ಕಸ ಗುಡಿಸುವ ಸ್ನೇಹಿತನ ವಿರುದ್ಧ ಕಾನೂನು ಹೋರಾಟದಲ್ಲಿ ಗೆದ್ದ ʼಕೋಟ್ಯಾಧಿಪತಿʼ

ಬ್ರಿಟನ್​ನ ಕೋಟ್ಯಾಧಿಪತಿ 10 ವರ್ಷಗಳ ಹಿಂದೆ ನೀಡಿದ್ದ ಸರಿ ಸುಮಾರು 1.9 ಕೋಟಿ ರೂಪಾಯಿ ಸಾಲವನ್ನು ಹಿಂದಿರುಗಿಸದ ಬೀದಿಯಲ್ಲಿ ಕಸ ಗುಡಿಸುವ ತನ್ನ ಸ್ನೇಹಿತನ ವಿರುದ್ಧದ ಕಾನೂನು ಹೋರಾಟದಲ್ಲಿ ಗೆಲುವು ಸಾಧಿಸಿದ್ದಾರೆ.

ಸೈಮನ್​ ಡೇನಿಯರ್​ ಗಿಲ್ಡ್​ಫೋರ್ಡ್​ ಬರೋ ಕೌನ್ಸಿಲ್​​ನಲ್ಲಿ ಸ್ಟ್ರೀಟ್​ ಕ್ಲೀನರ್​ ಆಗಿ ಕೆಲಸ ಮಾಡುತ್ತಾರೆ. ಇವರು 2012 ಹಾಗೂ 14ರಲ್ಲಿ ತನ್ನ ಕೋಟ್ಯಾಧಿಪತಿ ಸ್ನೇಹಿತ ಜಾನ್​ ರಾಂಕಿನ್​​ನಿಂದ 1.9 ಕೋಟಿ ರೂಪಾಯಿ ಸಾಲ ಪಡೆದಿದ್ದರು.

ಕಾರ್ನ್‌ಫೋರ್ತ್ ಮತ್ತು ಡೆನಿಯರ್ 1979 ರಲ್ಲಿ ಹೊಸ ವರ್ಷದ ಪಾರ್ಟಿಯಲ್ಲಿ ಭೇಟಿಯಾದರು. ಅಂದಿನಿಂದ, ಅವರು ಎಣ್ಣೆ ಪಾರ್ಟಿ ಮಾಡುತ್ತಾ ಗೆಳೆಯರಾಗಿದ್ದರು. ಸಮಯ ಕಳೆದಂತೆ ಕಾರ್ನ್​ಪೋರ್ತ್ ಶ್ರೀಮಂತರಾದರು ಹಾಗೂ ಡೆನಿಯರ್​ ಬಡವರಾದರು.

ಜಾನ್​ ರಾಂಕಿನ್​ ತಂದೆ ನಿಧನರಾದ ಬಳಿಕ ಅವರ ಕೋಟಿ ಆಸ್ತಿಗಳಿಗೆ ಇವರೇ ಮಾಲೀಕರಾದರು. ಡೇನಿಯರ್​​ಗೆ ವಿಚ್ಚೇದನವೂ ಸೇರಿದಂತೆ ಜೀವನದಲ್ಲಿ ಸೋಲುಗಳೇ ಹೆಚ್ಚಾಗಿತ್ತು. ವಿಚ್ಛೇದನಕ್ಕೆ ಖರ್ಚು 25 ಲಕ್ಷ ರೂಪಾಯಿ ಸೇರಿದಂತೆ ಕೋಟಿಗೂ ಅಧಿಕ ಮೊತ್ತದ ಹಣವನ್ನು ಜಾನ್​ ರಾಂಕಿನ್​ ಸಾಲದ ರೂಪದಲ್ಲಿ ಡೇನಿಯರ್​ಗೆ ನೀಡಿದ್ದರು.

ಆದರೆ ಇದು ವಿಶ್ವಾಸದ ಮೇಲೆ ನಡೆದ ವ್ಯವಹಾರವಾಗಿತ್ತು. ಇದಕ್ಕೆ ಯಾವುದೇ ದಾಖಲೆಗಳು ಇರಲಿಲ್ಲ. ಆದರೆ ಸ್ನೇಹಿತ ಹಣ ತೀರಿಸದೇ ಇದ್ದುದನ್ನು ಗಮನಿಸಿದ ರಾಂಕಿನ್​​ ಕಾನೂನು ಹೋರಾಟಕ್ಕೆ ಮುಂದಾದರು. ಇದೀಗ ಕೋರ್ಟ್ ಆದೇಶ ನೀಡಿದ್ದು 10 ವರ್ಷಗಳ ಬಡ್ಡಿ ಸಮೇತ ಹಣ ವಾಪಸ್​ ನೀಡುವಂತೆ ಆದೇಶ ಹೊರಡಿಸಿದೆ.