ಉದ್ಯೋಗ ಸಿಗುವುದೇ ದುರ್ಲಭವಾಗಿರುವ ಇಂದಿನ ದಿನಗಳಲ್ಲಿ ಜೀವನ ನಿರ್ವಹಣೆಗಾಗಿ ಬಹುತೇಕರು ಆಹಾರ ವಿತರಕ ಸಂಸ್ಥೆಗಳಲ್ಲಿ ಡೆಲಿವರಿ ಏಜೆಂಟರಾಗಿ ಕಾರ್ಯ ನಿರ್ವಹಿಸುತ್ತಾರೆ. ಇವರುಗಳು ಮಳೆ, ಚಳಿ, ಬಿಸಿಲು ಎನ್ನದೆ ಎಲ್ಲ ಕಾಲದಲ್ಲಿಯೂ ಸಕಾಲಕ್ಕೆ ಆಹಾರ ತಲುಪಿಸಿದರೂ ಸಹ ಕೊಂಚ ತಡವಾದರೆ ಗ್ರಾಹಕರು ಸಹಿಸಿಕೊಳ್ಳುವುದಿಲ್ಲ.
ಇಂತಹ ಸಂದರ್ಭಗಳಲ್ಲಿ ಬಡಪಾಯಿ ಡೆಲಿವರಿ ಏಜೆಂಟರ ಮೇಲೆ ತಮ್ಮ ರೋಷಾವೇಶ ತೋರಿಸುತ್ತಾರೆ. ಇಂಥವುದೇ ಒಂದು ಘಟನೆಯ ವಿಡಿಯೋ ಈಗ ವೈರಲ್ ಆಗಿದ್ದು, ಯುವತಿ ಒಬ್ಬಳು ಝಮ್ಯಾಟೊ ಡೆಲಿವರಿ ಏಜೆಂಟಿಗೆ ನಡು ರಸ್ತೆಯಲ್ಲೇ ಚಪ್ಪಲಿಯಿಂದ ಹೊಡೆದಿದ್ದಾಳೆ. ಇದರ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಯುವತಿ ವಿರುದ್ಧ ತೀವ್ರ ಆಕ್ರೋಶ ವ್ಯಕ್ತವಾಗುತ್ತಿದೆ.
ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಈ ಘಟನೆ ನಡೆದಿರಬಹುದು ಎಂದು ಹೇಳಲಾಗುತ್ತಿದ್ದು, ಯಾವ ಕಾರಣಕ್ಕೆ ಯುವತಿ ಹಲ್ಲೆ ಮಾಡಿದ್ದಾಳೆ ಎಂಬುದರ ನಿಖರ ಕಾರಣ ತಿಳಿದು ಬಂದಿಲ್ಲ. ಗ್ರಾಹಕರೊಬ್ಬರು ಇದನ್ನು ವಿಡಿಯೋ ಮಾಡಿ ಹಂಚಿಕೊಂಡಿದ್ದು, ಡೆಲಿವರಿ ಏಜೆಂಟ್ ಕಣ್ಣೀರಿಟ್ಟು ತಾನು ಕೆಲಸ ಕಳೆದುಕೊಳ್ಳುವ ಆತಂಕ ವ್ಯಕ್ತಪಡಿಸಿದ್ದಾನೆ ಎಂದಿದ್ದಾರೆ.
ಯುವತಿ ಆತನ ಕೈಯಿಂದ ಆಹಾರದ ಪಟ್ಟಣ ಕಸಿದುಕೊಂಡು ಚಪ್ಪಲಿಯಿಂದ ಹೊಡೆಯಲು ಆರಂಭಿಸಿದ್ದಾಳೆ. ಅಸಹಾಯಕನಾಗಿ ಆತ ನಿಂತಿರುವುದು ವಿಡಿಯೋದಲ್ಲಿ ಕಾಣಿಸುತ್ತದೆ. ವಿಡಿಯೋ ಮಾಡಿದ ಗ್ರಾಹಕರು ಆತನಿಗೆ ಸಹಾಯ ಮಾಡುವಂತೆ ಕೋರಿ ಝೋಮ್ಯಾಟೋ ಕಾಲ್ ಸೆಂಟರ್ ಗೆ ಕರೆ ಮಾಡಿದರೂ ಪ್ರತಿಕ್ರಿಯೆ ವ್ಯಕ್ತವಾಗಿಲ್ಲ. ಇದೀಗ ಹಲ್ಲೆ ಮಾಡಿದ ಯುವತಿ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವಂತೆ ನೆಟ್ಟಿಗರು ಒತ್ತಾಯಿಸುತ್ತಿದ್ದಾರೆ.
https://twitter.com/bogas04/status/1559254508097908736?ref_src=twsrc%5Etfw%7Ctwcamp%5Etweetembed%7Ctwterm%5E1559254508097908736%7Ctwgr%5E010d9aa073964f2924ebfed6466db31a6c2c5765%7Ctwcon%5Es1_&ref_url=https%3A%2F%2Fm.dailyhunt.in%2Fnews%2Findia%2Fenglish%2Findiatoday-epaper-indiatoday%2Fmansharesshockingclipofwomanthrashingzomatodeliveryagentinternetcallsforaction-newsid-n416134862%3Fs%3Dauu%3D0x61fbe37283098391ss%3Dwsp
https://twitter.com/bogas04/status/1559254508097908736?ref_src=twsrc%5Etfw%7Ctwcamp%5Etweetembed%7Ctwterm%5E1559429992060264448%7Ctwgr%5E010d9aa073964f2924ebfed6466db31a6c2c5765%7Ctwcon%5Es2_&ref_url=https%3A%2F%2Fm.dailyhunt.in%2Fnews%2Findia%2Fenglish%2Findiatoday-epaper-indiatoday%2Fmansharesshockingclipofwomanthrashingzomatodeliveryagentinternetcallsforaction-newsid-n416134862%3Fs%3Dauu%3D0x61fbe37283098391ss%3Dwsp
Loading ...