‘ಅಗ್ನಿವೀರ’ ರಾಗಲು ಮುಂದಾಗಿದ್ದವರಿಗೆ ಈಗ ಮತ್ತೊಂದು ಗುಡ್ ನ್ಯೂಸ್

‘ಅಗ್ನಿಪಥ್’ ಯೋಜನೆ ಅಡಿ ಭಾರತೀಯ ಸೇನೆಗೆ ಅಗ್ನಿವೀರರನ್ನು ನೇಮಕ ಮಾಡಿಕೊಳ್ಳಲು ಈಗಾಗಲೇ ಪ್ರಕ್ರಿಯೆ ಆರಂಭವಾಗಿದ್ದು, ವಾಯು ಮತ್ತು ಭೂಸೇನೆ ಇದಕ್ಕೆ ಚಾಲನೆ ನೀಡಿದ್ದವು. ಇದೀಗ ನೌಕಾಪಡೆ ಸಹ ನೇಮಕಾತಿಗೆ ಮುಂದಾಗಿದ್ದು ‘ಅಗ್ನಿವೀರ’ ರಾಗುವವರಿಗೆ ಗುಡ್ ನ್ಯೂಸ್ ನೀಡಿದೆ.

2800 ಅಗ್ನಿ ವೀರರ ನೇಮಕಕ್ಕೆ ನೌಕಾಪಡೆ ಚಾಲನೆ ನೀಡಿದ್ದು, ಅಭ್ಯರ್ಥಿಗಳು ಜುಲೈ 15 ರಿಂದ 22 ರೊಳಗೆ ಅರ್ಜಿ ಸಲ್ಲಿಸಬೇಕಿದೆ. ಒಟ್ಟು ಹುದ್ದೆಗಳ ಪೈಕಿ 560 ಹುದ್ದೆಗಳನ್ನು ಮಹಿಳೆಯರಿಗೆ ಮೀಸಲಿಡಲಾಗಿದೆ.

ಪಿಯುಸಿ ವಿಜ್ಞಾನ ವಿಭಾಗದಲ್ಲಿ ವ್ಯಾಸಂಗ ಮಾಡಿರುವ ಅವಿವಾಹಿತರು ಮಾತ್ರ ಅರ್ಹರಾಗಿದ್ದು, ಗಣಿತ ಮತ್ತು ಭೌತಶಾಸ್ತ್ರ ಕಲಿತಿರುವುದು ಕಡ್ಡಾಯ. ಇದನ್ನು ಹೊರತುಪಡಿಸಿ ಕೆಮಿಸ್ಟ್ರಿ, ಬಯೋಲಜಿ ಅಥವಾ ಕಂಪ್ಯೂಟರ್ ಸೈನ್ಸ್ ಇವುಗಳಲ್ಲಿ ಯಾವುದಾದರೂ ಒಂದು ವಿಷಯವನ್ನು ಅಧ್ಯಯನ ಮಾಡಿರಬೇಕಿದೆ.