ಸರ್ಕಾರದ ಖಾಲಿ ಹುದ್ದೆಗಳ ನೇಮಕಾತಿ ಪರೀಕ್ಷೆಗೆ ತಯಾರಿ ನಿರಂತರವಾಗಿ ನಡೆಸುವ ವಿದ್ಯಾರ್ಥಿಗಳು ನೇಮಕಾತಿ ವಿಳಂಬದ ಸಂದರ್ಭದಲ್ಲಿ ಸಂಬಂಧಿತ ರಾಜ್ಯ ಅಥವಾ ಕೇಂದ್ರ ಸರ್ಕಾರದ ವಿರುದ್ಧ ಅಭಿಯಾನ ಪ್ರಾರಂಭಿಸಲು ಸಾಮಾಜಿಕ ಮಾಧ್ಯಮದ ಮೊರೆ ಹೋಗುತ್ತಾರೆ.
ಆದಾಗ್ಯೂ, ಉತ್ತರ ಪ್ರದೇಶದ ವಿದ್ಯಾರ್ಥಿಯು ಮೋಸ ಮಾಡುವುದನ್ನು ಮತ್ತೊಂದು ಹಂತಕ್ಕೆ ಕೊಂಡೊಯ್ದಿದ್ದಾನೆ. ಈತನ ವಂಚನೆ ಎಲ್ಲರ ಹುಬ್ಬೇರುವಂತೆ ಮಾಡಿದೆ.
ಪರೀಕ್ಷೆ ಬರೆಯಲು ಬಂದಿದ್ದ ವಿದ್ಯಾರ್ಥಿಯ ಸಂಪೂರ್ಣ ಸೆಟಪ್ ಅನಾವರಣಗೊಳಿಸಿದಾಗ ಭದ್ರತಾ ಸಿಬ್ಬಂದಿ ಕೂಡ ಬೆಚ್ಚಿಬಿದ್ದಿದ್ದಾರೆ.
ಐಪಿಎಸ್ ಅಧಿಕಾರಿ ರೂಪಿನ್ ಶರ್ಮಾ ಅವರು ತಮ್ಮ ಟ್ವಿಟರ್ ಹ್ಯಾಂಡಲ್‌ನಲ್ಲಿ ಹಂಚಿಕೊಂಡಿರುವ ವಿಡಿಯೋ ಪ್ರಕಾರ, ಉತ್ತರ ಪ್ರದೇಶ ಮೂಲದ ವಿದ್ಯಾರ್ಥಿ ಯುಪಿ ಸಬ್ ಇನ್ಸ್‌ ಪೆಕ್ಟರ್ ಪರೀಕ್ಷೆಗೆ ಹಾಜರಾಗಿದ್ದ ವೇಳೆ ಸಿಕ್ಕಿಬಿದ್ದಿದ್ದಾನೆ. ಅಭ್ಯರ್ಥಿಯನ್ನು ವಿಚಾರಣೆ ನಡೆಸುತ್ತಿರುವಾಗ ವಿದ್ಯಾರ್ಥಿಯು ತನ್ನ ತಲೆಯ ಮೇಲೆ ವಿಗ್ ಅನ್ನು ಇರಿಸಿದ್ದು, ಅದರಿಂದ ಕಿವಿಗಳಿಗೆ ಇಯರ್‌ ಫೋನ್‌ಗಳನ್ನು ಅಳವಡಿಸಿರುವುದನ್ನು ಪೊಲೀಸರು ಕಂಡುಕೊಂಡಿದ್ದಾರೆ. ಭದ್ರತಾ ಸಿಬ್ಬಂದಿ ಅವರ ಕಿವಿಯೊಳಗೆ ಎರಡು ಏರ್ ಪಾಡ್‌ ಗಳಿರುವುದನ್ನು ಗಮನಿಸಿದ್ದಾರೆ. ಕುತೂಹಲಕಾರಿ ವಿಷಯವೆಂದರೆ ಏರ್‌ಪಾಡ್‌ಗಳ ಗಾತ್ರ ತುಂಬಾ ಚಿಕ್ಕದಾಗಿದೆ. ಅಭ್ಯರ್ಥಿಯು ತನ್ನ ಕಿವಿಯಿಂದ ಸಾಧನವನ್ನು ತೆಗೆದುಹಾಕಲು ವಿಫಲವಾಗಿದೆ.
ಉತ್ತರ ಪ್ರದೇಶದಲ್ಲಿ ಸಬ್ ಇನ್ಸ್‌ ಪೆಕ್ಟರ್ ಪರೀಕ್ಷೆಯು ಮೋಸ ನೋಡಿ ಎಂಬ ಶೀರ್ಷಿಕೆಯೊಂದಿಗೆ ವಿಡಿಯೊ ಹೊಂದಿರುವ ಟ್ವೀಟ್ ಈಗ ಮೈಕ್ರೋಬ್ಲಾಗಿಂಗ್ ಪ್ಲಾಟ್‌ ಫಾರ್ಮ್‌ನಲ್ಲಿ ವೈರಲ್ ಆಗಿದೆ.
ನೆಟಿಜನ್‌ಗಳು ಸೃಜನಶೀಲತೆ ಶ್ಲಾಘಿಸಿದ್ದಾರೆ
ಸುಮಾರು 15 ಗಂಟೆಗಳ ಹಿಂದೆ ಹಂಚಿಕೊಂಡಾಗಿನಿಂದ ವೀಡಿಯೊ 34k ವೀಕ್ಷಣೆಗಳನ್ನು ಗಳಿಸಿದೆ. ನೆಟಿಜನ್‌ಗಳು ಕಾಮೆಂಟ್ ವಿಭಾಗದಲ್ಲಿ ಭಾರಿ ಹಾಸ್ಯವಾಗಿ ಟೀಕೆ ಮಾಡಿದ್ದಾರೆ. ಕೆಲವು ನೆಟಿಜನ್‌ಗಳು ನವೀನ ಶೈಲಿಯ ವಂಚನೆಯನ್ನು ಶ್ಲಾಘಿಸಿದ್ದಾರೆ. ಗೂಢಚಾರಿಕೆ ಪರೀಕ್ಷೆಗೆ ನೇಮಕಾತಿ ಅರ್ಜಿಯನ್ನು ಬದಲಿಸುವಂತೆ ವ್ಯಂಗ್ಯವಾಡಿದ್ದಾರೆ. ಈತ ಸೈಬರ್ ಕ್ರೈಂ ವಿಭಾಗಕ್ಕೆ ಸರಿಯಾದ ಅಭ್ಯರ್ಥಿಯಾಗಿದ್ದು, ತಕ್ಷಣವೇ ಆತನನ್ನು ನೇಮಿಸಿಕೊಳ್ಳಿ ಎಂದು ಕೂಡ ಕೆಲವರು ಬರೆದಿದ್ದಾರೆ. ಹೀಗೆ ಅನೇಕರು ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
Loading ...