ಇನ್ಸ್ಟಾಗ್ರಾಂ ಬಳಕೆದಾರರು ಪ್ರಸ್ತುತ ಜುಗ್ನು ಚಾಲೆಂಜಿನ ಗೀಳನ್ನು ಹೊಂದಿದ್ದಾರೆ. ನೀವು ಈ ಸಾಮಾಜಿಕ ಮಾಧ್ಯಮದಲ್ಲಿ ಸಕ್ರಿಯರಾಗಿದ್ದರೆ, ಬಾದ್‌ಶಾ ಅವರ ವೈರಲ್ ಹಾಡಿನ ಜುಗ್ನುಗೆ ನೃತ್ಯ ಮಾಡುವ ಅನೇಕರ ವಿಡಿಯೋಗಳನ್ನು ನೀವು ನೋಡಿರಬಹುದು. ಇದೀಗ, ವೈದ್ಯಕೀಯ ವಿದ್ಯಾರ್ಥಿಗಳ ಗುಂಪಿನ ವಿಡಿಯೋ ಆನ್‌ಲೈನ್‌ನಲ್ಲಿ ಟ್ರೆಂಡಿಂಗ್ ಆಗಿದೆ.
ಜುಗ್ನು ಸವಾಲು ಎಂಬ ಈ ಚಾಲೆಂಜ್ ಇನ್‌ಸ್ಟಾಗ್ರಾಮ್‌ನಲ್ಲಿ ಪ್ರಾರಂಭವಾಯಿತು. ಮೂಲ ವಿಡಿಯೋದಲ್ಲಿ ಬಾದ್‌ಶಾ ಮತ್ತು ಆಕಾಂಕ್ಷಾ ಶರ್ಮಾ ಮಾಡಿದಂತೆಯೇ ಜನರು ಹಾಡಿಗೆ ನೃತ್ಯ ಮಾಡಬೇಕಿದೆ. ನೃತ್ಯ ಮಾಡಲು ಬಹಳ ಸರಳವಾಗಿದ್ದು, ಇದು ಅತ್ಯಂತ ಮೋಜಿನಿಂದ ಕೂಡಿದೆ.
ವೈದ್ಯಕೀಯ ವಿದ್ಯಾರ್ಥಿನಿಯರು ಮಾಡಿರುವ ಈ ನೃತ್ಯವನ್ನು ಚಿನ್ಮಾಯಿ ರೆಡ್ಡಿ ಎಂಬುವವರು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಹಾಡಿನ ಆಕರ್ಷಕ ಬೀಟ್‌ಗಳಿಗೆ ಆರು ಮಂದಿ ಯುವತಿಯರು ಸ್ಟೆಪ್ ಹಾಕಿದ್ದಾರೆ. ತಮ್ಮ ಮೆಡಿಕಲ್ ಸಮವಸ್ತ್ರ ಹಾಗೂ ಕುತ್ತಿಗೆಯಲ್ಲಿ ಐಡಿ ಕಾರ್ಡ್ ಅನ್ನು ಧರಿಸಿರುವ ವಿದ್ಯಾರ್ಥಿನಿಯರು ಅದ್ಭುತವಾಗಿ ನೃತ್ಯ ಮಾಡಿದ್ದಾರೆ.
ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ ನಂತರ 5.3 ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದೆ. ಸವಾಲು ಸ್ವೀಕರಿಸಿದ ಯುವತಿಯರ ಅದ್ಭುತ ನೃತ್ಯ ನೆಟ್ಟಿಗರನ್ನು ಬೆರಗುಗೊಳಿಸಿದೆ.
ಇನ್ನು ಈ ಚಾಲೆಂಜ್ ನಲ್ಲಿ ನಟಿ ಶಿಲ್ಪಾ ಶೆಟ್ಟಿ, ಗೌಹರ್ ಖಾನ್ ಮತ್ತು ಕಿಶ್ವರ್ ಮರ್ಚೆಂಟ್ ಅವರಂತಹ ಹಲವಾರು ಸೆಲೆಬ್ರಿಟಿಗಳು ಸಹ ಭಾಗವಹಿಸಿದ್ದರು.
https://www.youtube.com/watch?v=srNh_qbMjtY
Loading ...