ಶ್ವಾನದ ಬೆಲೆ ಕಟ್ಟಲಾಗದ ನೋಟಕ್ಕೆ ಮನಸೋತ ನೆಟ್ಟಿಗರು..!

ಪ್ರಾಣಿಗಳ ತಮಾಷೆಯ ವಿಡಿಯೋಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಬಹುತೇಕ ಎಲ್ಲರೂ ಇಷ್ಟಪಡುತ್ತಾರೆ. ಅಂತಹ ಒಂದು ವಿಡಿಯೋ ವೈರಲ್ ಆಗಿದ್ದು, ನೆಟ್ಟಿಗರು ಖುಷಿಪಟ್ಟಿದ್ದಾರೆ.

ಸಾಮಾನ್ಯವಾಗಿ ಹಸ್ಕಿ ಜಾತಿಯ ನಾಯಿಗಳು ಬಹುತೇಕರ ನೆಚ್ಚಿನ ಶ್ವಾನವಾಗಿದೆ. ಬೆಕ್ಕೊಂದರ ವರ್ತನೆಗೆ ಹಸ್ಕಿ ತೋರಿದ ರಿಯಾಕ್ಷನ್ ನೆಟ್ಟಿಗರ ಮನಗೆದ್ದಿದೆ. ಹೌದು, ದೂರದರ್ಶನದಲ್ಲಿ ಹಕ್ಕಿಗಳ ವಿಡಿಯೋ ಪ್ಲೇ ಆಗುತ್ತಿತ್ತು. ಈ ವೇಳೆ, ಇದನ್ನು ನೋಡುತ್ತಾ ಕುಳಿತಿದ್ದ ಬೆಕ್ಕೊಂದು ಹಕ್ಕಿಗಳನ್ನು ಹಿಡಿಯಲು ಒಮ್ಮೆಲೆ ಟಿವಿಯತ್ತ ಹಾರಿದೆ.

ದೂರದರ್ಶನಕ್ಕೆ ಅಪ್ಪಳಿಸಿದ ಬೆಕ್ಕು ಕೆಳಕ್ಕೆ ಬಿದ್ದಿದೆ. ಬೆಕ್ಕು ಮಾಡಿದ ಅವಾಂತರಕ್ಕೆ ಅಲ್ಲೇ ಮಲಗಿದ್ದ ಹಸ್ಕಿ ನಾಯಿ ಥಟ್ಟನೆ ನಿದ್ದೆಯ ಮಂಪರಿನಿಂದ ಎದ್ದು, ಕಣ್ಣುಗಳನ್ನು ಪಿಳಿಪಿಳಿ ಬಿಟ್ಟುಕೊಂಡು ನೋಡಿದೆ. ಅದು, ನೋಡಿದ ರೀತಿಯು ಬೆಕ್ಕಿನ ಬಗ್ಗೆ ಗಂಭೀರವಾಗಿ ಕಾಳಜಿ ವಹಿಸಿದಂತೆ ತನ್ನ ನೋಟವನ್ನು ಬೀರಿದೆ. ಈ ಅಮೂಲ್ಯವಾದ ನೋಟವು ನೆಟ್ಟಿಗರ ಹೃದಯಗೆದ್ದಿದೆ.

ಡಚ್ ಪ್ರಾಣಿ ಪ್ರೇಮಿ ಬ್ಯುಟೆಂಗೆಬೀಡೆನ್ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ವಿಡಿಯೋ ವೈರಲ್ ಆಗಿದ್ದು, ಉಲ್ಲಾಸದ ಕಮೆಂಟ್‌ಗಳನ್ನು ಸಂಗ್ರಹಿಸಿದೆ. ನಾಯಿಗಳು ಬೆಕ್ಕುಗಳಿಗಿಂತ ಹೆಚ್ಚು ಬುದ್ಧಿವಂತರು ಎಂಬುದಕ್ಕೆ ಇದು ಪುರಾವೆ ಎಂದು ಒಬ್ಬ ಬಳಕೆದಾರರು ಪ್ರತಿಕ್ರಿಯಿಸಿದ್ದಾರೆ.

https://twitter.com/buitengebieden_/status/1471965264833138690?ref_src=twsrc%5Etfw%7Ctwcamp%5Etweetembed%7Ctwterm%5E1471965264833138690%7Ctwgr%5E%7Ctwcon%5Es1_&ref_url=https%3A%2F%2Fwww.india.com%2Fviral%2Fviral-video-funny-billi-cat-tries-to-catch-bird-on-tv-huskys-priceless-reaction-5148543%2F