ಪುಟ್ಟ ಅಭಿಮಾನಿಯನ್ನು ಭೇಟಿಯಾಗಿ ಆತನೊಂದಿಗೆ ಹೆಜ್ಜೆ ಹಾಕಿದ ಡಾನ್ಸರ್ ಸಪ್ನಾ ಚೌಧರಿ

ಬಿಗ್ ಬಾಸ್ ಖ್ಯಾತಿಯ ಮತ್ತು ಹರಿಯಾಣವಿ ನೃತ್ಯಗಾರ್ತಿ ಸಪ್ನಾ ಚೌಧರಿ ಅವರು ಇನ್ಸ್ಟಾಗ್ರಾಂನಲ್ಲಿ 4.8 ಮಿಲಿಯನ್ ಅನುಯಾಯಿಗಳನ್ನು ಹೊಂದಿದ್ದಾರೆ. ಸಪ್ನಾ ಚೌಧರಿಯವರ ನೃತ್ಯ ಪ್ರದರ್ಶನ ವೀಕ್ಷಿಸಲು ಸಾಮಾನ್ಯವಾಗಿ ಹರಿಯಾಣದಲ್ಲಿ ಸಾವಿರಾರು ಅಭಿಮಾನಿಗಳು ಮುಗಿಬೀಳುತ್ತಾರೆ. ಆಕೆಯ ಹಾಡುಗಳನ್ನು ಕೇಳುತ್ತಾ, ಆಕೆಯ ಅಭಿಮಾನಿಗಳು ಕೂಡ ವೇದಿಕೆಯ ಕೆಳಗೆ ನಿಂತು ಡಾನ್ಸ್ ಮಾಡುತ್ತಾ ಪುಳಕಗೊಳ್ಳುತ್ತಾರೆ.

ಹರಿಯಾಣ ಮತ್ತು ಇತರ ಹಲವಾರು ರಾಜ್ಯಗಳಾದ್ಯಂತ ಜನರು ಸಪ್ನಾ ಚೌಧರಿಯವರ ಸಂಗೀತವನ್ನು ಇಷ್ಟಪಡುತ್ತಾರೆ. ಇತ್ತೀಚೆಗೆ, ರಾಜಸ್ಥಾನದ ಬಿಕಾನೇರ್‌ನ ಬಾಲಕನೊಬ್ಬ ಸಪ್ನಾ ಬಗ್ಗೆ ತನ್ನ ಮೆಚ್ಚುಗೆಯನ್ನು ಮುದ್ದಾದ ರೀತಿಯಲ್ಲಿ ವ್ಯಕ್ತಪಡಿಸಿದ್ದಾನೆ. ಸಪ್ನಾ ತನ್ನ ಇನ್ಸ್ಟಾಗ್ರಾಮ್ನಲ್ಲಿ ಬಾಲಕನೊಂದಿಗಿನ ಸಂವಾದವನ್ನು ಹಂಚಿಕೊಂಡಿದ್ದಾರೆ. ವಿಡಿಯೊ ಹಲವಾರು ವೀಕ್ಷಣೆಗಳು ಮತ್ತು ಲೈಕ್ ಗಳನ್ನು ಸ್ವೀಕರಿಸಿದೆ.

ವಿಡಿಯೋ ಪ್ರಾರಂಭವಾಗುತ್ತಿದ್ದಂತೆ, ಕಪ್ಪು ಕುರ್ತಾ ಮತ್ತು ರಾಜಸ್ಥಾನಿ ಪಗ್ಡಿ ಧರಿಸಿರುವ ಬಾಲಕ, ಸಪ್ನಾ ಜೊತೆ ಮಾತನಾಡುವುದನ್ನು ಕಾಣಬಹುದು. ನಂತರ ಅವರು ಆಕೆಯ ಸೂಪರ್-ಹಿಟ್ ಹಾಡು ‘ತೇರಿ ಆಖ್ಯ ಕಾ ಯೋ ಕಾಜಲ್’ಗೆ ಸ್ಟೆಪ್ಸ್ ಹಾಕಿದ್ದಾರೆ. ಈ ವಿಡಿಯೋ ಇದೀಗ ಭಾರಿ ಸದ್ದು ಮಾಡುತ್ತಿದೆ.