ಇಯರ್ ಫೋನ್ ಧರಿಸಿ ರೈಲು ಹಳಿ ಮೇಲೆ ನಡೆದು ಹೋಗುತ್ತಿರುವಾಗಲೇ ಬಂದೆರಗಿತ್ತು ಸಾವು…!

ಸಾವು ಯಾವ ಕ್ಷಣದಲ್ಲಿ ಯಾವ ರೂಪದಲ್ಲಿ ಬರುತ್ತೋ ಹೇಳಲಾಗುವುದಿಲ್ಲ. ಆದರೆ ಕೆಲವೊಬ್ಬರು ತಿಳಿದಿದ್ದರೂ ಸಹ ಮಾಡುವ ತಪ್ಪಿನಿಂದಾಗಿ ಸಾವಿನ ದವಡೆಗೆ ಸಿಲುಕುತ್ತಾರೆ. ಅಂಥವುದೇ ಒಂದು ಪ್ರಕರಣ ಉತ್ತರ ಪ್ರದೇಶದಲ್ಲಿ ನಡೆದಿದೆ.

ಕಿವಿಗೆ ಇಯರ್ ಫೋನ್ ಧರಿಸಿ ರೈಲ್ವೆ ಹಳಿ ಮೇಲೆ ರಾತ್ರಿ ವೇಳೆ ವಾಕಿಂಗ್ ಮಾಡುತ್ತಿದ್ದಾಗ ಹೌರಾ – ಲಾಲ್ಕುವನ್ ಎಕ್ಸ್ಪ್ರೆಸ್ ಟ್ರೈನ್ ವೇಗವಾಗಿ ಹರಿದು ಇಬ್ಬರು ಸಾವನ್ನಪ್ಪಿದ್ದಾರೆ.

ಮತ್ತೊಂದು ಇಂಥವುದೇ ಪ್ರಕರಣ ಅಹಿಮಾನ್ಪುರ್ ರೈಲ್ವೆ ನಿಲ್ದಾಣದಲ್ಲಿ ನಡೆದಿದ್ದು, ಓರ್ವ ಸಾವನ್ನಪ್ಪಿದ್ದಾನೆ. ಈ ಎರಡೂ ಪ್ರಕರಣಗಳಲ್ಲಿ ನತದೃಷ್ಟರು ಇಯರ್ ಫೋನ್ ಹಾಕಿಕೊಂಡಿದ್ದ ಕಾರಣ ಟ್ರೈನ್ ಬಂದರೂ ಸಹ ಅರಿವಿಗೆ ಬಂದಿರಲಿಲ್ಲ.