ಪೋಷಕರು ತಮ್ಮ ಮಕ್ಕಳ ಪದವಿ ಪ್ರದಾನ ಸಮಾರಂಭಗಳಲ್ಲಿ ಪಾಲ್ಗೊಳ್ಳುವುದನ್ನು ನೋಡುವುದು ಸಾಮಾನ್ಯವಾಗಿದೆ. ಆದರೆ, ಇಲ್ಲೊಂದೆಡೆ ತನ್ನ ತಂದೆಯ ಪದವಿ ಸ್ವೀಕಾರ ಸಮಾರಂಭದಲ್ಲಿ ಪುಟ್ಟ ಬಾಲೆ ಪಾಲ್ಗೊಂಡಿದ್ದಲ್ಲದೆ, ಫೋಟೋ ಕೂಡ ಕ್ಲಿಕ್ಕಿಸಿದ್ದಾಳೆ.
ಈ ತಂದೆ-ಮಗಳ ಮುದ್ದಾದ ಕಥೆ ಟ್ವಿಟ್ಟರ್ ನಲ್ಲಿ ವೈರಲ್ ಆಗಿದೆ. ಎಲೆನಾ ಎಂಬ ಬಳಕೆದಾರರಿಂದ ಈಗ ಅಳಿಸಲಾದ ಟ್ವೀಟ್‌ನಲ್ಲಿ ಪೋಸ್ಟ್ ಮಾಡಲಾಗಿದೆ. ಚಿಕ್ಕ ಮಗಳು ತನ್ನ ತಂದೆಯ ಪದವಿ ದಿನದ ಚಿತ್ರಗಳನ್ನು ಕ್ಲಿಕ್ ಮಾಡುವ ಸುಂದರ ಕ್ಷಣವನ್ನು ಫೋಟೋ ಒಳಗೊಂಡಿದೆ. ತಂದೆಯು ಔಪಚಾರಿಕ ಉಡುಪು ಮತ್ತು ಪದವಿ ಕ್ಯಾಪ್ ಧರಿಸಿ ತನ್ನ ಮಗಳ ಕ್ಯಾಮರಾಗೆ ಪೋಸ್ ನೀಡಿದ್ದಾರೆ.
ಲಾಸ್ ಏಂಜಲೀಸ್‌ನ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾನಿಲಯದಲ್ಲಿ ತನ್ನ ಸಹೋದರನ ಪದವಿ ಸಮಾರಂಭದಲ್ಲಿ ಭಾಗವಹಿಸಿದ್ದಾಗ ಎಲೆನಾ ಅವರು ಈ ಚಿತ್ರಗಳನ್ನು ಕ್ಲಿಕ್ ಮಾಡಿದ್ದಾರೆ. ಫೋಟೋವು ತಂದೆ-ಮಗಳ ಜೋಡಿಗೆ ತೊಂದರೆಯಾಗಬಹುದು ಎಂಬ ಭಯದಿಂದ ಎಲೆನಾ ಮೂಲ ಟ್ವೀಟ್ ಅನ್ನು ಅಳಿಸಿಹಾಕಿದ್ದಾರೆ. ನಂತರ ಅವರು, ಟ್ವಿಟ್ಟರ್ ಬಳಕೆದಾರ ಸೆಮಿಹಾ ಹಸಿನ್ ಚಿತ್ರಿಸಿದ ಮುದ್ದಾದ ಕ್ಷಣದ ಸ್ಕೆಚ್ ಅನ್ನು ಮರುಟ್ವೀಟ್ ಮಾಡಿದ್ದಾರೆ.
ಈ ಟ್ವೀಟ್ ಮಿಲಿಯನ್‌ಗಿಂತಲೂ ಹೆಚ್ಚು ಲೈಕ್ಸ್ ಗಳನ್ನು ಸ್ವೀಕರಿಸಿದೆ. ಇತರ ಟ್ವಿಟ್ಟರ್ ಪುಟಗಳಿಂದ ಫೋಟೋಗಳನ್ನು ಆಯ್ಕೆ ಮಾಡಲಾಗಿದೆ ಮತ್ತು ಮರುಹಂಚಿಕೊಳ್ಳಲಾಗಿದೆ. ತಂದೆಯ ಪ್ರಯತ್ನ ಮಗಳಿಗೆ ಮಾತ್ರವಲ್ಲದೆ ಸಮಾಜಕ್ಕೆ ಮಾದರಿಯಾಗಲಿದೆ ಎಂದು ಬಳಕೆದಾರರು ಪ್ರತಿಕ್ರಿಯಿಸಿದ್ದಾರೆ.
https://twitter.com/elenaxlugo/status/1526343432502792192?ref_src=twsrc%5Etfw%7Ctwcamp%5Etweetembed%7Ctwterm%5E1526343432502792192%7Ctwgr%5E%7Ctwcon%5Es1_&ref_url=https%3A%2F%2Fwww.news18.com%2Fnews%2Fbuzz%2Fjust-them-two-girl-clicking-her-dads-graduation-day-moments-will-leave-you-teary-eyed-5192407.html
Loading ...