ಆಟಿಕೆ ಸಾಮಗ್ರಿಗಳಲ್ಲಿ ಆಟವಾಡುವ ಮಕ್ಕಳನ್ನು ನೋಡಿರುತ್ತೀರಿ. ಆದರೆ ಆಟಿಕೆ ಸಾಮಗ್ರಿಗಳಲ್ಲಿ ಆಟವಾಡುವುದಕ್ಕೆ ನಿಮಗೆ ಸಂಬಳ ಸಿಗುತ್ತೆ ಎಂದರೆ ನೀವು ನಂಬುತ್ತೀರೇ.? ಸೋಶಿಯಲ್ ಮೀಡಿಯಾದಲ್ಲಿ ಇಂತಹದ್ದೊಂದು ವಿಡಿಯೋ ವೈರಲ್ ಆಗಿದ್ದು ವ್ಯಕ್ತಿಯೊಬ್ಬ ಆಟಿಕೆಗಳ ಜೊತೆ ಆಟವಾಡಿ ಅದನ್ನು ಪರೀಕ್ಷೆ ಮಾಡುತ್ತಿರುವ ಕೆಲಸ ಕಂಡು ನೆಟ್ಟಿಗರು ಇಂತಹ ಉದ್ಯೋಗವೂ ಇರುತ್ತಾ ಎಂದು ಹುಬ್ಬೇರಿಸಿದ್ದಾರೆ.
ಈ ವಿಡಿಯೋದಲ್ಲಿ ಫ್ಯಾಕ್ಟರಿಯಲ್ಲಿ ನೀಲಿ ಬಣ್ಣದ ಉಡುಪನ್ನು ಧರಿಸಿ ಕುಳಿತ ಅನೇಕ ಕೆಲಸಗಾರರು ಮಿನಿಯನ್ಸ್ ಆಟಿಕೆಯನ್ನು ಪರೀಕ್ಷೆ ಮಾಡುತ್ತಿರುವುದನ್ನು ಕಾಣಬಹುದಾಗಿದೆ. ಇದೇ ಸಾಲಿನ ಕೊನೆಯಲ್ಲಿ ಕುಳಿತ ಕೆಲಸಗಾರನೊಬ್ಬ ಪ್ರತಿಯೊಂದು ಆಟಿಕೆಯನ್ನು ಮುಟ್ಟಿ ನೋಡಿ ಅದು ಕಂಪನಿಯ ಗುಣಮಟ್ಟಕ್ಕೆ ತಕ್ಕದಾಗಿದೆಯಾ ಎಂಬುದನ್ನು ಪರೀಕ್ಷೆ ಮಾಡುತ್ತಿದ್ದಾನೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಈ ಕೆಲಸವನ್ನು ಒಮ್ಮೆ ಮಾಡುವುದು ಅತ್ಯಂತ ಸುಲಭ. ಆದರೆ ಇದೇ ಕೆಲಸವನ್ನು ಸಾವಿರ ಬಾರಿ ಮಾಡುವುದು ಅಂದರೆ ಇದಕ್ಕಿಂತ ಕಷ್ಟದ ಕೆಲಸ ಇನ್ನೊಂದು ಇರಲಿಕ್ಕಿಲ್ಲ ಎಂದು ನೆಟ್ಟಿಗರೊಬ್ಬರು ಕಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು ಬೆಳಗ್ಗೆಯಿಂದ ಸಂಜೆವರೆಗೆ ಈ ರೀತಿ ಕೆಲಸ ಮಾಡೋದಕ್ಕೆ ಬೋರ್ ಅನಿಸಲ್ವೇ ಎಂದು ಪ್ರಶ್ನೆ ಮಾಡಿದ್ದಾರೆ.
Loading ...