BIG BREAKING: ಕೊಳದ ಮಠದ ಡಾ. ಶಾಂತವೀರ ಸ್ವಾಮೀಜಿ ಹೃದಯಾಘಾತದಿಂದ ವಿಧಿವಶ

ಬೆಂಗಳೂರು: ಕೊಳದ ಮಠ ಮಹಾಸಂಸ್ಥಾನದ ಡಾ.ಶಾಂತವೀರ ಸ್ವಾಮೀಜಿ ಹೃದಯಾಘಾತದಿಂದ ವಿಧಿವಶರಾಗಿದ್ದಾರೆ.

ಬೆಂಗಳೂರಿನ ಆದಿಪೀಠ ಶ್ರೀ ಕೊಳದ ಮಠದಲ್ಲಿ ರಾತ್ರಿ ಮಲಗಿದ್ದ ಸ್ವಾಮೀಜಿ ಮತ್ತೆ ಮುಂಜಾನೆ ಎದ್ದಿಲ್ಲ. ನಿದ್ರೆಯ ವೇಳೆಯೇ ಹೃದಯಾಘಾತಕ್ಕೀಡಾಗಿ ಚಿರನಿದ್ರೆಗೆ ಜಾರಿದ್ದಾರೆ ಎಂದು ತಿಳಿದುಬಂದಿದೆ.

ನಿನ್ನೆ ಬೆಂಗಳೂರಿನ ಮಹಾಲಕ್ಷ್ಮೀ ಲೇಔಟ್ ನಲ್ಲಿ ನಡೆದಿದ್ದ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ್ದ ಶಾಂತವೀರ ಶ್ರೀಗಳು ಆರೋಗ್ಯದಿಂದಲೇ ಇದ್ದರು. ತಡರಾತ್ರಿ ಮಠಕ್ಕೆ ಬಂದಾಗಲೂ ಎಲ್ಲರೊಂದಿಗೂ ಮಾತನಾಡುತ್ತಾ ಎಂದಿನಂತೆಯೇ ಸಹಜವಾಗಿದ್ದರು.

ಎಂದಿನಂತೆ ರಾತ್ರಿ ಮಠದ ಕೋಣೆಯಲ್ಲಿ ನಿದ್ದೆಗೆ ಜಾರಿದ ಸ್ವಾಮೀಜಿ ಇಂದು ಬೆಳಿಗ್ಗೆವರೆಗೂ ಏಳದಿದ್ದಾಗ ಸ್ವಾಮೀಜಿ ಅಣ್ಣನ ಮಗ ರೂಮಿನ ಬಾಗಿಲು ತೆರೆದು ನೋಡಿದ್ದಾರೆ. ಅಷ್ಟರಲ್ಲಿ ಸ್ವಾಮೀಜಿ ದೇಹ ತಣ್ಣಗಾಗಿತ್ತು ಎನ್ನಲಾಗಿದೆ. ತಕ್ಷಣ ಅವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆದರೆ ಅಷ್ಟರಲ್ಲಾಗಲೇ ಹೃದಯಾಘಾತದಿಂದ ಕೊನೆಯುಸಿರೆಳೆದಿದ್ದಾರೆ ಎಂದು ವೈದ್ಯರು ಸ್ಪಷ್ಟಪಡಿಸಿದ್ದಾರೆ.