ಮನೆಯಲ್ಲೇ ಆರ್ಗಾನಿಕ್ ಕೃಷಿ ಪ್ರಾರಂಭಿಸುವುದು ಹೇಗೆ…? ಇಲ್ಲಿದೆ ಉಪಯುಕ್ತ ಮಾಹಿತಿ

 

ಕೃಷಿ ಪ್ರಾರಂಭಿಸಲು ಎಕರೆಗಟ್ಟಲೆ ಜಮೀನು ಬೇಕಿಲ್ಲಾ ಎಂದು ಹಲವು ನಗರ ಕೃಷಿಕರು ಪ್ರೂವ್ ಮಾಡಿದ್ದಾರೆ. ನೀವು ಮೆಟ್ರೋಪಾಲಿಟನ್ ನಗರದಲ್ಲಿ ವಾಸಿಸುತ್ತಿದ್ದರೂ ಸಹ ನಿಮ್ಮಲ್ಲಿ ಅಡಗಿರುವ ರೈತನಿಗೆ ಶೇಪ್ ನೀಡಲು, ನಿಮ್ಮ ಕೃಷಿ ಜೀವನವನ್ನು ಸಿಂಪಲ್ ಆಗಿಸಲು ಹಲವು ಪರಿಹಾರಗಳಿವೆ.

ಹೋಮ್ ಕ್ರಾಪ್(Homecrop)

ವೆಲ್ಲೂರ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ ನಾಲ್ವರು ಪದವೀಧರರು ಸ್ಥಾಪಿಸಿದ ಹೋಮ್‌ಕ್ರಾಪ್, ಟೆರೇಸ್‌ಗಳು, ಹಿತ್ತಲು ಮತ್ತು ಬಾಲ್ಕನಿಗಳಲ್ಲಿ ಕೃಷಿ ಹೇಗೆ ಮಾಡಬಹುದು ಎಂದು ಪ್ರತಿಯೊಬ್ಬ ನಗರವಾಸಿಗು ತಿಳಿಸುವ ಗುರಿಯನ್ನು ಹೊಂದಿದೆ. ಅಂತಿಮವಾಗಿ, ನೀವು ನಿಮ್ಮದೆ ತೋಟವನ್ನು ಹೊಂದಬಹುದು ಮತ್ತು ನಿಮ್ಮ ತರಕಾರಿಗಳನ್ನು ಬೆಳೆಸಬಹುದು. ರುಚಿಕರವಾದ ಫಾರ್ಮ್‌ಗಳನ್ನು ಕಸ್ಟಮೈಸ್ ಮಾಡುವುದರ ಹೊರತಾಗಿ, ಕಂಪನಿಯು ಸೆಟಪ್ ಮತ್ತು ಮಾಡೆಲ್ ನಿರ್ವಹಣಾ ಸೇವೆಗಳನ್ನು ಸಹ ನೀಡುತ್ತದೆ.

ಐಖೇತಿ(iKheti)

ಸಲಹಾ ಸೇವೆಗಳು, ಕಾರ್ಯಾಗಾರಗಳು(Workshop) ಮತ್ತು ತೋಟಗಾರಿಕೆ ಸಂಪನ್ಮೂಲಗಳನ್ನು ಒದಗಿಸುವ ಮೂಲಕ, ಮುಂಬೈ ಮೂಲದ ಈ ಸಂಸ್ಥೆಯು ನಗರವಾಸಿಗಳನ್ನು ನಗರ ಕೃಷಿಯನ್ನು ಮುಂದುವರಿಸಲು ಪ್ರೋತ್ಸಾಹಿಸುತ್ತದೆ ಮತ್ತು ಕಲಿಸುತ್ತದೆ. DIY ಕಿಟ್‌ಗಳು ಮತ್ತು ಅಡುಗೆ ತೋಟದ ಕಾರ್ಯಾಗಾರಗಳ ಮೂಲಕ ಫಾರ್ಮ್ ಅನ್ನು ಹೊಂದಲು ಮತ್ತು ನಿರ್ವಹಿಸಲು ಯಾವುದೇ ರಾಸಾಯನಿಕ ವಿಧಾನದ ಕುರಿತು ಈ ಸ್ಟಾರ್ಟಪ್ ನಿಮಗೆ ಸಲಹೆ – ಸೂಚನೆ ನೀಡುತ್ತದೆ.

ಎಡಿಬಲ್‌ ರೂಟ್ಸ್(Edible routes)

ನೀವು ದೆಹಲಿ NCR ನಲ್ಲಿ ವಾಸಿಸುತ್ತಿದ್ದರೆ ಮತ್ತು ನಗರ ಕೃಷಿಯಲ್ಲಿ ತೊಡಗಿಸಿಕೊಳ್ಳಲು ಬಯಸಿದರೆ, ಎಡಿಬಲ್‌ ರೂಟ್ಸ್ ನಿಮ್ಮ ಗೈಡ್ ಆಗಿ ನಿಲ್ಲುತ್ತದೆ. ಟೆರೇಸ್, ಹಿತ್ತಲಿನ ಕೃಷಿಯಿಂದ ಹಿಡಿದು ಫಾರ್ಮ್‌ಲೆಟ್ ಬಾಡಿಗೆಗೆ ಎಲ್ಲದಕ್ಕೂ ಈ ಕಂಪನಿ ಸಹಾಯಕವಾಗಿದೆ.

ಇಂಡಿಯನ್ ಸೂಪರ್ ಹೀರೋಸ್(Indian Superheroes)

ಕೊಯಮತ್ತೂರಿನಲ್ಲಿರುವ ಈ ಸಮುದಾಯ-ಆಧಾರಿತ ಕಂಪನಿಯು ಕೃಷಿ ಪ್ಲಾಟ್‌ಗಳನ್ನು ಬಾಡಿಗೆಗೆ ಪಡೆಯಲು ಮತ್ತು ನಿಮ್ಮ ಬೆಳೆಗಳನ್ನು ಕೊಯ್ಲು ಮಾಡಲು ಅನುಮತಿ ನೀಡುತ್ತದೆ. ಈ ಮೂಲಕ ಮಧ್ಯವರ್ತಿಗಳ ಕಾಟವಿಲ್ಲದೆ, ನೀವು‌ ನಿಮ್ಮ ಕೈಯ್ಯಾರೆ ತಾಜಾ ತರಕಾರಿಗಳನ್ನು ಬೆಳೆಯಬಹುದು. ಇದರಿಂದ ರೈತರಿಗು ಉದ್ಯೋಗ ಸೃಷ್ಟಿಯಾದಂತಾಗುತ್ತದೆ.

ಲಾಭೋದ್ದೇಶವಿಲ್ಲದ ಸಂಸ್ಥೆಯು ಈಗ ತಮಿಳುನಾಡು ಮತ್ತು ಕರ್ನಾಟಕದಾದ್ಯಂತ 800 ಕ್ಕೂ ಹೆಚ್ಚು ರೈತರಿಗೆ ಸಹಾಯಕವಾಗಿದೆ.

ಅರ್ಬನ್ ಕಿಸಾನ್(Urban Kisan)

ನಿಮ್ಮ ಅಡಿಗೆ ತೋಟವನ್ನು ಬೆಳೆಸಲು ಹೆಚ್ಚು ಪರಿಸರ ಸ್ನೇಹಿ ವಿಧಾನವನ್ನು ಹುಡುಕುತ್ತಿರುವಿರಾ ? ಹೈದರಾಬಾದ್ ಮೂಲದ ಸ್ಟಾರ್ಟಪ್ ಅರ್ಬನ್ ಕಿಸಾನ್ ವರ್ಷಪೂರ್ತಿ ತಾಜಾ ತರಕಾರಿಗಳನ್ನು ಬೆಳೆಸಲು ಹೈಡ್ರೋಪೋನಿಕ್ಸ್ ಅನ್ನು ಬಳಸುತ್ತದೆ. ಹೈಡ್ರೋಪೋನಿಕ್ ಸಸ್ಯಗಳು ಅಭಿವೃದ್ಧಿ ಹೊಂದಲು ಮಣ್ಣಿನ ಅಗತ್ಯವಿಲ್ಲದ ಕಾರಣ, ನೀವು ಅವುಗಳನ್ನು ನಿಮ್ಮ ಮನೆಯಲ್ಲಿ ಎಲ್ಲಿ ಬೇಕಾದರೂ ಬೆಳೆಸಬಹುದು.