ಹತ್ತೇ ನಿಮಿಷದಲ್ಲಿ ಸೋಲ್ಡ್‌ ಔಟ್‌ ಆಯ್ತು ಈ ಹೊಸ ಸ್ಮಾರ್ಟ್‌ ಫೋನ್…..!

ಚೀನಾದಲ್ಲಿ ಬಿಡುಗಡೆಯಾಗಿರೋ ಸ್ಮಾರ್ಟ್‌ ಫೋನ್‌ ಒಂದು ಮಾರುಕಟ್ಟೆಯಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಟಿಸಿದೆ. Motorola Edge S30 Champion Editionನ ಫೋನ್‌ ಕೊಳ್ಳಲು ಗ್ರಾಹಕರು ಮುಗಿಬಿದ್ದಿದ್ದಾರೆ. ನಿನ್ನೆಯಷ್ಟೆ ಈ ಸ್ಮಾರ್ಟ್‌ ಫೋನ್‌ ಅನ್ನು ಬಿಡುಗಡೆ ಮಾಡಲಾಯ್ತು.

ಮಾರಾಟ ಆರಂಭಿಸಿ ಹತ್ತೇ ನಿಮಿಷಗಳಲ್ಲಿ 10,000 ಫೋನ್‌ ಗಳು ಸೇಲ್‌ ಆಗಿರೋದು ವಿಶೇಷ. ಈಗಾಗ್ಲೇ ಈ ಮೊಬೈಲ್‌ ಔಟ್‌ ಆಫ್‌ ಸ್ಟಾಕ್‌ ಆಗಿಬಿಟ್ಟಿದೆಯಂತೆ.‌ ಜನರು ಇಷ್ಟಪಟ್ಟು ಕೊಂಡುಕೊಳ್ಳುವಂಥದ್ದೇನಿದೆ ಈ ಮೊಬೈಲ್‌ ನಲ್ಲಿ ಅನ್ನೋ ಕುತೂಹಲ ಸಹಜ. ಮೊಟೊರೊಲಾ ಎಡ್ಜ್ S30 ಚಾಂಪಿಯನ್ ಆವೃತ್ತಿಯು ಡಿಸೆಂಬರ್ 21ರಂದು ಬಿಡುಗಡೆಯಾಗಿದ್ದ ಸ್ಟ್ಯಾಂಡರ್ಡ್ ಎಡ್ಜ್ 30ರ ಸೂಪ್-ಅಪ್ ಆವೃತ್ತಿಯಾಗಿದೆ.

ಇದು 12GB LPDDR5 RAM ಮತ್ತು 512GB UFS 3.1 ಸ್ಟೋರೇಜ್‌ ಹೊಂದಿದೆ. ವಿಸ್ತರಿತ ಮೆಮೊರಿ ಕಾನ್ಫಿಗರೇಶನ್ ಇರೋದು ವಿಶೇಷ. ಇದು ವೆನಿಲ್ಲಾ ಮಾದರಿಯನ್ನು ಹೋಲುತ್ತದೆ. ಫೋನ್‌ನ ಬೆಲೆ 2,499 ಯುವಾನ್ ಅಂದ್ರೆ ಸರಿಸುಮಾರು 30,000 ರೂಪಾಯಿ. 6.8-ಇಂಚಿನ LCD ಪರದೆಯನ್ನು ಈ ಫೋನ್‌ ಹೊಂದಿದೆ.

108MP ಪ್ರೈಮರಿ ಕ್ಯಾಮರಾ, 13MP ಅಲ್ಟ್ರಾವೈಡ್ ಮತ್ತು 2MP ಡೆಪ್ತ್ ಯೂನಿಟ್‌ಗಳನ್ನು ಒಳಗೊಂಡಿರುವ ಈ ಮೊಬೈಲ್‌ ನ ಹಿಂಭಾಗದಲ್ಲಿ ಟ್ರಿಪಲ್ ಕ್ಯಾಮೆರಾ ಮಾಡ್ಯೂಲ್ ಇದೆ. ಇದು 33W ಸ್ಪೀಡ್‌ ಚಾರ್ಜಿಂಗ್ ಗೆ ಸೂಕ್ತವಾದ 5,000mAh ಬ್ಯಾಟರಿಯನ್ನು ಹೊಂದಿದೆ.