ಬಿಸಿಲಿನ ಶಾಖದಿಂದ ಕಾರನ್ನು ತಂಪಾಗಿರಿಸಲು ಸಗಣಿ ಬಳಿದ ಭೂಪ….!

ಏಪ್ರಿಲ್ ಕಳೆದಂತೆ, ಸೂರ್ಯನ ಪ್ರಖರತೆ ಹೆಚ್ಚುತ್ತದೆ. ಸುಡುವ ಬಿಸಿಲಿಗೆ ಜನರು ಬಳಲಿ ಬೆಂಡಾಗುತ್ತಾರೆ. ಸುಡುವ ಶಾಖದಲ್ಲಿ ಹೊರಗಿರುವುದು ಅಂದ್ರೆ ಸವಾಲಿನ ಸಂಗತಿಯಾಗಿದೆ. ಜನರು ಶಾಖ ವಾತಾವರಣವನ್ನು ಸೋಲಿಸಲು ಎಲ್ಲಾ ರೀತಿಯ ಪರಿಹಾರಗಳೊಂದಿಗೆ ಬರುತ್ತಾರೆ. ಆದರೆ, ಇಲ್ಲೊಬ್ಬ ಮಾಡಿರೋ ಐಡಿಯಾ ನೋಡಿದ್ರೆ ಖಂಡಿತಾ ಶಾಕ್ ಆಗ್ತೀರಾ..!

ಹೌದು, ಪುಣೆಯಲ್ಲಿ ವ್ಯಕ್ತಿಯೊಬ್ಬ ತನ್ನ ಮಾರುತಿ ಸುಜುಕಿ ಓಮ್ನಿಯಿಂದ ಶಾಖವನ್ನು ದೂರವಿರಿಸಲು ತನ್ನ ವಾಹನಕ್ಕೆ ಹಸುವಿನ ಸಗಣಿಯನ್ನು ಮೆತ್ತಿದ್ದಾನೆ. ಬಂಪರ್‌ನಿಂದ ಮೇಲ್ಛಾವಣಿಯವರೆಗೂ, ಮುಂಭಾಗದಿಂದ ಹಿಂಭಾಗಕ್ಕೆ ಮತ್ತು ಎರಡೂ ಬದಿಗಳಲ್ಲಿ ದನದ ಸಗಣಿಯಿಂದ ದಪ್ಪವಾದ ಪದರದಿಂದ ಮುಚ್ಚಲಾಗಿದೆ.

ಕಾರನ್ನು ಹಸುವಿನ ಸಗಣಿಯಿಂದ ಮುಚ್ಚುವ ಚಿಂತನೆಯು ಭಾರತೀಯ ಹಳ್ಳಿಗಳಲ್ಲಿ ಚಾಲ್ತಿಯಲ್ಲಿರುವ ಸಾಂಪ್ರದಾಯಿಕ ಆಚರಣೆಗಳಿಂದ ಅದರ ಸ್ಫೂರ್ತಿಯನ್ನು ಕಂಡುಕೊಂಡಿರಬಹುದು ಎಂದು ಅಂದಾಜಿಸಲಾಗಿದೆ. ಸಾಮಾನ್ಯವಾಗಿ ಹಳೆಕಾಲದ ಭಾರತೀಯ ಮನೆಗಳನ್ನು ಮಣ್ಣಿನಿಂದ ಕಟ್ಟಲಾಗಿರುತ್ತದೆ. ಮನೆಯ ನೆಲ ಮತ್ತು ಗೋಡೆಗಳನ್ನು ಹಸುವಿನ ಸಗಣಿಯಿಂದ ಮುಚ್ಚಲಾಗುತ್ತದೆ. ನಂತರ ಒಣಗಲು ಬಿಡಲಾಗುತ್ತದೆ. ಈ ಲೇಪನವು ಬೇಸಿಗೆಯಲ್ಲಿ ತಂಪಾಗಿಸುತ್ತದೆ ಮತ್ತು ಚಳಿಗಾಲದಲ್ಲಿ ಬೆಚ್ಚಗಿರಿಸುತ್ತದೆ ಎಂದು ನಂಬಲಾಗಿದೆ.

ಆದರೆ, ಈ ತಂತ್ರವು ಕಾರುಗಳಿಗೆ ಕೆಲಸ ಮಾಡುತ್ತದೆಯೇ ಎಂಬುದು ಇನ್ನೂ ಚರ್ಚೆಯ ವಿಷಯವಾಗಿದೆ. ಈ ವರದಿಗಳನ್ನು ದೃಢೀಕರಿಸುವ ಯಾವುದೇ ಸಂಶೋಧನೆ ಅಸ್ತಿತ್ವದಲ್ಲಿಲ್ಲ. ಈ ವಿಧಾನವು ದಕ್ಷತೆಯ ಬಗ್ಗೆ ಅನುಮಾನವನ್ನು ಉಂಟುಮಾಡುತ್ತದೆ.

ಹಾಗಂತ ಇದು ಮೊದಲ ಪ್ರಕರಣವಲ್ಲ. ಅಹಮದಾಬಾದ್‌ನ ಮಹಿಳೆಯೊಬ್ಬರು ತಮ್ಮ ಟೊಯೊಟಾ ಕೊರೊಲ್ಲಾವನ್ನು ಹಸುವಿನ ಸಗಣಿಯಿಂದ ಮುಚ್ಚಿದ ನಂತರ ಸಾಕಷ್ಟು ಸಂಚಲನ ಮೂಡಿಸಿದ್ದರು.

https://youtu.be/bZOuFpVHPEw