ಮುಂಬೈನಲ್ಲಿ ಗೃಹರಕ್ಷಕ ದಳದ ಸಿಬ್ಬಂದಿಯ ಸಮಯಪ್ರಜ್ಞೆಯಿಂದ ಚಲಿಸ್ತಾ ಇರೋ ರೈಲಿನಡಿ ಬಿದ್ದ ಮಹಿಳೆ ಬಚಾವ್‌ ಆಗಿದ್ದಾಳೆ. ಚಲಿಸುತ್ತಿದ್ದ ರೈಲಿನಿಂದ ಮಹಿಳೆ ಕೆಳಕ್ಕೆ ಜಿಗಿದಿದ್ದಾಳೆ. ಈ ವೇಳೆ ನಿಯಂತ್ರಣ ತಪ್ಪಿ ಬಿದ್ದುಬಿಟ್ಟಿದ್ದಾಳೆ.
ರೈಲು ವೇಗ ಪಡೆದುಕೊಳ್ತಾ ಇದ್ರೂ ಅಲ್ಲಿಂದ ಎದ್ದು ಬರಲು ಮಹಿಳೆಗೆ ಸಾಧ್ಯವಾಗಿಲ್ಲ. ಇನ್ನೊಂದು ಕ್ಷಣ ತಡವಾಗಿದ್ದರೂ ಮಹಿಳೆ ರೈಲಿನಡಿ ಸಿಕ್ಕು ಅಪ್ಪಚ್ಚಿಯಾಗುತ್ತಿದ್ಲು. ಇದನ್ನು ಗಮನಿಸಿದ ಹೋಮ್‌ ಗಾರ್ಡ್‌ ಸಿಬ್ಬಂದಿ ತಾನು ಖುದ್ದು ರೈಲಿನಿಂದ ಇಳಿದು ಮಹಿಳೆಯನ್ನು ಪಕ್ಕಕ್ಕೆ ಎಳೆದು ಆಕೆಯ ಜೀವ ಉಳಿಸಿದ್ದಾನೆ.
ಮುಂಬೈನ ಜೋಗೇಶ್ವರಿ ರೈಲ್ವೆ ನಿಲ್ದಾಣದಲ್ಲಿ ನಡೆದಿರುವ ಘಟನೆ ಇದು. ಮಹಿಳೆಯನ್ನು ರಕ್ಷಿಸಿದ ಸಿಬ್ಬಂದಿಯನ್ನು ಅಲ್ತಾಫ್‌ ಶೇಖ್‌ ಎಂದು ಗುರುತಿಸಲಾಗಿದೆ. ಅಲ್ತಾಫ್‌ರ ಸಮಯ ಪ್ರಜ್ಞೆ, ಜಾಗರೂಕತೆ ಮತ್ತು ಕರ್ತವ್ಯ ಸಮರ್ಪಣೆಗಾಗಿ ಬಹುಮಾನ ನೀಡಲಾಗುವುದು ಎಂದು ಹಿರಿಯ ಅಧಿಕಾರಿ ಟ್ವೀಟ್‌ ಮಾಡಿದ್ದಾರೆ.
ಮಹಿಳೆ ಮಾತ್ರವಲ್ಲ ಇನ್ನೂ ಇಬ್ಬರು ಪ್ರಯಾಣಿಕರು ರೈಲು ಹೊರಟ ಮೇಲೆ, ರೈಲಿನಿಂದ ಜಿಗಿದು ಪ್ಲಾಟ್‌ಫಾರ್ಮ್‌ ಮೇಲೆ ಬಿದ್ದಿರೋದು ಕ್ಯಾಮರಾದಲ್ಲಿ ಸೆರೆಯಾಗಿದೆ. ಚಲಿಸ್ತಾ ಇರೋ ರೈಲನ್ನು ಹತ್ತುವುದು ಅಥವಾ ಇಳಿಯುವುದು ಅಪಾಯಕಾರಿ ಹಾಗಾಗಿ ಈ ರೀತಿ ಮಾಡದಂತೆ ಇಲಾಖೆ ಪ್ರಯಾಣಿಕರಲ್ಲಿ ಮನವಿ ಮಾಡಿದೆ.
Loading ...