ಹೈದರಾಬಾದ್‌ ಬಿರಿಯಾನಿ ಹೆಸರು ಕೇಳಿದ್ರೆ ಸಾಕು ನಾನ್‌ವೆಜ್‌ ಪ್ರಿಯರ ಬಾಯಲ್ಲಿ ನೀರೂರುತ್ತದೆ. ಇಲ್ಲಿನ ವಿಶೇಷ ಬಿರಿಯಾನಿ ಸವಿಯುವ ಅವಕಾಶವನ್ನು ಯಾರೂ ಕಳೆದುಕೊಳ್ಳುವುದಿಲ್ಲ. ನೀವೇನಾದ್ರೂ ಬಿರಿಯಾನಿಯನ್ನು ಇಷ್ಟಪಡ್ತಾ ಇದ್ರೆ ಈ ವಿಡಿಯೋ ನಿಮಗೆ ಬೇಸರ ಉಂಟುಮಾಡಬಹುದು.
ಭಾರತದಲ್ಲಿ ಈಗ ಮಾನ್ಸೂನ್‌. ದೇಶದ ಬಹುತೇಕ ಕಡೆಗಳಲ್ಲಿ ಮಳೆಯಿಂದಾಗಿ ಅವಾಂತರ ಸೃಷ್ಟಿಯಾಗಿದೆ. ಪ್ರವಾಹ ಪರಿಸ್ಥಿತಿ ಉಂಟಾಗಿದೆ. ಮನೆಯಲ್ಲೇ ಕುಳಿತು ಬಿಸಿ ಬಿಸಿ ಬಿರಿಯಾನಿ ತಿನ್ನೋಣ ಎಂದುಕೊಳ್ಳುವವರಿಗೆ ಈ ವಿಡಿಯೋ ನೋಡಿ ನಿರಾಸೆ ಆಗಬಹುದು.
ಕೇವಲ 13 ಸೆಕೆಂಡ್‌ಗಳ ವಿಡಿಯೋ ಇದು. ಟ್ವಿಟರ್‌ನಲ್ಲಿ ವಿಡಿಯೋವನ್ನು ಶೇರ್ ಮಾಡಲಾಗಿದೆ. ಭಾರೀ ಮಳೆಯಿಂದಾಗಿ ರಸ್ತೆಯಲ್ಲಿ ಸಂಪೂರ್ಣವಾಗಿ ನೀರು ತುಂಬಿಕೊಂಡಿದೆ. ಬಿಸಿ ಬಿಸಿ ಬಿರಿಯಾನಿ ತುಂಬಿದ್ದ ಎರಡು ಪಾತ್ರೆಗಳು ಮಳೆ ನೀರಿನಲ್ಲಿ ತೇಲಿಕೊಂಡು ಹೋಗಿವೆ.
ಬಿರಿಯಾನಿ ಪ್ರಿಯರು ಈ ವಿಡಿಯೋ ನೋಡಿ ಬೇಸರ ಮಾಡಿಕೊಂಡಿದ್ದಾರೆ. ರುಚಿಯಾದ ಬಿರಿಯಾನಿ ಯಾರಿಗೂ ಸಿಗದೇ ನೀರು ಪಾಲಾಗಿದೆ. ಈ ವಿಡಿಯೋ ಟ್ವಿಟರ್‌ನಲ್ಲಿ ವೇಗವಾಗಿ ವೈರಲ್ ಆಗುತ್ತಿದೆ. ಕೇವಲ 13 ಸೆಕೆಂಡುಗಳ ಈ ವಿಡಿಯೊವನ್ನು ಒಂದು ಮಿಲಿಯನ್‌ಗಿಂತಲೂ ಹೆಚ್ಚು ಜನರು ವೀಕ್ಷಿಸಿದ್ದಾರೆ.
Loading ...