ನಟಿ, ಯುಟ್ಯೂಬರ್ ಹಾಗೂ ಗಾಯತ್ರಿ ಎಂದೇ ಚಿರಪರಿಚಿತರಾದ ನಟಿ ಡಾಲಿ ಡಿ ಕ್ರೂಜ್ ಕಾರು ಅಪಘಾತದಲ್ಲಿ ನಿಧನರಾಗಿದ್ದಾರೆ. ಹೋಳಿ ಪಾರ್ಟಿಯಿಂದ ಹಿಂತಿರುಗುತ್ತಿದ್ದ ವೇಳೆಯಲ್ಲಿ ಉಂಟಾದ ರಸ್ತೆ ಅಪಘಾತದಲ್ಲಿ 26 ವರ್ಷದ ನಟಿ ನಿಧನರಾಗಿದ್ದಾರೆ.
ಹೈದರಾಬಾದ್ನ ಗಚಿಬೌಲಿಯಲ್ಲಿ ಕಾರು ನಿಯಂತ್ರಣ ತಪ್ಪಿ ಡಿವೈಡರ್ಗೆ ಡಿಕ್ಕಿ ಹೊಡೆದ ಪರಿಣಾಮ ಡಾಲಿ ಡಿ ಕ್ರೂಜ್ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ ಎನ್ನಲಾಗಿದೆ. ಕಾರಿನಲ್ಲಿದ್ದ ಡಾಲಿ ಡಿ ಕ್ರೂಜ್ ಸ್ನೇಹಿತೆ ಪ್ರಾಣಾಪಾಯಾದಿಂದ ಪಾರಾಗಿದ್ದು ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಗಾಯತ್ರಿ ಮೃತಪಟ್ಟ ಸುದ್ದಿಯನ್ನು ಸಹ ನಟಿ ಸುರೇಖಾ ವಾಣಿ ಬಹಿರಂಗಪಡಿಸಿದರು. ಸೋಶಿಯಲ್ ಮೀಡಿಯಾದಲ್ಲಿ ಭಾವುಕ ನೋಟ್ ಶೇರ್ ಮಾಡುವ ಮೂಲಕ ಗಾಯತ್ರಿ ಸಾವಿಗೆ ಕಂಬನಿ ಮಿಡಿದಿದ್ದಾರೆ. ಕೂಡಲೇ ಅಭಿಮಾನಿಗಳು ಕೂಡ ಕಮೆಂಟ್ ವಿಭಾಗದಲ್ಲಿ ಶ್ರದ್ಧಾಂಜಲಿ ಸಲ್ಲಿಸುತ್ತಿದ್ದಾರೆ.
ಗಾಯತ್ರಿ ಎಂದೇ ಅಭಿಮಾನಿಗಳಿಗೆ ಚಿರಪರಿಚಿತರಾದ ಡಾಲಿ ಡಿ ಕ್ರೂಜ್ ಪ್ರಸಿದ್ಧ ನಟಿ ಹಾಗೂ ಯುಟ್ಯೂಬರ್ ಆಗಿದ್ದರು. ಜಲ್ಸಾ ರಾಯ್ಡು ಎಂಬ ಯುಟ್ಯೂಬ್ ಚಾನೆಲ್ ನ್ನು ಇವರು ನಡೆಸುತ್ತಿದ್ದರು.
Loading ...