ತಾಂಜೇನಿಯಾದ ಹುಡುಗ ಕಿಲಿ ಪಾಲ್ ಇಂಟರ್ನೆಟ್ ಸೆನ್ಸೇಷನ್ ಆಗಿದ್ದಾರೆ ಅನ್ನೋ ಸತ್ಯವನ್ನು ಅಲ್ಲಗಳೆಯುವಂತಿಲ್ಲ. ವಿವಿಧ ಬಾಲಿವುಡ್ ಹಾಡುಗಳಿಗೆ ಲಿಪ್ ಸಿಂಕ್ ಮಾಡುವ ಮತ್ತು ನೃತ್ಯ ಮಾಡುವ ಅವರ ವೀಡಿಯೊಗಳು ಪದೇ ಪದೇ ವೈರಲ್ ಆಗುತ್ತಿವೆ. ಇತ್ತೀಚೆಗೆ ರಣಬೀರ್ ಕಪೂರ್ ಅವರ ಚನ್ನ ಮೆರೆಯಾ ಹಾಡಿಗೆ ಲಿಪ್ ಸಿಂಕ್ ಜೊತೆಗೆ ನೃತ್ಯ ಮಾಡುವ ವೀಡಿಯೊ ಆನ್‌ಲೈನ್‌ನಲ್ಲಿ ವೈರಲ್ ಆಗಿದೆ.
ವೈರಲ್ ಆಗಿರುವ ವಿಡಿಯೋದಲ್ಲಿ ಕಿಲಿ, ಮೂಲ ಹಾಡಿನಲ್ಲಿ ರಣಬೀರ್ ಕಪೂರ್ ನೀಡಿರುವಂತೆಯೆ ತೀವ್ರವಾದ ಭಾವನೆಗಳನ್ನ ವ್ಯಕ್ತಪಡಿಸಿದ್ದಾರೆ. ಹಾರ್ಟ್ ಬ್ರೇಕ್ ಆದವರಂತೆ ಎಕ್ಸ್‌ಪ್ರೆಷನ್ ನೀಡಿರುವ ಕಿಲಿ, ಹಾಡಿನ ಸಾಹಿತ್ಯಕ್ಕೆ ಭಾವಪೂರ್ಣವಾಗಿ ಲಿಪ್ ಸಿಂಕ್ ಮಾಡಿದ್ದಾರೆ.
ಸ್ವಲ್ಪ ಸಮಯದವರೆಗೆ ಲಿಪ್ ಸಿಂಕ್ ಮಾಡಿ ನಂತರ, ಅವರು ರಣಬೀರ್ ಮೂಲ ವೀಡಿಯೊದಲ್ಲಿ ಮಾಡಿದಂತೆಯೇ ಎದ್ದುನಿಂತು ನೃತ್ಯ ಮಾಡಿದ್ದಾರೆ. ರಣಬೀರ್ ಅವ್ರ ಮಿಮಿಕ್ ಮಾಡಿರುವ ಕಿಲಿ ಅಭಿನಯ ಆನ್ ಪಾಯಿಂಟ್ ಅಂದರೆ ತಪ್ಪಾಗಲಿಕ್ಕಿಲ್ಲ. 9 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿರುವ ಈ ವಿಡಿಯೋಗೆ ಸಾವಿರಾರು ಲೈಕ್ಸ್ ದೊರೆತಿದೆ.
ನೆಟ್ಟಿಗರು ಕಾಮೆಂಟ್‌ ಬಾಕ್ಸ್‌ನಲ್ಲಿ ಕಿಲಿಯ ಕಾರ್ಯಕ್ಷಮತೆಯನ್ನು ಶ್ಲಾಘಿಸಿ ಅವರನ್ನ ಅದ್ಭುತ ಎಂದು ಕರೆದಿದ್ದಾರೆ. ರಣಬೀರ್ ಕಪೂರ್, ಐಶ್ವರ್ಯಾ ರೈ ಮತ್ತು ಅನುಷ್ಕಾ ಶರ್ಮಾ ಅಭಿನಯದ 2016 ರ ಚಿತ್ರ ಏ ದಿಲ್ ಹೈ ಮುಷ್ಕಿಲ್‌ನ ಜನಪ್ರಿಯ ಹಾಡು ಚನ್ನ ಮೇರೆಯಾ. ಈ ಹಾಡಿಗೆ ಪ್ರೀತಮ್ ಮ್ಯೂಸಿಕ್ ನೀಡಿದ್ದು, ಮೆಲೊಡಿ ಕಿಂಗ್ ಅರಿಜಿತ್ ಸಿಂಗ್ ತಮ್ಮ ಮಧುರ ಕಂಠದ ಮೂಲಕ ಜೀವ ತುಂಬಿದ್ದಾರೆ.
https://youtu.be/Hqubu9cDIJ4
Loading ...