ಟಾಂಜ಼ಾನಿಯಾದಲ್ಲೂ ಮೊಳಗಿದ ʼಕಚಾ ಬದಾಮ್ʼ

ಕೆಲವು ದಿನಗಳ ಹಿಂದೆ, ಪಶ್ಚಿಮ ಬಂಗಾಳದ ಕಡಲೆಕಾಯಿ ಮಾರಾಟಗಾರರೊಬ್ಬರು ಕಡಲೆಕಾಯಿ ಮಾರಾಟ ಮಾಡಲು ಸೂಪರ್ ಆಗಿರುವ ಕ್ಯಾಚಿ ಜಿಂಗಲ್ ಹಾಡೊಂದನ್ನು ಸಂಯೋಜಿಸಿ ಸಾಮಾಜಿಕ ಮಾಧ್ಯಮದಲ್ಲಿ ಭಯಂಕರ ವೈರಲ್ ಆಗಿದ್ದರು.

ಆನ್ಲೈನ್‌ನಲ್ಲಿ ಸಿಕ್ಕಾಪಟ್ಟೆ ವೈರಲ್ ಆದ ವಿಡಿಯೊವೊಂದರಲ್ಲಿ, ಭುವನ್ ಬಡ್ಯಾಕರ್ ಎಂಬ ಈ ವ್ಯಕ್ತಿ ತಮ್ಮಿಂದ ಕಡಲೇಕಾಯಿ ಖರೀದಿಸಲು ಗ್ರಾಹಕರನ್ನು ಆಕರ್ಷಿಸಲು ‘ಬದಾಮ್ ಬದಮ್ ಕಚಾ ಬದಮ್’ ಎಂದು ಹಾಡುತ್ತಿರುವುದು ನೆಟ್ಟಿಗರಿಗೆ ಬಲು ಇಷ್ಟವಾಗಿಬಿಟ್ಟಿದೆ.

ಈ ಹಾಡು ಈಗ ಇನ್‌ಸ್ಟಾಗ್ರಾಂ, ಫೇಸ್ಬುಕ್ ಮತ್ತು ಇತರ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಶೇರ್‌ ಆಗಿದೆ. ಈ ಬೆಂಗಾಲಿ ಹಾಡು ಅದೆಷ್ಟು ವೈರಲ್ ಆಗಿದೆ ಎಂದರೆ ಬೇರೆ ದೇಶಗಳ ಜನರು ಸಹ ಈಗ ಅದೇ ಹಾಡಿಗೆ ಡ್ಯಾನ್ಸ್ ವಿಡಿಯೊಗಳನ್ನು ಸೃಷ್ಟಿಸಿಕೊಂಡು ಹಂಚಿಕೊಳ್ಳುತ್ತಿದ್ದಾರೆ.

ಕೊರಿಯನ್ ಅಮ್ಮ-ಮಗಳ ಜೋಡಿಯ ನಂತರ, ಇದೀಗ ಟಾಂಜೇನಿಯಾದ ಕಂಟೆಂಟ್ ಕ್ರಿಯೇಟರ್ ಕಿಲಿ ಪೌಲ್ ಕೂಡ ಈ ಆಕರ್ಷಕ ಹಾಡಿಗೆ ಸ್ಟೆಪ್ ಹಾಕುತ್ತಿರುವುದು ಕಂಡುಬಂದಿದೆ.

ಸಾಮಾನ್ಯವಾಗಿ ಬಾಲಿವುಡ್‌ನ ಜನಪ್ರಿಯ ಹಾಡುಗಳಿಗೆ ಲಿಪ್ ಸಿಂಕ್ ಮಾಡಿ ನೃತ್ಯ ಮಾಡುವ ಮೂಲಕ ಕಿಲಿ ಭಾರತದಲ್ಲಿ ವೈರಲ್ ಆಗಿದ್ದಾರೆ. ಈ ವೇಳೆ ಕಿಲಿ ತಮ್ಮ ಸಾಂಪ್ರದಾಯಿಕ ಮಸಾಯಿ ಉಡುಪುಗಳನ್ನು ಧರಿಸಿ ಈ ವೈರಲ್ ಬೆಂಗಾಲಿ ಹಾಡಿಗೆ ನೃತ್ಯ ಮಾಡುವ ಮೂಲಕ ಪ್ರೇಕ್ಷಕರನ್ನು ರಂಜಿಸಿದ್ದಾರೆ.

“ಕಚಾ ಬಾದಮ್, ನನ್ನ ಕ್ಯಾಮರಾ ಮ್ಯಾನ್ ಇಂದು ಭಯಾನಕವಾಗಿದ್ದ, ಹೇಗಾದರೂ ನೀವು ಅದನ್ನು ಇಷ್ಟಪಡುತ್ತೀರಿ ಎಂದು ಭಾವಿಸುತ್ತೇವೆ,” ಎಂದು ಕಿಲಿ ತಮ್ಮ ವಿಡಿಯೊಗೆ ಶೀರ್ಷಿಕೆ ನೀಡಿದ್ದಾರೆ.

https://youtu.be/L5_K5Hj6-dc