ಓಮಿಕ್ರಾನ್​ ಸೋಂಕಿತರು ಬಹುತೇಕ ಲಕ್ಷಣ ರಹಿತರಾಗಿದ್ದಾರೆ: ವೈದ್ಯರಿಂದ ಮಾಹಿತಿ

ಓಮಿಕ್ರಾನ್​ ಸೋಂಕಿತರು ಹೆಚ್ಚಾಗಿ ಲಕ್ಷಣ ರಹಿತರಾಗಿದ್ದು ಸೋಂಕು ತಗುಲಿದ ನಾಲ್ಕೈದು ದಿನಗಳಲ್ಲೇ ಗುಣಮುಖರಾಗುತ್ತಿದ್ದಾರೆ ಎಂದು ಜೈಪುರದ ಎಸ್​ಎಂಎಸ್​ ವೈದ್ಯಕೀಯ ಕಾಲೇಜಿನ ಪ್ರಾಂಶುಪಾಲ ಡಾ. ಸುಧೀರ್ ಭಂಡಾರಿ ಮಾಹಿತಿ ನೀಡಿದ್ದಾರೆ.

ಈ ವಿಚಾರವಾಗಿ ಮಾಧ್ಯಮಗಳ ಜೊತೆಯಲ್ಲಿ ಮಾತನಾಡಿದ ಡಾ. ಸುಧೀರ್ ಭಂಡಾರಿ, ಡೆಲ್ಟಾ ಹಾಗೂ ಓಮಿಕ್ರಾನ್ ಅಲೆಗಳ ನಡುವೆ ತುಂಬಾನೇ ವ್ಯತ್ಯಾಸವಿದೆ. ಡೆಲ್ಟಾ ಅಲೆಯು ಅತ್ಯಂತ ಆಕ್ರಮಣಕಾರಿಯಾಗಿತ್ತು. ಆದರೆ ಓಮಿಕ್ರಾನ್​ನಲ್ಲಿ ರೋಗಿಗಳು ಹೆಚ್ಚಾಗಿ ಲಕ್ಷಣ ರಹಿತರಾಗಿದ್ದಾರೆ. ಅಲ್ಲದೇ ಸೋಂಕು ಕೇವಲ ನಾಲ್ಕೈದು ದಿನಗಳಲ್ಲಿ ವಾಸಿಯಾಗುತ್ತಿದೆ ಎಂದು ಹೇಳಿದರು.

ಆದಾಗ್ಯೂ, ಸೋಂಕನ್ನು ಲಘುವಾಗಿ ಪರಿಗಣಿಸಬೇಡಿ ಮತ್ತು COVID-ಸೂಕ್ತ ನಡವಳಿಕೆಯನ್ನು ಅನುಸರಿಸುವಂತೆ ಡಾ. ಭಂಡಾರಿ ಜನರನ್ನು ಒತ್ತಾಯಿಸಿದ್ದಾರೆ.

ಸೋಮವಾರ ರಾಜಸ್ಥಾನದಲ್ಲಿ 6,095 ಹೊಸ ಕೋವಿಡ್-19 ಪ್ರಕರಣಗಳು ವರದಿಯಾಗಿದ್ದು, ಜೈಪುರದಲ್ಲಿ ಅತಿ ಹೆಚ್ಚು 2, 749 ಪ್ರಕರಣಗಳು ದಾಖಲಾಗಿವೆ, ನಂತರದ ಸ್ಥಾನದಲ್ಲಿರುವ ಜೋಧ್‌ಪುರ 601 ಪ್ರಕರಣಗಳನ್ನು ದಾಖಲಿಸಿದೆ.