ಫೆಬ್ರವರಿಯಲ್ಲಿ ಈ ದಿನಗಳಂದು ಬ್ಯಾಂಕಿಗೆ ಇರಲಿದೆ ರಜೆ

ಫೆಬ್ರವರಿ ತಿಂಗಳಲ್ಲಿ ಇರುವ 28 ದಿನಗಳ ಪೈಕಿ ದೇಶಾದ್ಯಂತ ಕೆಲ ರಾಜ್ಯಗಳ ಬ್ಯಾಂಕುಗಳು 12 ದಿನಗಳ ಮಟ್ಟಿಗೆ ಕೆಲಸ ಮಾಡುತ್ತಿಲ್ಲ. ಮುಂದಿನ ತಿಂಗಳು ಯಾವೆಲ್ಲಾ ದಿನಗಳಲ್ಲಿ ಬ್ಯಾಂಕುಗಳು ಮುಚ್ಚಿರುತ್ತವೆ ಎಂದು ತಿಳಿದುಕೊಳ್ಳುವುದು ಉತ್ತಮ.

ರಿಸರ್ವ್ ಬ್ಯಾಂಕ್ ಪಟ್ಟಿಯಂತೆ, ಮುಂದಿನ ತಿಂಗಳು ಒಟ್ಟಾರೆ 12 ದಿನಗಳ ಮಟ್ಟಿಗೆ ಬ್ಯಾಂಕುಗಳು ಮುಚ್ಚಿರುತ್ತವೆ. ಆದರೆ ಎಲ್ಲಾ ರಾಜ್ಯಗಳಲ್ಲೂ ಇಷ್ಟು ರಜಾದಿನಗಳು ಇರುವುದಿಲ್ಲ.

ಅಸ್ಸಾಂ: ಮಾಘ ಬಿಹುವಿನ ಸುಗ್ಗಿ ಸಿರಿಗೆ ಮರುಜೀವ ತುಂಬಲು ಮುಂದಾದ ಬಾಡಿಬಿಲ್ಡರ್‌

ಬ್ಯಾಂಕ್ ರಜೆಗಳ ಪಟ್ಟಿ ಇಂತಿದೆ:

ಫೆಬ್ರವರಿ 2: ಸೋನಮ್ ಲೋಚ್ಚರ್‌ (ಸಿಕ್ಕೀಂ)‌

ಫೆಬ್ರವರಿ 5: ಸರಸ್ವತಿ ಪೂಜೆ/ಶ್ರೀ ಪಂಚಮಿ/ ವಸಂತ ಪಂಚಮಿ (ಅಗರ್ತಲಾ, ಭುವನೇಶ್ವರ, ಕೋಲ್ಕತ್ತಾ)

ಫೆಬ್ರವರಿ 15: ಮೊಹಮ್ಮದ್ ಹಜ್ರತ್‌ ಅಲಿ ಹುಟ್ಟಿದ ಹಬ್ಬ/ಲೂಯಿ-ನಾಗಾಯ್‌-ನೀ (ಇಂಫಾಲ, ಮಣಿಪುರ, ಲಖನೌ)

ಫೆಬ್ರವರಿ 16: ಗುರು ರವಿದಾಸ್ ಜಯಂತಿ (ಚಂಡೀಗಡ)

ಫೆಬ್ರವರಿ 18: ಡೊಲ್ಜಾತ್ರಾ (ಕೋಲ್ಕತ್ತಾ)

ಫೆಬ್ರವರಿ 19: ಛತ್ರಪತಿ ಶಿವಾಜಿ ಮಹಾರಾಜ್ ಜಯಂತಿ (ಮಹಾರಾಷ್ಟ್ರ)

ಮೇಲ್ಕಂಡ ರಜೆಗಳೊಂದಿಗೆ ವಾರಾಂತ್ಯಗಳು ಮತ್ತು ಫೆಬ್ರವರಿ 12 & 26ನೇ ತಾರೀಖುಗಳಂದು ಬೀಳುವ ಎರಡನೇ ಹಾಗೂ ನಾಲ್ಕನೇ ಶನಿವಾರಗಳನ್ನೂ ಈ ಪಟ್ಟಿಗೆ ಸೇರಿಸಿಕೊಳ್ಳಬೇಕು.