ಚಿಕ್ಕಮಗಳೂರು: ಆರ್.ಎಸ್.ಎಸ್. ನವರು ಭಾರತೀಯರಲ್ಲ ಎಂಬ ಸಿದ್ದರಾಮಯ್ಯ ಹೇಳಿಕೆಗೆ ತಿರುಗೇಟು ನೀಡಿರುವ ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ. ರವಿ, ಸಿದ್ದರಾಮಯ್ಯಗೆ ಆಗಾಗ ಮಕಾಲೆ ಭೂತ ಮೈಮೇಲೆ ಬರುತ್ತೆ ಅದಕ್ಕೆ ಹೀಗಾಡುತ್ತಾರೆ ಎಂದಿದ್ದಾರೆ.
ಚಿಕ್ಕಮಗಳೂರಿನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಸಿ.ಟಿ. ರವಿ, ಸಿದ್ದರಾಮಯ್ಯ ಲೆಕ್ಕಾಚಾರದಲ್ಲಿ ಗಾಂಧಿ, ಸರ್ದಾರ್ ಪಟೇಲ್, ಭಗತ್ ಸಿಂಗ್, ರಾಜಗುರು ಯಾರೂ ಕೂಡ ಭಾರತೀಯರಲ್ಲ. ಇಲ್ಲಿ ರಾಷ್ಟ್ರಭಕ್ತಿ, ದೇಶ ಪ್ರೇಮದ ಮಾತುಗಳಾಡಬೇಕು ಹೊರತು ಇಂತಹ ವಿಚಾರಗಳ ಚರ್ಚೆ ಪ್ರಶ್ನೆಯಲ್ಲ. ಯಾವುದೇ ಮಾತು ಪ್ರಚೋದನೆಯೂ ಆಗಬಹುದು, ಪ್ರೇರಣೆಯೂ ಆಗಬಹುದು. ಸಂದರ್ಭಕ್ಕೆ ಯಾವ ರೀತಿ ತೆಗೆದುಕೊಳ್ಳುತ್ತಾರೆ ಎಂಬುದರ ಮೇಲೆ ಎಂದು ಹೇಳಿದರು.
ಯಾರನ್ನು ಯಾರಿಗೂ ಹೋಲಿಕೆ ಮಾಡಲು ಆಗಲ್ಲ, ನೆಹರೂ ಮೋದಿಗೂ ಹೋಲಿಕೆ ಮಾಡಲು ಆಗಲ್ಲ. ಸಿದ್ದರಾಮಯ್ಯಗೆ ಭೂತ ಮೈಮೇಲೆ ಬಂದಾಗ ಇಂತಹ ಮಾತುಗಳನ್ನು ಆಡುತ್ತಾರೆ ಎಂದು ಹೇಳಿದರು.
Loading ...