ಆಸ್ಪತ್ರೆಯ 8ನೇ ಮಹಡಿಯಿಂದ ಜಿಗಿದು ರೋಗಿ ಸಾವು

ಮಾನಸಿಕ ರೋಗಿಯೊಬ್ಬ ಆಸ್ಪತ್ರೆಯ ಎಂಟನೇ ಮಹಡಿಯಿಂದ ಜಿಗಿದು ಪ್ರಾಣ ಕಳೆದುಕೊಂಡ ಘಟನೆ
ಕೋಲ್ಕತ್ತಾದಲ್ಲಿ ನಡೆದಿದೆ.

ಇನ್‌ಸ್ಟಿಟ್ಯೂಟ್ ಆಫ್ ನ್ಯೂರೋಸೈನ್ಸ್ ಆಸ್ಪತ್ರೆಯ ಎಂಟನೇ ಮಹಡಿಯ ಕಿಟಕಿಯಿಂದ ಹೊರಬಂದ ಆ ವ್ಯಕ್ತಿ ಮಹಡಿಯ ಕಾರ್ನಿಸ್‌ನ ಅಂಚಿನಲ್ಲಿ ಕುಳಿತುಕೊಂಡ. ಇದನ್ನು ಕಂಡವರು, ಅಗ್ನಿಶಾಮಕ ದಳ, ಆಸ್ಪತ್ರೆ ಸಿಬ್ಬಂದಿ ಆತನನ್ನು ಇಳಿಸಲು ಪ್ರಯತ್ನಪಟ್ಟರು. ಆದರೆ ಆ ವ್ಯಕ್ತಿ ಯಾರನ್ನೂ ತನ್ನ ಬಳಿಗೆ ಬರಲು ಬಿಡಲಿಲ್ಲ.

ಸುಧೀರ್ ಅಧಿಕಾರಿ ಎಂದು ಗುರುತಿಸಲಾದ ರೋಗಿಯನ್ನು ವೈದ್ಯಕೀಯ ಚಿಕಿತ್ಸೆಗಾಗಿ ದಾಖಲಿಸಲಾಗಿತ್ತು. ಅವನನ್ನು ಕೆಳಗಿಳಿಸಲು ಹೈಡ್ರಾಲಿಕ್ ಏಣಿಯನ್ನು ತರಲಾಯಿತು. ಆದರೆ ಏಣಿಯು ಅವನ ಬಳಿಗೆ ಹೋಗಲು ಪ್ರಯತ್ನಿಸಿದಾಗಲೆಲ್ಲಾ ಅವನು ಜಿಗಿಯಲು ಪ್ರಯತ್ನಿಸಿದ್ದಾನೆ.

ಮಧ್ಯಾಹ್ನ 1.10 ರ ಸುಮಾರಿಗೆ ನೆಲಕ್ಕೆ ಉರುಳುವ ಮೊದಲು ಕನಿಷ್ಠ ಎರಡು ಬಾರಿ ಕೆಳಗಿನ ಮಹಡಿಗಳ ಕಾರ್ನಿಸ್ ಅನ್ನು ಹೊಡೆಸಿಕೊಂಡಿದ್ದಾನೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಅತನ ತಲೆಬುರುಡೆ, ಪಕ್ಕೆಲುಬು ಮತ್ತು ಎಡಗೈಗೆ ತೀವ್ರ ಹಾನಿಯಾಗಿತ್ತು ಎಂದು ಆಸ್ಪತ್ರೆಯ ಅಧಿಕಾರಿ ತಿಳಿಸಿದ್ದಾರೆ. ಘಟನೆ ನಡೆದ ವೇಳೆ ಸಾಕಷ್ಟು ಜನರು ಆಸ್ಪತ್ರೆಯ ಹೊರಗೆ ಜಮಾಯಿಸಿದ್ದರು.

ಆತ ಅಲ್ಲಿ ಏಕೆ ಕುಳಿತಿದ್ದ ಎಂಬುದರ ಕುರಿತು ಏನನ್ನೂ ಹೇಳಲಿಲ್ಲ, ಆದರೆ ಸಮವಸ್ತ್ರದಲ್ಲಿರುವ ಜನರನ್ನು ತನ್ನ ಬಳಿಗೆ ಬರಲು ಬಿಡುತ್ತಿರಲಿಲ್ಲ. ನಾವು ಹಲವಾರು ಹಾಸಿಗೆಗಳು, ನೆಟ್‌ಗಳನ್ನು ಹಾಕಿದ್ದೆವು ಎಂದು ಅಗ್ನಿಶಾಮಕ ಅಧಿಕಾರಿ ಶುಭಂಕರ್ ಘೋಷ್ ಹೇಳಿದ್ದಾರೆ.

https://youtu.be/FoqjNeL09AA