ಪ್ರವಾಹದ ನಡುವೆಯೂ ಎಂಜಾಯ್‌ ಮಾಡಿದ ಜನ; ವಿಡಿಯೋ ವೈರಲ್

ಖುಷಿ ಪಡುವುದಕ್ಕೆ, ಸಂಭ್ರಮಿಸುವುದಕ್ಕೆ ನಿರ್ದಿಷ್ಟ ಕಾರಣಬೇಕಿಲ್ಲ ಎಂಬುದಕ್ಕೆ ಇಲ್ಲೊಂದು ಉದಾಹರಣೆ ಇದೆ. ಜನ‌ಜೀವನ ಅಸ್ತವ್ಯಸ್ತಗೊಳಿಸಿದ ಪ್ರವಾಹ ಬಂದ ಸಂದರ್ಭದಲ್ಲೂ ಸಹ ಜನರು ಮೈಮರೆತು ಆಟವಾಡಿ ಸಂಭ್ರಮಿಸುವ ವಿವಿಧ ಪ್ರತ್ಯೇಕ ಘಟನೆಗಳನ್ನು ಒಳಗೊಂಡ ವಿಡಿಯೋ ಸಾಮಾಜಿಕ‌ ಜಾಲತಾಣದಲ್ಲಿ ವೈರಲ್ ಆಗಿದೆ.

ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಲಾದ ವಿಡಿಯೊ, ಜನರ ಗುಂಪು ಜಲಾವೃತವಾದ ರಸ್ತೆಯಲ್ಲಿ ವಾಟರ್ ಪಾರ್ಕ್‌ನಲ್ಲಿದ್ದವರಂತೆ ಆಟವಾಡುವುದನ್ನು ಕಾಣಬಹುದು.

ಒಬ್ಬ ವ್ಯಕ್ತಿಯು ತನ್ನ ನೀರಿನಿಂದ ತುಂಬಿರುವ ಮನೆಯಲ್ಲಿ ಕುರ್ಚಿಯ ಮೇಲೆ ನಿಂತು ಸಮ್ಮರ್‌ಸಾಲ್ಟ್‌ಗೆ ಪ್ರಯತ್ನಿಸುತ್ತಿರುವಂತೆ, ಮತ್ತೊಂದು ತಂಡ ಪ್ರವಾಹಕ್ಕೆ ಸಿಲುಕಿದ ಬೀದಿಯಲ್ಲಿ ಜಾರುತ್ತಿರುವುದನ್ನು ಕಾಣಬಹುದು.

ನೀವು ಕಡಿಮೆ ಬಜೆಟ್ ಹೊಂದಿದ್ದರೆ ಯಾವುದೇ ಸ್ಥಳವು ಮಾಲ್ಡೀವ್ಸ್ ಆಗಿರಬಹುದು ಎಂಬ ಶೀರ್ಷಿಕೆಯೊಂದಿಗೆ ವಿಡಿಯೊ ಪೋಸ್ಟ್ ಮಾಡಲಾಗಿದೆ.

ವಿಡಿಯೋ‌ ನೋಡಿ ನೆಟ್ಟಿಗರು ಖುಷಿಪಟ್ಟು ಕಾಮೆಂಟ್ ಮಾಡಿದ್ದಾರೆ. “ವಾಟರ್ ಪಾರ್ಕ್ ಹೋಮ್ಕಮಿಂಗ್” ಎಂದು ಒಬ್ಬರು ಹಾಸ್ಯಮಯ ಕಾಮೆಂಟ್ ಮಾಡಿದ್ದಾರೆ.

https://twitter.com/smileandraja/status/1550063391414304770?ref_src=twsrc%5Etfw%7Ctwcamp%5Etweetembed%7Ctwterm%5E1550063391414304770%7Ctwgr%5E%7Ctwcon%5Es1_&ref_url=https%3A%2F%2Fwww.news18.com%2Fnews%2Fbuzz%2Fbudget-maldives-video-of-people-playing-on-the-flooded-streets-is-pure-joy-5620393.html