19 ವರ್ಷ ಪ್ರಾಯದ ಯುವಕನೊಬ್ಬ ತಾನು ಟೆಸ್ಲಾ ಕೋಡ್ಗಳಲ್ಲಿನ ದುರ್ಬಲತೆಯನ್ನು ಕಂಡು ಹಿಡಿದಿದ್ದಾಗಿ ಹೇಳಿಕೊಂಡಿದ್ದು ಈತ ಈಗಾಗಲೇ ಅನೇಕ ಟೆಸ್ಲಾ ಕಾರುಗಳ ಮೇಲೆ ನಿಯಂತ್ರಣ ಸಾಧಿಸಿದ್ದಾನೆ.
ಜರ್ಮನಿಯ ಯುವ ಹ್ಯಾಕರ್ ಹಾಗೂ ಐಟಿ ಭದ್ರತಾ ತಜ್ಞನಾಗಿರುವ ಡೇವಿಡ್ ಕೊಲಂಬೋ 13 ವಿವಿಧ ದೇಶಗಳ 2 ಡಜನ್ಗೂ ಅಧಿಕ ಟೆಸ್ಲಾ ಕಾರುಗಳ ಸಂಪೂರ್ಣ ರಿಮೋಟ್ ಕಂಟ್ರೋಲ್ ಬಗ್ಗೆ ಮಾಹಿತಿ ತಿಳಿದಿರುವುದಾಗಿ ಹೇಳಿದ್ದಾರೆ.
ಈ ರೀತಿ ಮಾಡಲು ತಾನು ಯಾವ ಸಾಫ್ಟ್ವೇರ್ ಬಳಕೆ ಮಾಡುತ್ತಿದ್ದೇನೆ ಎಂಬುದರ ಬಗ್ಗೆ ಡೇವಿಡ್ ಯಾವುದೇ ಮಾಹಿತಿಯನ್ನು ಬಹಿರಂಗಪಡಿಸಿಲ್ಲ. ಆದರೆ ಈ ದುರ್ಬಲತೆಗೆ ಟೆಸ್ಲಾವನ್ನು ದೂಷಿಸಬಾರದು ಎಂದು ಡೇವಿಡ್ ಹೇಳಿದ್ದಾರೆ.
ಇದರಲ್ಲಿ ತಪ್ಪು ವಾಹನ ಮಾಲೀಕರದ್ದಾಗಿದೆ. ಟೆಸ್ಲಾ ಸಾಫ್ಟ್ವೇರ್ ಮೂಲ ಸೌಕರ್ಯಗಳಲ್ಲಿ ಯಾವುದೇ ರೀತಿಯ ದೋಷವಿಲ್ಲ ಎಂದು ಡೇವಿಡ್ ಕೊಲಂಬೋ ಹೇಳಿದ್ದಾರೆ.
ಫುಲ್ ರಿಮೋಟ್ ಕಂಟ್ರೋಲ್ ಕಾರು ಎಂದ ಮಾತ್ರಕ್ಕೆ ಸ್ಟೇರಿಂಗ್, ಬ್ರೇಕ್ಗಳ ಮೇಲೆ ಯಾವುದೇ ನಿಯಂತ್ರಣ ಇಟ್ಟುಕೊಳ್ಳದೇ ರಿಮೋಟ್ ಕಾರನ್ನು ಓಡಿಸುತ್ತದೆ ಎಂದು ಅರ್ಥವಲ್ಲ. ವಾಹನ ಮಾಲೀಕರು ಸಹ ಕಾರನ್ನು ನಿಯಂತ್ರಣ ಮಾಡಬಹುದು ಎಂದು ಡೇವಿಡ್ ಹೇಳಿದರು.
Loading ...