ಓಮಿಕ್ರಾನ್ ರೂಪಾಂತರಿಯು ದೇಶಾದ್ಯಂತ ಹರುಡುತ್ತಿರುವ ವೇಗವನ್ನು ನೋಡಿದರೆ ಹೊಸ ಕೋವಿಡ್ 19 ರೂಫಾಂತರಿಯು ಮಹಾಮಾರಿಯಿಂದ ಒಂದು ಸ್ಥಳೀಯ ಕಾಯಿಲೆಯಾಗಿದೆ ಪರಿವರ್ತನೆ ಆಗಬಹುದು ಎಂದು ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಓಮಿಕ್ರಾನ್ ಕೊರೊನಾ ರೂಪಾಂತರಿಯು ಮಹಾಮಾರಿಯನ್ನು ಒಂದು ಸ್ಥಳೀಯ ಸಾಂಕ್ರಾಮಿಕ ರೋಗವನ್ನಾಗಿ ಪರಿವರ್ತಿಸುವ ಸಾಧ್ಯತೆ ಇದೆ ಎಂದು ತಜ್ಞರು ಹೇಳಿದ್ದಾರೆ, ಅಂದರೆ ಓಮಿಕ್ರಾನ್ ಹೆಚ್ಚಾಗಿ ಹರಡುತ್ತದೆ, ಲಸಿಕೆಯನ್ನು ಸ್ವೀಕರಿಸದ ಜನರನ್ನು ಹೆಚ್ಚಾಗಿ ಟಾರ್ಗೆಟ್ ಮಾಡುತ್ತದೆ.
ಅಲ್ಲದೇ ಮುಂದಿನ ದಿನಗಳಲ್ಲಿ ಆಸ್ಪತ್ರೆಗೆ ದಾಖಲಾಗುವವರ ಸಂಖ್ಯೆ ಹಾಗೂ ಕೋವಿಡ್ ಸಾವುಗಳು ಕೂಡ ಹೆಚ್ಚಾಗಬಹುದು ಆದರೆ ಕೋವಿಡ್ ನಿಂದ ಚೇತರಿಸಿಕೊಂಡವರು ನೈಸರ್ಗಿಕವಾಗಿ ಪ್ರತಿರಕ್ಷಕಗಳನ್ನು ತಮ್ಮ ದೇಹದಲ್ಲಿ ಅಭಿವೃದ್ಧಿಪಡಿಸಿಕೊಳ್ಳುತ್ತಾರೆ.
ಕೊಲಂಬಿಯಾ ವಿಶ್ವವಿದ್ಯಾಲಯದ ಪ್ರೊಫೆಸರ್ ಹಾಗೂ ವೈರಲಾಜಿಸ್ಟ್ ಡಾ. ಡೇವಿಡ್ ಹೋ ನೀಡಿರುವ ಮಾಹಿತಿಯ ಪ್ರಕಾರ ಕಳೆದ ಕೆಲ ವರ್ಷಗಳಲ್ಲಿ ಕೋವಿಡ್ ಅನೇಕ ರೀತಿಯ ತಿರುವುಗಳನ್ನು ಕಂಡಿದೆ. ಉದಾಹರಣೆಗೆ ದಕ್ಷಿಣ ಆಫ್ರಿಕಾದಲ್ಲಿ ಮೊದಲ ಬಾರಿಗೆ ಕೋವಿಡ್ ಓಮಿಕ್ರಾನ್ ರೂಪಾಂತರಿ ಪತ್ತೆಯಾಗಿತ್ತು. ಇದಾದ ಬಳಿಕ ಕೊರೊನಾ ಸೋಂಕಿತರ ಸಂಖ್ಯೆಯಲ್ಲಿ ಗಣನೀಯವಾಗಿ ಏರಿಕೆ ಕಂಡು ಬಂದರೂ ಸಹ ಅಲ್ಲಿ ಆಸ್ಪತ್ರೆಗೆ ದಾಖಲಾದವರ ಸಂಖ್ಯೆ ಹಾಗೂ ಸಾವಿನ ಸಂಖ್ಯೆ ಇನ್ನೂ ಇಳಿಮುಖವಾಗಿಯೇ ಇದೆ. ಆ ದೇಶದ ಲಸಿಕೆ ಅಭಿಯಾನದ ಪ್ರಮಾಣ ಹಾಗೂ ಅಲ್ಲಿನ ಹವಾಮಾನ ಇಲ್ಲಿ ಪ್ರಮುಖ ಪಾತ್ರ ವಹಿಸಿದೆ ಎಂದು ಹೇಳಿದರು.
ಇನ್ನು ಇದೇ ವಿಚಾರವಾಗಿ ಮಾತನಾಡಿದ ಲೈಸೆಸ್ಟರ್ ವಿಶ್ವವಿದ್ಯಾಲಯದ ಪ್ರೊಫೆಸರ್ ಡಾ.ಜ್ಯೂಲಿಯನ್ ಟಾಂಗ್, ಕೊರೊನಾ ತನ್ನ ಶಕ್ತಿಯನ್ನು ಕಳೆದುಕೊಳ್ಳುತ್ತಿರೋದಕ್ಕೆ ಓಮಿಕ್ರಾನ್ ಮೊದಲ ಉದಾಹರಣೆಯಾಗಿದೆ. ಓಮಿಕ್ರಾನ್ ಸೋಂಕಿತರಲ್ಲಿ ಗಂಭೀರ ಲಕ್ಷಣಗಳು ಗೋಚರವಾಗುತ್ತಿಲ್ಲ. ಇದು ಕೊರೊನಾ ವೈರಸ್ ಮಾನವರ ಜೊತೆ ಹೊಂದಾಣಿಕೆ ಮಾಡಿಕೊಳ್ಳುತ್ತಿದೆ ಎಂಬುದಕ್ಕೆ ಸ್ಪಷ್ಟ ಉದಾಹರಣೆಯಾಗಿದೆ ಎಂದು ಹೇಳಿದ್ದಾರೆ.
Loading ...