ಕೊರೊನಾ ಲಸಿಕೆ ಸ್ವೀಕರಿಸಿದ 6 ತಿಂಗಳುಗಳ ಬಳಿಕ ದೇಹದಲ್ಲಾಗಲಿದೆ ಈ ಪ್ರಮುಖ ಬದಲಾವಣೆ..!

ರೋಗನಿರೋಧಕ ಕೋಶಗಳಿಂದ ಉತ್ಪತ್ತಿಯಾದ ಆ್ಯಂಟಿಬಾಡಿಗಳು ಕೋವಿಡ್ ಲಸಿಕೆಗಳನ್ನು ಸ್ವೀಕರಿಸಿದ ಕನಿಷ್ಟ ಆರು ತಿಂಗಳ ಬಳಿಕ ಹೆಚ್ಚು ಗುಣಮಟ್ಟವನ್ನು ಹೊಂದಿರುತ್ತದೆ ಎಂದು ಅಧ್ಯಯನವು ಹೇಳಿದೆ.

ಅಮೆರಿಕದ ವಾಷಿಂಗ್ಟನ್​​​​ ಯೂನಿವರ್ಸಿಟಿ ಸ್ಕೂಲ್​ ಆಫ್​ ಮೆಡಿಸಿನ್​​ನ ಸಂಶೋಧಕರು ಫೈಜರ್​​ ಲಸಿಕೆಗಳನ್ನು ಸ್ವೀಕರಿಸಿದವರ ಮೇಲೆ ಈ ಅಧ್ಯಯನವನ್ನು ನಡೆಸಿದ್ದಾರೆ. ಈ ಅಧ್ಯಯನದ ವರದಿಯನ್ನು ನೇಚರ್​ ಜರ್ನಲ್​ನಲ್ಲಿ ಪ್ರಕಟಿಸಲಾಗಿದೆ.

ಜರ್ನಲ್​ ನೇಚರ್​ನಲ್ಲಿ ಮಂಗಳವಾರ ಪ್ರಕಟಿಸಲಾದ ಅಧ್ಯಯನದಲ್ಲಿ ಲಸಿಕೆಯನ್ನು ಸ್ವೀಕರಿಸಿದ ಬಳಿಕ ತಿಂಗಳುಗಳಲ್ಲಿ ಆ್ಯಂಟಿಬಾಡಿಗಳು ಕಡಿಮೆಯಾಗುವುದು ಆ್ಯಂಟಿಬಾಡಿಗಳ ಪ್ರತಿಕ್ರಿಯೆ ಬದಲಾವಣೆಯನ್ನು ಪ್ರತಿನಿಧಿಸುತ್ತದೆ. ಆದರೆ ಈ ಕಡಿಮೆ ಗುಣಮಟ್ಟದ ಪ್ರತಿಕಾಯಗಳು ರೋಗದ ವಿರುದ್ಧ ಸ್ವಲ್ಪ ಮಟ್ಟಿಗಿನ ರಕ್ಷಣೆ ನೀಡುವುದನ್ನು ಮುಂದುವರಿಸುತ್ತದೆ ಎಂದು ಸಂಶೋಧಕರು ಹೇಳಿದ್ದಾರೆ.

ಕೊರೊನಾ ಲಸಿಕೆಯ ಎರಡು ಡೋಸ್​ಗಳನ್ನು ಪಡೆದ ಜನರು ಹೆಚ್ಚಿನ ಆ್ಯಂಟಿಬಾಡಿಗಳನ್ನು ಹೊಂದಿರುತ್ತಾರೆ ಎಂದು ವಾಷಿಂಗ್ಟನ್​ ವಿಶ್ವವಿದ್ಯಾಲಯದ ಸಹಾಯಕ ಪ್ರಾಧ್ಯಾಪಕರಾದ ಹಿರಿಯ ಲೇಖಕ ಅಲಿ ಎಲ್ಲೆಬೆಡಿ ಹೇಳಿದ್ದಾರೆ. ಎರಡನೇ ಡೋಸ್​ ಲಸಿಕೆಯನ್ನು ಸ್ವೀಕರಿಸಿದ ಕೆಲವು ತಿಂಗಳುಗಳ ಬಳಿಕ ಜನರಲ್ಲಿ ಆ್ಯಂಟಿಬಾಡಿಗಳ ಗುಣಮಟ್ಟವು ಸಕ್ರಿಯವಾಗಿ ಸುಧಾರಿಸಿದೆ ಎಂದು ಎಲ್ಲೆಬೇಡಿ ಹೇಳಿದ್ದಾರೆ.