ಬಿಟಿಎಸ್ ಗ್ರೂಪ್ ಮೆಂಬರ್ ಗಳು ಕುಂತರೂ ಸುದ್ದಿಯಾಗತ್ತೆ, ನಿಂತರೂ ಸುದ್ದಿಯಾಗತ್ತೆ. ಪ್ರಪಂಚದ ಹಲವು ರೆಕಾರ್ಡ್ ಗಳು ಈ ಗ್ರೂಪ್ ಹುಡುಗರ ಬಳಿಯಿದೆ. ವರ್ಷ ಶುರುವಾಗಿ ಎರಡು ದಿನವಷ್ಟೆ ಆಗಿದೆ. ಆದರೆ BTS ಸದಸ್ಯ ಹೊಸ ದಾಖಲೆಗಳನ್ನ ಸ್ಥಾಪಿಸಿ, ಹೆಡ್ ಲೈನ್ಸ್ ಗಳನ್ನ ರಚಿಸುತ್ತಿದ್ದಾರೆ.
ಜಂಗ್‌ಕುಕ್‌ನ ವರ್ಷದ ಮೊದಲ ಇನ್‌ಸ್ಟಾಗ್ರಾಮ್ ಪೋಸ್ಟ್ ಕೇವಲ ಎರಡು ನಿಮಿಷಗಳಲ್ಲಿ ಒಂದು ಮಿಲಿಯನ್ ಲೈಕ್‌ಗಳನ್ನು ದಾಟಿದೆ. ಇದರೊಂದಿಗೆ ಜಂಗ್ಕುಕ್ ಈ ಸಾಧನೆ ಮಾಡಿದ ಮೊದಲ ವ್ಯಕ್ತಿ ಎನಿಸಿಕೊಂಡಿದ್ದಾರೆ.
ಈ ಮೂಲಕ ಬ್ರೆಜಿಲ್‌ನ ಜ್ಯೂಲೆಟ್ ಫ್ರೈರ್ ಅವರ ಗಿನ್ನಿಸ್ ದಾಖಲೆಯನ್ನ ಜಂಗ್ಕುಕ್ ಮುರಿದಿದ್ದಾರೆ. ಈ ಹಿಂದೆ ಜ್ಯೂಲೆಟ್ ಫ್ರೈರ್ ಅವರು ತಮ್ಮ ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ಒಂದು ಮಿಲಿಯನ್ ಲೈಕ್‌ಗಳನ್ನು ದಾಟಲು ಮೂರು ನಿಮಿಷಗಳನ್ನು ತೆಗೆದುಕೊಂಡಿದ್ದರು.
ಇದಷ್ಟೆ ಅಲ್ಲಾ ಜಂಗ್ಕುಕ್, ಅತ್ಯಂತ ವೇಗವಾಗಿ 7ಮಿಲಿಯನ್ ಲೈಕ್ ಪಡೆದ ಮೊದಲ ಏಷಿಯನ್ ವ್ಯಕ್ತಿಯಾಗಿದ್ದಾರೆ. 2022 ನೇ ವರ್ಷವನ್ನು ಸ್ವಾಗತಿಸಲು, BTS ಗಾಯಕ ಜಂಗ್ ಕುಕ್, 2022 ನೇ ವರ್ಷವನ್ನು ಸ್ವಾಗತಿಸುವ ಪೋಸ್ಟ್ ನಲ್ಲಿ, ರಮಣೀಯ ಸೂರ್ಯಾಸ್ತದ ಬ್ಯಾಕ್ ಗ್ರೌಂಡ್ ನಲ್ಲಿ ತಾವು ತೆಗೆದುಕೊಂಡಿರುವ ಸೆಲ್ಫಿಯನ್ನು ಹಂಚಿಕೊಂಡಿದ್ದಾರೆ.
ವರ್ಷವು ವೇಗವಾಗಿ ಕೊನೆಗೊಂಡಿದೆ, ನಾವು ಈಗ ಹೊಸ ವರ್ಷಕ್ಕೆ ಕಾಲಿಟ್ಟಿದ್ದೇವೆ. ನಿಮ್ಮೆಲ್ಲರಿಗೂ ಹೊಸ ವರ್ಷದ ಅಭಿನಂದನೆಗಳು. ನಿಮ್ಮ ಪ್ರೀತಿಯಿಂದ ಈ ವರ್ಷ ಯಾವುದೇ ಮಾನಸಿಕ ಅಥವಾ ದೈಹಿಕ ನೋವಿಲ್ಲದೆ ಈ ವರ್ಷ ಕಳೆದಿದ್ದೇನೆ, ನಿಮ್ಮೆಲ್ಲರಿಗೆ ತುಂಬು ಹೃದಯದ ಧನ್ಯವಾದಗಳು. ನೀವೆಲ್ಲರು ತುಂಬಾ ಕಷ್ಟಪಟ್ಟು ದುಡಿಯುತ್ತೀರಾ, ಯಾರು ಅನಾರೋಗ್ಯಕ್ಕೊಳಗಾಗದೆ ಜೀವನವನ್ನ ನೆಮ್ಮದಿಯಾಗಿ ಕಳೆಯಿರಿ ಎಂದು ಜಂಗ್ ಕುಕ್ ತಮ್ಮ ಇನ್ಸ್ಟಾ ಪೋಸ್ಟ್ ಮೂಲಕ ಅಭಿಮಾನಿಗಳಿಗೆ ಸಂದೇಶ ರವಾನಿಸಿದ್ದಾರೆ.
Loading ...