ಒಮಿಕ್ರಾನ್ ಆತಂಕದಲ್ಲಿದ್ದ ರಾಜ್ಯದ ಜನತೆಗೆ ಗುಡ್ ನ್ಯೂಸ್

ಒಮಿಕ್ರಾನ್ ವಿಚಾರದಲ್ಲಿ ರಾಜ್ಯದ ಜನತೆಗೆ ಸಿಹಿ ಸುದ್ದಿ ಸಿಕ್ಕಿದೆ. ದೇಶದ ಹಲವು ರಾಜ್ಯಗಳಲ್ಲಿ R ನಂಬರ್ ಸಂಖ್ಯೆ ಹೆಚ್ಚಾಗಿದೆ. ಆದರೆ, ಕರ್ನಾಟಕ ರಾಜ್ಯದಲ್ಲಿ ಮಾತ್ರ R ನಂಬರ್ ಸಂಖ್ಯೆ ಕಡಿಮೆಯಾಗಿದೆ.

ಆರ್ ನಂಬರ್ ಕೊರೊನಾ ಸೋಂಕು ಹರಡುವ ಸೂಂಚ್ಯಕವಾಗಿದೆ. ಆರ್ ನಂಬರ್ ಅಂದರೆ ರೀ ಪ್ರೊಡಕ್ಟಿವ್ ನಂಬರ್ ಎಂದರ್ಥ. ಕರ್ನಾಟಕದಲ್ಲಿ ಆರ್ ನಂಬರ್ ಇಳಿಕೆಯಾಗಿರುವುದು ಶುಭ ಸುದ್ದಿಯಾಗಿದೆ.

ನವೆಂಬರ್ ಮೊದಲ ವಾರಕ್ಕಿಂತ ಈಗ ಆರ್ ನಂಬರ್ ಇಳಿಕೆಯಾಗಿದೆ. ಆದರೆ ದೇಶದ ಎಂಟು ರಾಜ್ಯಗಳಲ್ಲಿ R ನಂಬರ್ ಹೆಚ್ಚಳವಾಗಿದೆ. ಬಿಹಾರ, ಉತ್ತರ ಪ್ರದೇಶ, ಗುಜರಾತ್, ಮಧ್ಯಪ್ರದೇಶ, ಮಹಾರಾಷ್ಟ್ರ, ಹರಿಯಾಣ, ಉತ್ತರಾಖಂಡ್, ತೆಲಂಗಾಣದಲ್ಲಿ R ನಂಬರ್ ಹೆಚ್ಚಾಗಿದೆ.

ಬಿಹಾರ, ಉತ್ತರ ಪ್ರದೇಶ, ಗುಜರಾತ್, ಮಧ್ಯಪ್ರದೇಶ, ಮಹಾರಾಷ್ಟ್ರ, ಹರಿಯಾಣ, ಉತ್ತರಾಖಂಡ ಮತ್ತು ತೆಲಂಗಾಣ ಸೇರಿದಂತೆ ಎಂಟು ರಾಜ್ಯಗಳು 1 ಮತ್ತು ಅದಕ್ಕಿಂತ ಹೆಚ್ಚಿನ R- ಮೌಲ್ಯವನ್ನು ಹೊಂದಿದ್ದು, ಅಲ್ಲಿ ಕೋವಿಡ್ ವೇಗವಾಗಿ ಹರಡುತ್ತಿದೆ ಎಂದು ಸೂಚಿಸುತ್ತದೆ.

ಕಳೆದ ಒಂದು ತಿಂಗಳಲ್ಲಿ, ಕೋವಿಡ್ ಸೋಂಕಿನ ಆರ್-ಮೌಲ್ಯವು ಹಲವಾರು ರಾಜ್ಯಗಳಲ್ಲಿ ಗಣನೀಯವಾಗಿ ಹೆಚ್ಚಾಗಿದೆ. ಕೆಲವು ರಾಜ್ಯಗಳಲ್ಲಿ, ಮೌಲ್ಯವು ಕಡಿಮೆಯಾದೆ. ಸೋಂಕಿನ ಆರ್-ಮೌಲ್ಯವು ವಿಜ್ಞಾನಿಗಳು ಮತ್ತು ಸಾಂಕ್ರಾಮಿಕ ರೋಗಶಾಸ್ತ್ರಜ್ಞರಿಗೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ಹೊಂದಿದೆ. ಇದು ವೈರಸ್ ಹರಡುವಿಕೆಯನ್ನು ಸೂಚಿಸುತ್ತದೆ. ಒಂದು ರಾಜ್ಯದಲ್ಲಿ ಆರ್-ಮೌಲ್ಯವು 1 ಆಗಿದ್ದರೆ, ಒಬ್ಬ ಕೋವಿಡ್ ಸೋಂಕಿತ ವ್ಯಕ್ತಿಯು ಇನ್ನೊಬ್ಬ ವ್ಯಕ್ತಿಗೆ ಸೋಂಕನ್ನು ಹರಡಬಹುದು ಎಂದರ್ಥ. 1 ಕ್ಕಿಂತ ಕಡಿಮೆ ಮೌಲ್ಯ ಎಂದರೆ ಒಬ್ಬ ಸೋಂಕಿತ ವ್ಯಕ್ತಿಯು ಒಬ್ಬರಿಗಿಂತ ಕಡಿಮೆ ವ್ಯಕ್ತಿಗೆ ಸೋಂಕನ್ನು ಹರಡಬಹುದು. 1 ಕ್ಕಿಂತ ಹೆಚ್ಚಿನ ಮೌಲ್ಯವು ಒಬ್ಬ ಸೋಂಕಿತ ವ್ಯಕ್ತಿಯು ಒಂದಕ್ಕಿಂತ ಹೆಚ್ಚು ವ್ಯಕ್ತಿಗಳಿಗೆ ಸೋಂಕನ್ನು ಹರಡಬಹುದು ಎಂದು ಸೂಚಿಸುತ್ತದೆ ಎನ್ನಲಾಗಿದೆ.