ಓಮಿಕ್ರಾನ್ ರೂಪಾಂತರಿಯು ಕೊರೊನಾ ವೈರಸ್ ಸಾಂಕ್ರಾಮಿಕವನ್ನು ಇನ್ನೊಂದು ಹಂತಕ್ಕೆ ಕೊಂಡೊಯ್ದಿದೆ. ಬಹುಶಃ ಈ ರೂಪಾಂತರಿಯು ಯುರೋಪ್ನಲ್ಲಿ ಕೊನೆಗಾಣಬಹುದು ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಯುರೋಪ್ನ ನಿರ್ದೇಶಕ ಹೇಳಿದ್ದಾರೆ.
ಬಹುಶಃ ನಾವು ಕೊರೊನಾ ಸಾಂಕ್ರಾಮಿಕದ ಕೊನೆಯ ಹಂತದಲ್ಲಿ ಇದ್ದೇವೆ ಎಂದು ಸಂದರ್ಶನವೊಂದರಲ್ಲಿ ವಿಶ್ವ ಆರೋಗ್ಯ ಸಂಸ್ಥೆಯ ಯುರೋಪ್ನ ನಿರ್ದೇಶಕ ಹಾನ್ಸ್ ಕ್ಲೂಜ್ ಹೇಳಿದ್ದಾರೆ. ಮಾರ್ಚ್ ತಿಂಗಳವರೆಗೆ ಯುರೋಪ್ನಲ್ಲಿ 60 ಪ್ರತಿಶತ ಜನಸಂಖ್ಯೆ ಓಮಿಕ್ರಾನ್ ಸೋಂಕಿಗೆ ಒಳಗಾಗಲಿದೆ ಎಂದು ಅವರು ಅಂದಾಜಿಸಿದ್ದಾರೆ.
ಪ್ರಸ್ತುತ ಯುರೋಪ್ನಾದ್ಯಂತ ವ್ಯಾಪಿಸಿರುವ ಓಮಿಕ್ರಾನ್ ರೂಪಾಂತರಿಯ ಉಲ್ಬಣವು ಕಡಿಮೆಯಾಗಲಿದೆ. ಕೊರೊನಾ ಲಸಿಕೆಗಳಿಂದಾಗಿ ಜನರ ರೋಗ ನಿರೋಧಕ ಶಕ್ತಿಯು ಹೆಚ್ಚಾಗಿದೆ. ಇದಕ್ಕಾಗಿ ಕೊರೊನಾ ಲಸಿಕೆಗಳಿಗೆ ಧನ್ಯವಾದ ಹೇಳಲೇಬೇಕು ಎಂದು ಹಾನ್ಸ್ ಕ್ಲೂಜ್ ಹೇಳಿದ್ದಾರೆ.
ಈ ವರ್ಷದ ಅಂತ್ಯದ ವೇಳೆಗೆ ಕೋವಿಡ್ 19 ಅಂತ್ಯವಾಗಬಹುದು ಎಂದು ನಾವು ಅಂದಾಜಿಸಿದ್ದೇವೆ ಎಂದು ಹಾನ್ಸ್ ಕ್ಲೂಜ್ ಹೇಳಿದ್ದಾರೆ.
Loading ...