ಹೆಚ್ಚಿನ ಒಮಿಕ್ರಾನ್ ರೋಗಲಕ್ಷಣಗಳು ಸಾಮಾನ್ಯ ಶೀತದಂತೆಯೇ ಇರುತ್ತವೆ. ಗಂಟಲು ನೋವು, ಮೂಗು ಸೋರುವುದು, ತಲೆ ನೋವು ಈ ಸೋಂಕಿನ ಸಾಮಾನ್ಯ ಲಕ್ಷಣಗಳು. ಇವುಗಳು ಇತರ ಕೊರೋನಾ ವೈರಸ್ ರೂಪಾಂತರಗಳೊಂದಿಗೆ ಸಂಬಧಿಸಿದ ವಿಶಿಷ್ಟ ಲಕ್ಷಣಗಳು ಹೌದು.
ಇವುಗಳ ಹೊರತಾಗಿ, ಒಮಿಕ್ರಾನ್ ರೂಪಾಂತರವು ಜಠರಗರುಳಿನ (gastrointestinal ) ಸಮಸ್ಯೆಗಳಿಗೆ ಕಾರಣವಾಗುತ್ತದೆ ಎಂದು ತಿಳಿದು ಬಂದಿದೆ.
ZOE COVID ಸ್ಟಡಿ ಅಪ್ಲಿಕೇಶನ್‌ನಲ್ಲಿ ಲಕ್ಷಾಂತರ ಜನರಿಂದ ಸಂಗ್ರಹಿಸಿದ ಮಾಹಿತಿಯ ಪ್ರಕಾರ, ಐವರು ಒಮಿಕ್ರಾನ್ ಸೋಂಕಿತ ಜನರಲ್ಲಿ ಒಬ್ಬರು ಜೀರ್ಣಾಂಗ ವ್ಯವಸ್ಥೆಗಳಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಅನುಭವಿಸಿದ್ದಾರೆ ಎಂದು ತಿಳಿದುಬಂದಿದೆ. ಇನ್ನು ಅತಿಸಾರ, ಹೊಟ್ಟೆ ನೋವು, ಅನಾರೋಗ್ಯದ ಭಾವನೆ, ವಾಕರಿಕೆ, ಹಸಿವಿನ ನಷ್ಟ, ಊಟ ಬಿಡುವುದು ಒಮಿಕ್ರಾನ್ ರೂಪಾಂತರದ ಕೆಲವು ಅಸಾಮಾನ್ಯ ರೋಗಲಕ್ಷಣಗಳೆಂದು ತಜ್ಞರು ತಿಳಿಸಿದ್ದಾರೆ.
ಪಿಎಫ್‌ ಗ್ರಾಹಕರಿಗೆ ಸಿಗುತ್ತಾ ಗುಡ್ ನ್ಯೂಸ್…?
ಡಿಸೆಂಬರ್ 2021 ರಿಂದ ಜನವರಿ 2022 ರ ನಡುವೆ ಕೊರೋನ ವೈರಸ್ ಸೋಂಕಿಗೆ ಒಳಗಾದ ಜನರಲ್ಲಿ ಜಠರಗರುಳಿನ ಸಮಸ್ಯೆ ಗಣನೀಯ ಏರಿಕೆ ಕಂಡುಬಂದಿದೆ ಎಂದು ಅಧ್ಯಯನದಲ್ಲಿ ತಿಳಿದು ಬಂದಿದೆ. ಇದು ಒಮಿಕ್ರಾನ್ ರೂಪಾಂತರದ ನೇತೃತ್ವದ ಸೋಂಕು ಉತ್ತುಂಗದಲ್ಲಿದ್ದ ಸಮಯವಾಗಿತ್ತು. ಆಲ್ಫಾ ಮತ್ತು ಡೆಲ್ಟಾ ಅಲೆಗಳ ಸಮಯದಲ್ಲೂ ಹೊಟ್ಟೆಗೆ ಸಂಬಂಧಿಸಿದ ಸಮಸ್ಯೆಗಳು ವರದಿಯಾಗಿವೆ, ಆದರೆ ಅದು ಸಾಮಾನ್ಯವಾಗಿರಲಿಲ್ಲ. ಒಮಿಕ್ರಾನ್‌ನ ಸೌಮ್ಯವೆಂದು ಪರಿಗಣಿಸಿರುವಾಗಲೆ ಈ ಸಮಸ್ಯೆಯ ಬಗ್ಗೆ ತಿಳಿದುಬಂದಿದೆ. ಅಷ್ಟೇ ಅಲ್ಲಾ ಈ ಜಠರಗರುಳಿನ ರೋಗಲಕ್ಷಣಗಳನ್ನು ಒಮಿಕ್ರಾನ್ ರೂಪಾಂತರದ ಪ್ರಾಥಮಿಕ ಚಿಹ್ನೆ ಎಂದು ಪರಿಗಣಿಸಲಾಗುತ್ತಿದೆ.
ಒಮಿಕ್ರಾನ್ ಪ್ರಾಥಮಿಕವಾಗಿ ಹೊಟ್ಟೆಯ ಸಮಸ್ಯೆಗಳಿಗೆ ಏಕೆ ಕಾರಣವಾಗುತ್ತದೆ ಎಂಬುದನ್ನು ಕಂಡುಹಿಡಿಯಲು ಸಂಶೋಧಕರು ಇನ್ನೂ ಪ್ರಯತ್ನಿಸುತ್ತಿದ್ದಾರೆ. ಆದರೆ ಆ್ಯಪ್ ಸಂಗ್ರಹಿಸಿದ ದತ್ತಾಂಶದ ಆಧಾರದ ಮೇಲೆ, ಕೆಲವು ತಜ್ಞರು ಇದು ಬೇರೆ ಯಾವುದೋ ವೈರಸ್‌ನಿಂದ ಉಂಟಾದ ಹೊಟ್ಟೆಯ ಮೊಗ್ಗುಗಳು ಅಥವಾ ಸ್ಟೊಮಕ್ ಬಡ್ಸ್ ನಿಂದ ಈ ನೋವು ಉಂಟಾಗಬಹುದು ಎಂದು ಹೇಳುತ್ತಾರೆ. ವೈದ್ಯಕೀಯ ವಿಜ್ಞಾನ ಕ್ಷೇತ್ರದಲ್ಲಿ ತಜ್ಞರು ಈ ವಿಷಯದ ಬಗ್ಗೆ ವಿಭಿನ್ನ ಅಭಿಪ್ರಾಯಗಳನ್ನು ಹೊಂದಿದ್ದಾರೆ ಮತ್ತು ಯಾವುದೇ ತೀರ್ಮಾನಕ್ಕೆ ಬರುವ ಮೊದಲು ಈ ಪ್ರದೇಶದಲ್ಲಿ ಹೆಚ್ಚಿನ ಸಂಶೋಧನೆ ಅಗತ್ಯವಿದೆ. ಸ್ಥಿತಿಯನ್ನು ನೋಡುವಾಗ ಸುರಕ್ಷಿತವಾಗಿ ಮತ್ತು ಆರೋಗ್ಯಕರವಾಗಿರಲು ನಿಮ್ಮ ಆಹಾರ ಪದ್ಧತಿಯ ಬಗ್ಗೆ ಗಮನಹರಿಸಿ ಉತ್ತಮ ಆಹಾರ ಸೇವಿಸಿ ಎಂದು ಸಲಹೆ ನೀಡುತ್ತಾರೆ.
ಇಲ್ಲಿಯವರೆಗೆ ಒಮಿಕ್ರಾನ್ ರೂಪಾಂತರವು ತೀವ್ರವಾದ ರೋಗಲಕ್ಷಣಗಳನ್ನು ಉಂಟುಮಾಡಿರುವ ಯಾವುದೇ ವರದಿಯಿಲ್ಲ. ವರದಿಯಾದ ಹೆಚ್ಚಿನ ಪ್ರಕರಣಗಳು ಸೌಮ್ಯವಾಗಿದ್ದು, 10 ದಿನಗಳಲ್ಲೆ ಸ್ಥಿತಿಯು ಉತ್ತಮಗೊಳ್ಳುತ್ತದೆ. ಆದರೂ ಒಮಿಕ್ರಾನ್ ಕರೋನ ವೈರಸ್ನ ರೂಪಾಂತರಿತ ರೂಪಾಂತರವಾಗಿದೆ ಮತ್ತು ತೀವ್ರವಾದ ರೋಗಲಕ್ಷಣಗಳನ್ನು ಉಂಟುಮಾಡುವಷ್ಟು ಪ್ರಬಲವಾಗಿದೆ ಎಂಬುದನ್ನು ನಾವು ಮರೆಯಬಾರದು. ಆದ್ದರಿಂದ, ಸುರಕ್ಷಿತವಾಗಿರಲು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವುದು ಉತ್ತಮ ಎಂದು ತಜ್ಞರು ಎಚ್ಚರಿಕೆ ನೀಡಿದ್ದಾರೆ.
Loading ...