ಪ್ರಪಂಚದಾದ್ಯಂತ ಅತೀ ಹೆಚ್ಚು ಬಳಕೆ ಮಾಡುವ ಚ್ಯಾಟಿಂಗ್ ಅಪ್ಲಿಕೇಶನ್ಗಳಲ್ಲಿ ವಾಟ್ಸಾಪ್ ಕೂಡ ಒಂದಾಗಿದೆ. ಮೆಟಾ ಒಡೆತನದ ವಾಟ್ಸಾಪ್ನ್ನು ಪ್ರತಿದಿನ ಕೋಟ್ಯಂತರ ಬಳಕೆದಾರರು ಬಳಕೆ ಮಾಡುತ್ತಾರೆ. ವಾಟ್ಸಾಪ್ ತನ್ನ ಬಳಕೆದಾರರನ್ನು ಸುರಕ್ಷಿತವಾಗಿರಿಸಲು ಕೆಲವೊಂದು ಖಾತೆಗಳನ್ನು ನಿಯಮಿತವಾಗಿ ನಿಷೇಧಿಸುತ್ತದೆ. ಕಾರಣವನ್ನೇ ನೀಡದೇ ವಾಟ್ಸಾಪ್ ನಿಮ್ಮ ಖಾತೆಯನ್ನೂ ಕೂಡ ನಿರ್ಬಂಧಿಸಬಹುದು.
ಹೌದು..! ನಿಮ್ಮ ವಾಟ್ಸಾಪ್ ಖಾತೆಯು ಸೇವಾ ನಿಯಮಗಳನ್ನು ಉಲ್ಲಂಘಿಸುತ್ತಿದೆ ಎಂಬುದು ಗಮನಕ್ಕೆ ಬಂದ ತಕ್ಷಣವೇ ನಿಮ್ಮ ಖಾತೆಯನ್ನು ನಿಷೇಧಿಸಲಾಗುತ್ತದೆ. ನೀವು ಕೂಡ ವಾಟ್ಸಾಪ್ ಬಳಕೆದಾರರಾಗಿದ್ದರೆ ನಿಮ್ಮನ್ನು ಖಾತೆಯನ್ನು ಬ್ಯಾನ್ ಮಾಡಲು ಕಾರಣವಾಗುವ ವಿಷಯಗಳು ಇಲ್ಲಿವೆ ನೋಡಿ:
ವೈರಸ್ ಅಥವಾ ಮಾಲ್ವೇರ್ಗಳನ್ನು ಕಳುಹಿಸಲು ವಾಟ್ಸಾಪ್ ಬಳಕೆ :
ವೈರಸ್ ಅಥವಾ ಮಾಲ್ವೇರ್ಗಳನ್ನು ಹೊಂದಿರುವ ಫೈಲ್ಗಳನ್ನು ವಾಟ್ಸಾಪ್ ಮೂಲಕ ಶೇರ್ ಮಾಡುವಂತಿಲ್ಲ. ಇಂತಹ ಫೈಲ್ಗಳು ಇತರೆ ಬಳಕೆದಾರರಿಗೂ ಹಾನಿ ಉಂಟು ಮಾಡುತ್ತದೆ. ಇಂತಹ ಸಂದರ್ಭದಲ್ಲಿ ವಾಟ್ಸಾಪ್ ನಿಮ್ಮ ಖಾತೆಯನ್ನು ಬ್ಯಾನ್ ಮಾಡುತ್ತದೆ.
ಅಪರಿಚಿತ ಖಾತೆಗಳಿಗೆ ಮೆಸೇಜ್ ಮಾಡುವುದು :
ಬಳಕೆದಾರರ ಅನುಮತಿಯಿಲ್ಲದೇ ಅವರ ಮೊಬೈಲ್ ಸಂಖ್ಯೆಯನ್ನು ನೀವು ಕಂಡ ಕಂಡಲ್ಲಿ ಶೇರ್ ಮಾಡುವಂತಿಲ್ಲ. ಅಥವಾ ಇಲ್ಲಸಲ್ಲದ ಗ್ರೂಪ್ಗಳಿಗೆ ಬಳಕೆದಾರರ ಅನುಮತಿಯಿಲ್ಲದೇ ಆ್ಯಡ್ ಮಾಡುವುದೂ ಕೂಡ ನಿಮ್ಮ ಖಾತೆಗೆ ಸಂಕಷ್ಟ ನೀಡಬಲ್ಲದು.
ಫೇಕ್ ಖಾತೆಗಳನ್ನು ರಚಿಸುವುದು :
ವಾಟ್ಸಾಪ್ನಲ್ಲಿ ನಕಲಿ ಖಾತೆಗಳನ್ನು ತೆರೆಯುವಂತಿಲ್ಲ. ವಾಟ್ಸಾಪ್ ಬ್ಯುಸಿನೆಸ್ನಲ್ಲಿ ಬಳಕೆದಾರರನ್ನು ವಂಚಿಸಲು ವಂಚಕರು ಸಾಮಾನ್ಯವಾಗಿ ನಕಲಿ ಖಾತೆಗಳನ್ನು ರಚಿಸುತ್ತಾರೆ.
ಬ್ರಾಡ್ಕಾಸ್ಟ್ ಆಯ್ಕೆಗಳ ಅತಿಯಾದ ಬಳಕೆ :
ವಾಟ್ಸಾಪ್ನಲ್ಲಿ ಪದೇ ಪದೇ ಬ್ರಾಡ್ಕಾಸ್ಟ್ ಮೆಸೇಜ್ಗಳನ್ನು ಬಳಕೆ ಮಾಡುವುದರಿಂದ ಜನರು ನಿಮ್ಮ ಮೊಬೈಲ್ ಸಂಖ್ಯೆಯನ್ನು ರಿಪೋರ್ಟ್ ಮಾಡಬಹುದು. ಹಲವಾರು ಬಾರಿ ನಿಮ್ಮ ಮೊಬೈಲ್ ಸಂಖ್ಯೆ ರಿಪೋರ್ಟ್ ಆದಲ್ಲಿ ನಿಮ್ಮ ಖಾತೆ ಬ್ಯಾನ್ ಆಗಲಿದೆ.
Loading ...