ಕೆಲಸ ಬಿಟ್ಟ 2 ದಿನದಲ್ಲಿ ನೌಕರರಿಗೆ ಸಂಬಳ, ಪೂರ್ಣ ಪರಿಹಾರ: ನಾಳೆಯಿಂದ ಜಾರಿಯಾಗಲಿರುವ ಹೊಸ ವೇತನ ಸಂಹಿತೆ ಬಗ್ಗೆ ಇಲ್ಲಿದೆ ಮಾಹಿತಿ

ನವದೆಹಲಿ: ನಾಳೆ ಜಾರಿಯಾಗುವ ಸಾಧ್ಯತೆಯಿರುವ ಹೊಸ ವೇತನ ಸಂಹಿತೆ, ಉದ್ಯೋಗಿಯ ಕೊನೆಯ ಕೆಲಸದ ದಿನದ ಎರಡು ದಿನಗಳಲ್ಲಿ ಬಾಕಿ ವೇತನ ಮತ್ತು ಪೂರ್ಣ ಮತ್ತು ಅಂತಿಮ ವೇತನವನ್ನು ಪಾವತಿಸಲು ಕಂಪನಿಗೆ ನಿರ್ದೇಶಿಸುತ್ತದೆ.

ರಾಜೀನಾಮೆ, ವಜಾ ಅಥವಾ ಉದ್ಯೋಗ ಮತ್ತು ಸೇವೆಗಳಿಂದ ತೆಗೆದುಹಾಕುವ ಸಂದರ್ಭದಲ್ಲಿ ಕಂಪನಿಯು ಎರಡು ದಿನಗಳಲ್ಲಿ ಬಾಕಿಯನ್ನು ಪಾವತಿಸಬೇಕಾಗುತ್ತದೆ ಎಂದು ಹೊಸ ನಿಯಮಗಳು ಹೇಳುತ್ತವೆ. ಪೂರ್ಣ ಮತ್ತು ಅಂತಿಮ ಪರಿಹಾರವನ್ನು ಪ್ರಕ್ರಿಯೆಗೊಳಿಸಲು ಹೆಚ್ಚಿನ ಕಂಪನಿಗಳು ಪ್ರಸ್ತುತ 45 ದಿನಗಳಿಂದ 60 ದಿನಗಳನ್ನು ತೆಗೆದುಕೊಳ್ಳುತ್ತವೆ. ಇದು ಹೆಚ್ಚಿನ ಸಂಸ್ಥೆಗಳು ಅನುಸರಿಸುವ ಸಾಮಾನ್ಯ ಪ್ರಕ್ರಿಯೆಯಾಗಿದೆ. ಈಗ ಹೊಸ ವೇತನ ಸಂಹಿತೆಯೊಂದಿಗೆ ಇದು ಬದಲಾಗಲಿದೆ ಎನ್ನಲಾಗಿದೆ.

ಒಬ್ಬ ನೌಕರ ಸೇವೆಯಿಂದ ತೆಗೆದುಹಾಕಲ್ಪಟ್ಟಿದ್ದರೆ ಅಥವಾ ವಜಾಗೊಳಿಸಿದ್ದರೆ ಅಥವಾ ರಾಜೀನಾಮೆ ನೀಡಿದ್ದರೆ ಅಥವಾ ಕಂಪನಿ ಮುಚ್ಚುವಿಕೆಯಿಂದಾಗಿ ನಿರುದ್ಯೋಗಿಯಾಗಿದ್ದರೆ, ಅವನಿಗೆ ಪಾವತಿಸಬೇಕಾದ ವೇತನವನ್ನು ಎರಡು ಕೆಲಸದ ದಿನಗಳಲ್ಲಿ ಪಾವತಿಸಲಾಗುತ್ತದೆ.

ಮೋದಿ ಸರ್ಕಾರ ಜುಲೈ 1 ರಿಂದ ವೇತನ ಸಂಹಿತೆ ಜಾರಿಗೆ ತರುವ ಸಾಧ್ಯತೆ ಇದೆ. ವೇತನ, ಸಾಮಾಜಿಕ ಭದ್ರತೆ, ಕೈಗಾರಿಕಾ ಸಂಬಂಧಗಳು ಮತ್ತು ಉದ್ಯೋಗ ಸುರಕ್ಷತೆ, ಆರೋಗ್ಯ ಮತ್ತು ಕೆಲಸದ ಅವಧಿ, ಸಂಬಳ ಪುನರ್ರಚನೆ, ಪಿಎಫ್ ಮತ್ತು ಗ್ರಾಚ್ಯುಟಿ ವಿಚಾರದಲ್ಲಿ ಬದಲಾವಣೆಯಾಗುವ ಸಾಧ್ಯತೆ ಇದೆ.

. ಪ್ರಸ್ತುತ, 23 ರಾಜ್ಯಗಳು ಈ ಕಾನೂನುಗಳ ಕರಡು ನಿಯಮಗಳನ್ನು ಮೊದಲೇ ಪ್ರಕಟಿಸಿವೆ. ಫೆಬ್ರವರಿ 2021 ರಲ್ಲಿ ಈ ಕೋಡ್‌ ಗಳ ಕರಡು ನಿಯಮಗಳನ್ನು ಅಂತಿಮಗೊಳಿಸುವ ಪ್ರಕ್ರಿಯೆಯನ್ನು ಕೇಂದ್ರ ಪೂರ್ಣಗೊಳಿಸಿದೆ. ಇವುಗಳು ಇನ್ನೂ ಆರಂಭಿಕ ಊಹಾಪೋಹಗಳಾಗಿರುವುದರಿಂದ, ಸರ್ಕಾರ ಔಪಚಾರಿಕವಾಗಿ ನಿಯಮಗಳನ್ನು ಪ್ರಕಟಿಸುವವರೆಗೆ ಯಾವುದನ್ನೂ ಹೀಗೆಯೇ ಎಂದು ಊಹಿಸಬಾರದು ಎನ್ನಲಾಗಿದೆ.