ವರ‌ – ಸ್ನೇಹಿತರ ಜಬರ್ದಸ್ತ್ ಪವರ್ ಫುಲ್ ಡ್ಯಾನ್ಸ್

ಭಾರತೀಯ ವಿವಾಹದ ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ಕಣ್ಣಿಗೆ ಹಬ್ಬ ಸೃಷ್ಟಿಸಿಬಿಡುತ್ತವೆ. ತಮ್ಮದೇ ಆದ ದೊಡ್ಡ ವೀಕ್ಷಕರನ್ನು ಸಹ ಅವು ಹೊಂದಿವೆ.

ಮದುವೆ ಸಡಗರದಲ್ಲಿ ಡ್ಯಾನ್ಸ್​ ಪ್ರದರ್ಶನಗಳು, ಮದುವೆಯ ಆಕರ್ಷಕ ಬಟ್ಟೆಗಳು, ವಧುವಿನ ಪ್ರವೇಶ, ಮತ್ತು ಪ್ರಣಯ ಅಥವಾ ತಮಾಷೆಯ ಕ್ಷಣಗಳ ವಿಡಿಯೋ ಹೆಚ್ಚಿರುತ್ತವೆ. ಪಂಜಾಬಿ ಮದುವೆಯ ಅಂತಹ ಒಂದು ವೀಡಿಯೊ ವೈರಲ್​ ಆಗುತ್ತಿದೆ, ಅಲ್ಲಿ ವರ ಮತ್ತು ಅವನ ಸ್ನೇಹಿತರು ಡಿಜೆ ಐಟಂ ಸಾಂಗ್​ ಅನ್ನು ಪ್ರಸ್ತುತಪಡಿಸುತ್ತಿದ್ದಂತೆ ಮನಸ್ಸು ಬಿಚ್ಚಿ ನೃತ್ಯ ಮಾಡುತ್ತಿರುವುದು ಕಂಡುಬಂದಿದೆ.

ಈ ವಿಡಿಯೋವನ್ನು ಎಂಸಿ ರೋಹನ್​ ಎಂಬುವರು ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್​ ಮಾಡಿದ್ದಾರೆ. ಇದು 313ಕೆ ವೀಕ್ಷಣೆಗಳು ಮತ್ತು 16ಕೆ ಲೈಕ್​ಗಳನ್ನು ಪಡೆದುಕೊಂಡಿದೆ.

ಅಲ್ಲಿದ್ದವರು ಮೊದಲು ಭಾಂಗ್ರಾ ಹಾಡಿಗೆ ನೃತ್ಯವನ್ನು ಮುಗಿಸಿದರು, ನಂತರ ಅವರಿಗೆ ಬಾಲಿವುಡ್​ ಹಾಡಿಗೆ ನೃತ್ಯ ಮಾಡುವಂತೆ ಕುಟುಂಬದಿಂದ ಸವಾಲು ಬಂದಿತು. ಅವರು 2010ರ ಓಂಕಾರ ಚಿತ್ರದಿಂದ ಬಿಪಾಶಾ ಬಸು ಒಳಗೊಂಡ ಸೂಪರ್​ಹಿಟ್​ ಹಾಡು ‘ಬೀಡಿ ಜಲೈಲೆ’ ಅನ್ನು ಆಯ್ಕೆ ಮಾಡಿ ಕುಣಿದರು.

ವರ ಮತ್ತು ಸ್ನೇಹಿತರು ಹಾಡಿನಲ್ಲಿ ಪವರ್​ಫುಲ್​ ಮತ್ತು ಮೋಜಿನ ಸ್ಟೆಪ್​ ಹಾಕಿದರು ಮತ್ತು ಅಲ್ಲಿದ್ದ ಇತರರು ಪಂಜಾಬಿಯಲ್ಲಿ ‘ಹೋಯೇ, ಹೋಯೇ!’ ಎಂದು ಕೂಗುತ್ತಾ ಅವರನ್ನು ಹುರಿದುಂಬಿಸಿದರು.

ನೆಟ್ಟಿಗರು ಅಲ್ಲಿದ್ದ ವೈಬ್​ ಅನ್ನು ಇಷ್ಟಪಟ್ಟಿದ್ದಾರೆ. ನೂರಾರು ಕಾಮೆಂಟ್​ ಬಂದಿದ್ದು, ಮದುವೆಯಲ್ಲಿ ಪಾಲ್ಗೊಂಡವರ ಉತ್ಸಾಹ, ಮನಬಿಚ್ಚಿ ಕುಣಿದ ಬಗೆಯನ್ನು ಕೊಂಡಾಡಿದ್ದಾರೆ.