ನೌಕರರ ಭವಿಷ್ಯ ನಿಧಿ ಸಂಸ್ಥೆಯು ಕಳೆದ ಹಲವು ವರ್ಷಗಳಿಂದ ತನ್ನ ಎಲ್ಲಾ ಸೇವೆಗಳನ್ನು ಗಣಕೀಕೃತ ಮಾಡುತ್ತಾ ಬಂದಿದೆ. ಇದರ ಮೂಲಕ ಬಳಕೆದಾರರಿಗೆ ಉತ್ತಮ ಸೇವೆಗಳನ್ನು ನೀಡುತ್ತಿದೆ.
ಇಪಿಎಫ್ ಚಂದಾದಾರರು ಆನ್ ಲೈನ್ ಮೂಲಕ ಸುಲಭವಾಗಿ ಅರ್ಜಿಗಳನ್ನು ಸಲ್ಲಿಸಬಹುದಾಗಿದೆ.
ಇದಲ್ಲದೇ, ಬಳಕೆದಾರರು ಇಪಿಎಫ್ಒ ಕೆವೈಸಿಯನ್ನು ಅಪ್ಡೇಟ್ ಮಾಡಬಹುದು, ಇಪಿಎಫ್ಒ ಬಾಕಿ ಎಷ್ಟಿದೆ ಎಂಬುದನ್ನು ಪರೀಕ್ಷಿಸಬಹುದು ಹಾಗೂ ಇಪಿಎಫ್ ಕ್ಲೇಮ್ ಅನ್ನು ಆನ್ಲೈನ್ ನಲ್ಲೇ ಮಾಡಬಹುದಾಗಿದೆ. ಇಷ್ಟೇ ಅಲ್ಲದೇ, ಇಪಿಎಫ್ ಚಂದಾದಾರರು ತಮ್ಮ ಇಪಿಎಫ್ ಅನ್ನು ಆನ್ಲೈನ್ ಮೂಲಕವೇ ವರ್ಗಾವಣೆ ಮಾಡಲು ಅವಕಾಶ ಕಲ್ಪಿಸಲಾಗಿದೆ.
ಹಾಗಾದರೆ ಪಿಎಫ್ ಅನ್ನು ಆನ್ಲೈನ್ ನಲ್ಲಿ ವರ್ಗಾವಣೆ ಮಾಡುವ ಹಂತಗಳು ಇಲ್ಲಿವೆ:-
ಹಂತ 1: ನಿಮ್ಮ ಯುಎಎನ್ ಮತ್ತು ಪಾಸ್ವರ್ಡ್ ಅನ್ನು ಬಳಸಿ ನಿಮ್ಮ ಇಪಿಎಫ್ ಖಾತೆಗೆ ಲಾಗಿನ್ ಆಗಿ.
ಹಂತ 2: ಈಗ, ಆನ್ಲೈನ್ ಸೇವೆಗಳ ಆಯ್ಕೆಗಳಿಗೆ ಹೋಗಿ.
ಹಂತ 3: `ಒನ್ ಮೆಂಬರ್- ಒನ್ ಇಪಿಎಫ್ ಅಕೌಂಟ್(ವರ್ಗಾವಣೆ ಮನವಿ)’ ಆಯ್ಕೆಯನ್ನು ಕ್ಲಿಕ್ ಮಾಡಿ.
ಹಂತ 4: ಮುಂದೆ, ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಪರಿಶೀಲಿಸಿ ಮತ್ತು ಪಿಎಫ್ ಅಕೌಂಟ್ ವಿವರಗಳನ್ನು ನೀಡಿ.
ಹಂತ 5: ನಿಮ್ಮ ಪಿಎಫ್ ಅಕೌಂಟ್ ವಿವರಗಳನ್ನು ಪರಿಶೀಲಿಸಿದ ನಂತರ, ನಿಮ್ಮ ಹಿಂದಿನ ಉದ್ಯೋಗದಲ್ಲಿನ ಪಿಎಫ್ ಅಕೌಂಟ್ ವಿವರಗಳನ್ನು ನೋಡಲು ಗೆಟ್ ಡೀಟೈಲ್ಸ್ ಆಯ್ಕೆಯನ್ನು ಕ್ಲಿಕ್ ಮಾಡಿ.
ಹಂತ 6: ಮುಂದೆ, ಕ್ಲೇಮ್ ಅರ್ಜಿಯನ್ನು ಭರ್ತಿ ಮಾಡಲು ನಿಮ್ಮ ಹಿಂದಿನ ಉದ್ಯೋಗದಾತ ಅಥವಾ ಈಗಿನ ಉದ್ಯೋಗದಾತರ ಆಯ್ಕೆಯನ್ನು ಆಯ್ಕೆ ಮಾಡಿ.
ಹಂತ 7: ಉದ್ಯೋಗದಾತರಲ್ಲಿ ಒಂದನ್ನು ಆಯ್ಕೆ ಮಾಡಿ ಮತ್ತು ನಿಮ್ಮ ಐಡಿ ಅಥವಾ ಯುಎಎನ್ ಅನ್ನು ಟೈಪ್ ಮಾಡಿ.
ಹಂತ 8: ನಿಮ್ಮ ನೋಂದಾಯಿತ ಮೊಬೈಲ್ ಗೆ ಒಟಿಪಿಯನ್ನು ಪಡೆಯಲು ಒಟಿಪಿ ಆಪ್ಶನ್ ಅನ್ನು ಕ್ಲಿಕ್ ಮಾಡಿ.
ಹಂತ 9: ನಿಮ್ಮ ಮೊಬೈಲ್ ಗೆ ಬಂದ ಒಟಿಪಿ ಸಂಖ್ಯೆಯನ್ನು ಎಂಟರ್ ಮಾಡಿ ಮತ್ತು ಸಬ್ ಮಿಟ್ ಬಟನ್ ಅನ್ನು ಕ್ಲಿಕ್ ಮಾಡಿ. ಒಟಿಪಿಯೊಂದಿಗೆ ನೀವು ಮೆಸೇಜ್ ಅನ್ನು ಪಡೆಯುತ್ತೀರಿ.
ಹಂತ 10: ಈಗ, ನೀವು ಸೆಲ್ಫ್-ಅಟೆಸ್ಟ್ ಮಾಡಿದ ಪಿಎಫ್ ವರ್ಗಾವಣೆ ಮನವಿ ಅರ್ಜಿಯನ್ನು ಪಡೆಯುತ್ತೀರಿ. ಈ ಇಪಿಎಫ್ ವರ್ಗಾವಣೆಯ ಬಗ್ಗೆ ನಿಮ್ಮ ಉದ್ಯೋಗದಾತರಿಗೂ ಸಹ ಮೆಸೇಜ್ ಹೋಗಿರುತ್ತದೆ.
Loading ...