ದಿ. ಜಯಲಲಿತಾ ಪೋಯಸ್​ ಗಾರ್ಡನ್​ ನಿವಾಸದ ಕೀಲಿ ಕೈ ಸಂಬಂಧಿಗಳಿಗೆ ಹಸ್ತಾಂತರ

ಮದ್ರಾಸ್​​ ಹೈಕೋರ್ಟ್​ನ ಆದೇಶದಂತೆ ತಮಿಳುನಾಡು ಮಾಜಿ ಸಿಎಂ ದಿವಂಗತ ಜೆ. ಜಯಲಲಿತಾ ಅವರ ಪೋಯಸ್​ ಗಾರ್ಡನ್​​ ನಿವಾಸದ ಕೀಗಳನ್ನು ಜಯಲಲಿತಾ ಸೊಸೆ ದೀಪಾ ಹಾಗೂ ಅಳಿಯ ದೀಪಕ್​ ಜಯರಾಂಗೆ ಹಸ್ತಾಂತರಿಸಲಾಗಿದೆ.

ಜಯಲಲಿತಾರ ಪೋಯಸ್​ ಗಾರ್ಡನ್​ ನಿವಾಸವನ್ನು ಸ್ಮಾರಕವನ್ನಾಗಿ ನಿರ್ಮಿಸುವ ಅಂದಿನ ಎಐಎಡಿಂಕೆ ಸರ್ಕಾರದ ನಿರ್ಧಾರವನ್ನು ನವೆಂಬರ್​ 24ರಂದು ರದ್ದುಗೊಳಿಸಿದ್ದ ಮದ್ರಾಸ್​ ಹೈಕೋರ್ಟ್​ ಪೋಯಸ್​ ಗಾರ್ಡನ್​ ನಿವಾಸ ಜಯಲಲಿತಾರ ಸಂಬಂಧಿಗಳಿಗೆ ಸೇರಿದ್ದು ಎಂದು ಹೇಳಿತ್ತು.

ಜಯಲಲಿತಾರ ಏಕೈಕ ಸಹೋದರ ಜಯಕುಮಾರ್​ ಮಕ್ಕಳಾದ ದೀಪಾ ಹಾಗೂ ದೀಪಕ್​ ಜಯರಾಂ ವೇದ ನಿಲಯಂ ವಿಚಾರವಾಗಿ ಅಂದಿನ ಎಐಎಡಿಎಂಕೆ ಸರ್ಕಾರದ ನಿರ್ಧಾರವನ್ನು ಪ್ರಶ್ನಿಸಿ ಹೈಕೋರ್ಟ್​ ಮೆಟ್ಟಿಲೇರಿದ್ದರು. ಜಯಲಲಿತಾ ನೆಲೆಸಿದ್ದ ನಿವಾಸವನ್ನು ತನ್ನ ಸುಪರ್ದಿಗೆ ಪಡೆದಿದ್ದ ಎಐಎಡಿಂಕೆ, ತಮಿಳುನಾಡು ವಿಧಾನಸಭೆ ಚುನಾವಣೆಗೂ ಮುನ್ನ ಅಂದರೆ ಈ ವರ್ಷದಲ್ಲಿಯೇ ವೇದ ನಿಲಯಂನ್ನು ಸ್ಮಾರಕವನ್ನಾಗಿ ಪರಿವರ್ತಿಸಲು ಮುಂದಾಗಿತ್ತು.

ಆದರೆ ಮದ್ರಾಸ್​ ಹೈಕೋರ್ಟ್​ನ ಈ ನಿರ್ಧಾರವು ಬಂಗಲೆಯನ್ನು ಸ್ವಾಧೀನಪಡಿಸಿಕೊಳ್ಳಲು ಆದೇಶ ನೀಡಿದ್ದ ಅಂದಿನ ತಮಿಳುನಾಡು ಸಿಎಂ ಎಡಪ್ಪಳ್ಳಿ ಕೆ ಪಳನಿಸ್ವಾಮಿಗೆ ಹಾಗೂ ಅಂದಿನ ತಮಿಳುನಾಡು ಉಪಮುಖ್ಯಮಂತ್ರಿ ಒ. ಪಳನಿಸ್ವಾಮಿಗೆ ಹಿನ್ನಡೆ ಉಂಟು ಮಾಡಿತ್ತು. ಜನವರಿ 2021 ರಂದೇ ಜಯಲಲಿತಾ ಸ್ಮಾರಕ ಉದ್ಘಾಟನೆ ಮಾಡಲಾಗಿತ್ತಾದರೂ ಕೋರ್ಟ್​ ಆದೇಶವಿದ್ದ ಹಿನ್ನೆಲೆಯಲ್ಲಿ ಸಾರ್ವಜನಿಕರ ಪ್ರವೇಶಕ್ಕೆ ಮುಕ್ತವಾಗಿರಲಿಲ್ಲ.