‘ನಾಡಹಬ್ಬ’ ದಸರಾ ಉದ್ಘಾಟಿಸಿದ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರಿಗೆ ವಿಶೇಷ ಉಡುಗೊರೆ

ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಇಂದು ನಾಡಹಬ್ಬ ದಸರಾ ಉದ್ಘಾಟನೆ ನೆರವೇರಿಸಿದ್ದು, ಒಂಬತ್ತು ದಿನಗಳ ಉತ್ಸವ ರಾಜ್ಯದಾದ್ಯಂತ ಕಳೆಗಟ್ಟಿದೆ. ಉದ್ಘಾಟನೆಗೊ ಮುನ್ನ ರಾಷ್ಟ್ರಪತಿಯವರು ನಾಡ ದೇವತೆಯ ದರ್ಶನ ಪಡೆದು ಕುಂಕುಮಾರ್ಚನೆ ಮಾಡಿದ್ದಾರೆ.

ಉದ್ಘಾಟನೆ ನೆರವೇರಿಸಿ ಮಾತನಾಡಿದ ರಾಷ್ಟ್ರಪತಿ ದ್ರೌಪದಿ ಮುರ್ಮು, ಮೈಸೂರು ದಸರಾ ಭಾರತೀಯ ಸಂಸ್ಕೃತಿಯ ಪ್ರತೀಕವಾಗಿದೆ ಎಂದರಲ್ಲದೆ ಇದೇ ಸಂದರ್ಭದಲ್ಲಿ ವೀರ ವನಿತೆಯರನ್ನು ಸ್ಮರಿಸಿದ್ದಾರೆ.

ಉದ್ಘಾಟನೆ ನೆರವೇರಿಸಿದ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರಿಗೆ ಮೈಸೂರು ಪೇಟಾ ತೊಡಿಸಿ ಸನ್ಮಾನಿಸಲಾಯಿತಲ್ಲದೇ ತಾಯಿ ಚಾಮುಂಡಿಯ ಬೆಳ್ಳಿ ಮೂರ್ತಿಯನ್ನು ನೀಡಿ ಗೌರವಿಸಲಾಯಿತು.