​​ರಾಹುಲ್​ ಗಾಂಧಿ ಟ್ವಿಟರ್​ ಫಾಲೋವರ್ಸ್​ ಸಂಖ್ಯೆ ಗಣನೀಯ ಪ್ರಮಾಣದಲ್ಲಿ ಏರಿಕೆ

ದೆಹಲಿ ಅತ್ಯಾಚಾರದ ಕುರಿತಾದ ಟ್ವೀಟ್​ ವಿವಾದಕ್ಕೊಳಗಾದ ಬಳಿಕ ರಾಹುಲ್​ ಗಾಂಧಿ ಬರೋಬ್ಬರಿ ಐದು ತಿಂಗಳುಗಳ ಕಾಲ ಟ್ವಿಟರ್​ನಲ್ಲಿ ಫಾಲೋವರ್ಸ್​ನ್ನು ಕಳೆದುಕೊಂಡಿದ್ದಾರೆ. ಆದರೆ ಇದೀಗ ರಾಹುಲ್ ಗಾಂಧಿಗೆ ವಾರಕ್ಕೆ ಸುಮಾರು 80 ಸಾವಿರ ದರದಲ್ಲಿ ಫಾಲೋವರ್ಸ್ ಸಂಖ್ಯೆ ಹೆಚ್ಚುತ್ತಿದೆ.

ತಮ್ಮ ಫಾಲೋವರ್ಸ್ ಸಂಖ್ಯೆ ಇಳಿಕೆಯಾದ ಬಗ್ಗೆ ಆಕ್ರೋಶ ಹೊರಹಾಕಿದ್ದ ರಾಹುಲ್​ ಗಾಂಧಿ ಇದು ಮೋದಿ ಸರ್ಕಾರದ ರಾಜಕೀಯ ಒತ್ತಡದ ಪರಿಣಾಮವಾಗಿದೆ ಎಂದು ಡಿಸೆಂಬರ್​ 27ರಂದು ಆರೋಪಿಸಿದ್ದರು. ಜನವರಿ 12ರಿಂದ ಆರು ವಾರಗಳಲ್ಲಿ ರಾಹುಲ್​ ಸತತವಾಗಿ ವಾರದಲ್ಲಿ 80 ಸಾವಿರ ಫಾಲೋವರ್ಸ್​ನ್ನು ಸಂಪಾದಿಸುತ್ತಿದ್ದಾರೆ. ಈ ಮೂಲಕ ರಾಹುಲ್​ ಗಾಂಧಿ ಪಾಲೋವರ್ಸ್​ ಸಂಖ್ಯೆ 20 ಮಿಲಿಯನ್​ ಆಗಿದೆ.

ಕಳೆದ ವರ್ಷ ಆಗಸ್ಟ್​ ತಿಂಗಳಲ್ಲಿ ರಾಹುಲ್​ ಗಾಂಧಿ ದೆಹಲಿಯಲ್ಲಿ ಅತ್ಯಾಚಾರಕ್ಕೊಳಗಾಗಿದ್ದ ಸಂತ್ರಸ್ತೆಯ ಕುಟುಂಬದ ಫೋಟೋವನ್ನು ಪೋಸ್ಟ್ ಮಾಡಿದ ಬಳಿಕ ಅವರ ಖಾತೆಯು ವಿವಾದಕ್ಕೆ ಒಳಗಾಯಿತು. ಬಿಜೆಪಿ ಸದಸ್ಯರ ದೂರಿನ ಬಳಿಕ ಟ್ವಿಟರ್​ ಸುಮಾರು 8 ದಿನಗಳ ಕಾಲ ರಾಹುಲ್ ಖಾತೆಯನ್ನು ಲಾಕ್​ ಮಾಡಿತ್ತು. ತಮ್ಮ ಹೊಸ ಖಾತೆಯಲ್ಲಿ ಫಾಲೋವರ್​​ ಪಡೆಯುವುದನ್ನು ನಿಲ್ಲಿಸಲಾಗಿದೆ ಎಂದು ರಾಹುಲ್​ ಟ್ವಿಟರ್​ ಸಿಇಓ ಪರಾಗ್​ ಅಗರ್​ವಾಲ್​ಗೆ ದೂರು ನೀಡಿದ್ದರು.