ಅಚ್ಚರಿಗೀಡು ಮಾಡುತ್ತೆ ನಾಯಿಗಳ ದೈತ್ಯ ಜಿಗಿತದ ವಿಡಿಯೋ…!

ಎರಡು ನಾಯಿಗಳ ದೈತ್ಯ ಜಿಗಿತದ ವಿಡಿಯೋ ನೆಟ್ಟಿಗರನ್ನು ಆಶ್ಚರ್ಯ ಚಕಿತರನ್ನಾಗಿ ಮಾಡಿದ್ದು, ಅತೀ ಕಡಿಮೆ ಅವಧಿಯಲ್ಲಿ ವೈರಲ್​ ಆಗಿದೆ.

ನ್ಯೂಜೆರ್ಸಿಯಲ್ಲಿ ಉದ್ಯಮಿಯಾಗಿರುವ ಮೊರಿಸ್ಸಾ ಶ್ವಾರ್ಟ್ಜ್​ ಎಂಬುವರು ಮೈಕ್ರೋ-ಬ್ಲಾಗಿಂಗ್​ ಸೈಟ್​ನಲ್ಲಿ ಉಲ್ಲಾಸದ ವಿಡಿಯೋವನ್ನು ಪೋಸ್ಟ್​ ಮಾಡಿ, “ಕ್ರೀಡಾಪಟುಗಳು!” ಎಂದು ಬರೆದಿದ್ದಾರೆ.

11 ಸೆಕೆಂಡುಗಳ ವಿಡಿಯೋವು ಎರಡು ನಾಯಿಗಳ ದರ್ಶನದೊಂದಿಗೆ ಆರಂಭವಾಗುತ್ತದೆ. ಬೆಲ್ಜಿಯನ್​ ಶೆಫರ್ಡ್​ ತಳಿಯ ನಾಯಿಗಳು, ಹೊಲದಲ್ಲಿ ಎತ್ತರದ ಮರದಲ್ಲಿ ನೇತಾಡುವ ಹಣ್ಣನ್ನು ಕಚ್ಚಿ ಎಳೆದುಕೊಳ್ಳಲು ಒಂದಾದರ ಮೇಲೊಂದರಂತೆ ಶತಪ್ರಯತ್ನ ಮಾಡುತ್ತವೆ.
ಮೊದಲ ಬೆಲ್ಜಿಯನ್​ ಶೆಫರ್ಡ್​ ಹಣ್ಣನ್ನು ಹಿಡಿಯುವ ಗುರಿಯೊಂದಿಗೆ ದೈತ್ಯ ಹೆಜ್ಜೆಯನ್ನು ತೆಗೆದುಕೊಂಡು ಮರಕ್ಕೆ ಕಾಲುಕೊಟ್ಟು ಎಗರುವುದನ್ನು ನೋಡಿದರೆ ಎದೆ ಝಲ್​ ಎನಿಸುತ್ತದೆ.

ಮೊದಲ ಪ್ರಯತ್ನವು ನಿರರ್ಥಕವೆಂದು ಸಾಬೀತಾದಾಗ, ಎರಡನೇ ಬೆಲ್ಜಿಯನ್​ ಶೆಫರ್ಡ್​ ತನ್ನ ಅದೃಷ್ಟವನ್ನು ಪ್ರಯತ್ನಿಸಿ ಇದೇ ರೀತಿಯ ಸಾಹಸವನ್ನು ಕೈಗೊಂಡಿತು, ಆದರೆ ಅದೂ ವ್ಯರ್ಥವಾಯಿತು. ಮೂರನೇ ಪ್ರಯತ್ನದಲ್ಲಿ, ಒಂದು ನಾಯಿ ನಂಬಲಾಗದಷ್ಟು ಜಿಗಿತವನ್ನು ಎಗರುವ ಮೂಲಕ ಹಳದಿ ಬಣ್ಣದ ಹಣ್ಣನ್ನು ಕೀಳುವಲ್ಲಿ ಯಶಸ್ವಿಯಾಯಿತು

ಈ ವಿಡಿಯೊವು ಸಾಮಾಜಿಕ ಮಾಧ್ಯಮ ಬಳಕೆದಾರರ ಗಮನವನ್ನು ಸೆಳೆದಿದೆ, 2.9 ಮಿಲಿಯನ್​ ವೀಕ್ಷಣೆ ಗಳಿಸಿ ಟ್ವಿಟರ್​ನಲ್ಲಿ 6 ಸಾವಿರಕ್ಕೂ ಹೆಚ್ಚು ಲೈಕ್​ ಪಡೆದುಕೊಂಡಿದೆ. “ಚಿರತೆಯಾಗಲು ಬಯಸಿದ ನಾಯಿ” ಎಂದು ಒಬ್ಬರು ತಮಾಷೆ ಮಾಡಿದ್ದಾರೆ.

ನಾಯಿಯೊಂದು ಎತ್ತರ ಜಿಗಿಯುವುದನ್ನು ತೋರಿಸುತ್ತಿರುವ ಮೊದಲ ವಿಡಿಯೋ ಇದಲ್ಲ. ಕೆಲವು ಕಾಲದ ಹಿಂದೆ ಭಾರತೀಯ ತಳಿಯ ನಾಯಿಯು ಮುಳ್ಳುತಂತಿಯ ಬೇಲಿಯ ಮೇಲೆ ಅನಾಯಾಸವಾಗಿ ಓಡುವುದನ್ನು ತೋರಿಸುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿತ್ತು.