ಬೆಂಗಳೂರು: ರಾಜ್ಯದಲ್ಲಿ ತಾರಕಕ್ಕೇರುತ್ತಿರುವ ಹಿಜಾಬ್ ವಿವಾದ ಕೂಡಲೇ ನಿಲ್ಲಬೇಕು. ವಾತಾವರಣ ಕಲುಷಿತವಾಗದಂತೆ ಸಿಎಂ ಬಸವರಾಜ್ ಬೊಮ್ಮಾಯಿ ನಿರ್ವಹಿಸಬೇಕು ಎಂದು ಮಾಜಿ ಸಿಎಂ ಹೆಚ್.ಡಿ. ಕುಮಾರಸ್ವಾಮಿ ಸಲಹೆ ನೀಡಿದ್ದಾರೆ.
ಬೆಂಗಳೂರಿನಲ್ಲಿ ಮಾತನಾಡಿದ ಕುಮಾರಸ್ವಾಮಿ, ಕಳೆದ 15 ದಿನಗಳಿಂದ ಹಿಜಾಬ್ ವಿಚಾರ ಕೇಳಿಬರುತ್ತಿದೆ. ಬಿಜೆಪಿ ನಾಯಕರಿಗಾಗಲಿ, ಕಾಂಗ್ರೆಸ್ ನಾಯಕರಿಗಾಗಲಿ ಸಾಮರಸ್ಯ ಕಾಪಾಡಬೇಕು ಎಂಬ ಜವಾಬ್ದಾರಿ ಇದ್ದಂತೆ ಕಾಣುತ್ತಿಲ್ಲ. ಬದಲಾಗಿ ಪರಸ್ಪರ ವಾಕ್ಸಮರ ನಡೆಸಿ ವಾತಾವರಣ ಕದಡುವ ಯತ್ನ ನಡೆಸುತ್ತಿದ್ದಾರೆ ಎಂದು ವಾಗ್ದಾಳಿ ನಡೆಸಿದರು.
ಕಾರ್ ಖರೀದಿ ಪ್ಲಾನ್ ನಲ್ಲಿದ್ರೆ ಈ ತಿಂಗಳೇ ಖರೀದಿ ಮಾಡಿ: ಮಾರುತಿ ನೀಡ್ತಿದೆ ಬಂಪರ್ ಆಫರ್
ರಾಜ್ಯದಲ್ಲಿ ಹಿಜಾಬ್ ವಿಚಾರ, ವಿವಾದ ತಕ್ಷಣ ನಿಲ್ಲಬೇಕು. ಮಕ್ಕಳಲ್ಲಿ ಹಿಜಾಬ್, ಕೇಸರಿ ಶಾಲು ಇಂತಹ ಭಾವನೆ ಮೂಡುವಂತೆ ಮಾಡಬಾರದು. ಶಾಲೆಗಳು ಮೊದಲಿನಂತೆ ನಡೆಯಬೇಕು. ಇಂತಹ ವಿಚಾರವನ್ನು ಸಿಎಂ ಕೂಡಲೇ ನಿಭಾಯಿಸಬೇಕು ಎಂದು ತಿಳಿಸಿದ್ದಾರೆ.
Loading ...