗೊಳ್ಳುವ ವರ್ಷಗಳ ಸಂಖ್ಯೆಯನ್ನು ಪಡೆಯುತ್ತೀರಿ. ಉದಾಹರಣೆಗೆ, ನೀವು ಶೇಕಡಾ 8ರ ರೇಟ್ ಆಫ್ ಇಂಟರೆಸ್ಟ್ ಅನ್ನು ಪಡೆಯುತ್ತಿದ್ದರೆ ನಂತರ 72 ಅನ್ನು 8 ರಿಂದ ಭಾಗಿಸಿ ಮತ್ತು ನಿಮಗೆ 9 ಸಿಗುತ್ತದೆ. ಇದರರ್ಥ ಹೂಡಿಕೆಯು 9 ವರ್ಷಗಳಲ್ಲಿ ದ್ವಿಗುಣಗೊಳ್ಳಲಿದೆ.

ಡೆಬಿಟ್ ಕಾರ್ಡ್‌ನಂತೆ ಕ್ರೆಡಿಟ್ ಕಾರ್ಡ್ ಬಳಸಿ:

ಹೆಚ್ಚಿನ ಕ್ರೆಡಿಟ್ ಕಾರ್ಡ್ ಮಿತಿಯು ಹೆಚ್ಚು ಖರ್ಚು ಮಾಡಲು ಮತ್ತು ಇಎಂಐಗಳಲ್ಲಿ ಪಾವತಿಸಲು ನಿಮ್ಮನ್ನು ಪ್ರಚೋದಿಸಬಹುದು ಆದರೆ ಈ ಬಲೆಗೆ ಬೀಳಬಾರದು‌. ಕ್ರೆಡಿಟ್ ಕಾರ್ಡ್ ಅನ್ನು ಡೆಬಿಟ್ ಕಾರ್ಡ್‌ನಂತೆ ಖರ್ಚು ಮಾಡಬೇಕು ಮತ್ತು ನೀಡಿರುವ ಕ್ರೆಡಿಟ್ ಮಿತಿಯ ಶೇಕಡಾ 15-20 ಅನ್ನು ದಾಟಲು ಪ್ರಯತ್ನಿಸಬೇಕು.

ಸ್ಥಿರ ಆದಾಯ ಮತ್ತು ಇಕ್ವಿಟಿ:

ಹೂಡಿಕೆಯನ್ನು ಪ್ರಾರಂಭಿಸಿ ಮತ್ತು ಸ್ಥಿರ ಆದಾಯ ಮತ್ತು ಇಕ್ವಿಟಿ ಸಾಧನಗಳ ನಡುವೆ ಸಮತೋಲನ ಕಾಯ್ದುಕೊಳ್ಳಬೇಕು. ಅಪೇಕ್ಷಿತ ಹೂಡಿಕೆ ನಿಧಿಯ ಶೇ. 50 ಅನ್ನು ಸ್ಥಿರ ಆದಾಯಕ್ಕೆ ಮತ್ತು ಶೇ.50 ಇಕ್ವಿಟಿಗಳಲ್ಲಿ ಹೂಡಿಕೆ ಮಾಡಬೇಕು, ಹೀಗಾಗಿ ಹೆಚ್ಚಿನ ಅಪಾಯ ತಗ್ಗಿಸಬಹುದು.

50-30-20 ನಿಯಮ:

ಈ ನಿಯಮವು ಖರ್ಚನ್ನು ನಿಯಂತ್ರಿಸಲು, ಬಜೆಟ್ ಅನ್ನು ಯೋಜಿಸಲು ಮತ್ತು ಹಣಕಾಸುವನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಸಹಾಯ ಮಾಡುತ್ತದೆ.

ಸಂಬಳ/ಆದಾಯದ ಶೇಕಡಾ 50 ರಷ್ಟು ಬಾಡಿಗೆ, ದಿನಸಿ, ಬಿಲ್ ಪಾವತಿಗಳು ಮತ್ತು ಇಎಂಐ ಗಳಂತಹ ಅಗತ್ಯಗಳನ್ನು ಪೂರೈಸಲು ಮೀಸಲಿಡಬೇಕು ಎಂದು ನಿಯಮ ಹೇಳುತ್ತದೆ. ಸಂಬಳದ ಶೇಕಡಾ 30ರಷ್ಟನ್ನು ಮನೋರಂಜನೆ, ಇತರೆ ಖರೀದಿಗೆ ಮೀಸಲಿಡಬೇಕು ಮತ್ತು 20 ಪ್ರತಿಶತವನ್ನು ದೀರ್ಘಾವಧಿಯಲ್ಲಿ ಬೃಹತ್ ಕಾರ್ಪಸ್ ಅನ್ನು ನಿರ್ಮಿಸಲು ವಿವಿಧ ಸಾಧನಗಳಲ್ಲಿ ಹೂಡಿಕೆ ಮಾಡಬೇಕು.